Monitorizazio eraginkorra eguzki-energiako instalazioetarako

27 iraila, 2018
Programa honi esker erabiltzaileak ekoizpen eta kontsumoari buruzko xehetasunak jakin ditzake

Ingeteamek garatutako plataforma batek instalazio fotovoltaikoetan nahiz autokontsumorako instalazioetan sortutako energia eta kontsumoari buruzko informazioa eskaintzen du

 

Iturri berriztagarrietatik energia sortzen duten instalazio handiekin batera, gero eta gehiago dira eguzkiaren energiaz baliatuta autokontsumorako sistemak instalatzea erabakitzen duten partikularrak. Testuinguru honetan, potentziako elektronikan espezializatuta dagoen Ingeteam euskal konpainiak INGECON SUN Monitor programa sortu du. Plataforma honek energia fotovoltaikoko neurri guztietako eguzki-instalazioen nahiz etxeko kontsumorako instalazioen jarduna monitorizatzen du.

 

Softwarea web bertsioan eta IOS nahiz Androiderako aplikazio gisa eskura daiteke, eta energia ekoizpenari buruzko oraingo zein iraganeko datu guztiak ezagutzeko aukera ematen du. Gainera, tresnak, datu guztiak txosten batean bildu eta erabiltzaileari helaraz diezaizkioke posta elektronikoaren bitartez.

Erlazionatutako artikuluak

Orobat interesa dakizuke

View all arrow