Euskal enpresaren blog-a Zure enpresarentzat garrantzitsua den eguneroko informazioa

20 maiatza, 2019
Biolan enpresak apustu egiten du enplegua sortzearen alde LH Dualeko programaren bitartez

Konpainiak lau ikasle gazte hartu ditu mugagabeki beren prestakuntza dualeko prozesua amaitu ondoren
Biolan-eko langileak.

Konpainiak lau ikasle gazte hartu ditu mugagabeki beren prestakuntza dualeko prozesua amaitu ondoren

 

2018ko ekainetik hona, Biolan enpresak Txandakako Lanbide Heziketa (LH) Dualeko programako lau ikasle izan ditu bere lantaldean. Ikasle horiek goi-mailako prestakuntza-ziklo hauetatik iritsi dira: Lea Artibai Ikastetxeko (Markina-Xemein) Elikadura Industrietako Prozesuak eta Kalitatea; Zabalburu Ikastetxeko (Bilbo) Laborategi Kliniko Biomedikoa; eta Armeria Eskolako (Eibar) Mantenimendu Elektronikoa.

 

Prestakuntza-prozesua egin duten pertsona horiek konpromisoz eta gogo biziz integratu dira urtebetez enpresako jarduera-eremu desberdinetan, euren gaitasun praktikoak osatzeko. Bi alderdiak oso gustura gelditu dira emaitzarekin eta Biolanek plantillan behin betiko sartzeko moduko profil interesgarridun hautagaiak lortu ditu.

 

Lanbide Heziketa Dualak enpresako eta ikastetxeko ikaskuntza-prozesuak konbinatzen ditu, prestakuntza-zentroen eta enpresen partaidetzari esker. Programa horren helburua da gazteak lan-merkatuan sartzea, kalitatezko enpleguak sustatuz eta kalitatea eta gaikuntza lehenetsiz produktuaren eta produkzio-prozesuaren gainetik.

 

Biolanek ere partekatzen ditu helburu horiek, bat datozelarik enpresaren baloreekin: erantzukizun soziala, enplegua eta aukerak sortzea gazteentzat eta gizartearekiko konpromisoa.

 

Biolani buruz

Biolan Microbiosensores Bizkaiko Zientzia eta Teknologi Parkean (Zamudio) kokatutako enpresa bioteknologiko bat da. Biosentsoreak garatzen, fabrikatzen eta merkaturatzen ditu elikaduraren industriarako parametro analitikoak kuantifikatzeko, hala nola, arrainak eta bere deribatuek duten histamina, krustazeoetako sulfitoa, laktosa gabeko esneak eta esnekiek duten laktosa edo ardoaren azido glukonikoa eta azido malikoa. Presentzia du 40tik gora herrialdetan, ordezkaritza komertzialak dituelarik Espainian, Txilen, Ekuadorren, Mexikon, Indonesian, Thailandia, Filipinar Uharteetan eta Marokon. Horri esker, bere negozioaren ia %80 esportatzen du.

Matricería Mausa
Bio osasuna 13 uztaila, 2021
Matricería Mausa enpresak 3D moldeen inprimaketa-teknologiaren aldeko apustua egin du, Europan erreferente izateko helburuarekin

50 urte betetzear dagoela, Matricería Mausaren jarduerak eboluzionatu egin du, plastikoa eta...Leer más

Bio osasuna 30 ekaina, 2021
Nexkin Medicalek finantziazio kanpaina bat ireki du merkatuan sartzeko

  Nexkin Medicalek, alergien inguruko medikuntza teknologia garapeneko enpresa...Leer más

Bio osasuna 28 ekaina, 2021
BioTech Foods: “Haragi landua funtsezko osagaia izango da gure elikaduran”

  BioTech Foods euskal ETEa elikadura arloan benetako iraultza bultzatzen ari den munduko...Leer más

Bio osasuna 18 ekaina, 2021
Binary Soulek larrialdietako taldeak digitalizatzearen eta baliabideak aurreztearen alde egin du

Binary Soulek 2014tik soluzio pertsonalizatuak eskaintzen dizkie sektore guztietako enpresei,...Leer más

Bio osasuna 8 ekaina, 2021
Food 4 Future-ek Euskadi FoodTech industriaren munduko erreferente bihurtuko du

Food 4 Future – ExpoFoodTech 2021ek 20 herrialde baino gehiagotako elikaduraren eta edarien...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?