Euskal enpresaren blog-a Zure enpresarentzat garrantzitsua den eguneroko informazioa
10 uztaila, 2019

Bartzelonako Unibertsitateko Enric Brillas izan da 2019ko “CIC energiGUNE Ikerketa Zientifiko” Sariaren irabazlea

Saridunak.

 

Teófilo Rojo Elektrokimika Saileko Zuzendari Zientifikoak eta Asier Urzelai CIC energiGUNEko Pertsonen Zuzendariak eman diote saria asteazken honetan, Espainiako Kimika Errege Elkartearen XL. Topaketaren barruan Huelvan egin den ekitaldian.

 

Enric Brillas Bartzelonako Unibertsitateko ikerlariak, Espainiako Kimika Errege Elkartearen 2019ko Elektrokimika Taldearen “CIC energiGUNE Ikerketa Zientifikoa” saria jaso du asteazken honetan, uztailaren 10ean. RSEQ erakundearen XL. topaketa dela eta Huelvan egin den entrega ekitaldian, Euskadiko zentroko Teófilo Rojo Elektrokimika Saileko Zuzendari Zientifikoak eta Asier Urzelai Pertsonen Zuzendariak hartu dute parte.

 

Sariaren helburua Elektrokimikaren alorrean ikerketa zientifikoa eta garapen teknologikoa bultzatzea da, eta 4.000 euro banatzen ditu. Epaimahaiaren iritziz, Bartzelonako Unibertsitateko Enric Brillas Cosok aurkeztu duen proiektuak merezi izan du saria irabaztea.

 

Brillasek aurkeztutako hautagaitzako kideak hauek dira: Pere Lluís Cabot Julià, José Antonio Garrido Ponce, Rosa María Araujo Boira, Rosa María Palmira Rodríguez González, Francisco Andrés Centellas Masuet eta Ignacio Sirés Sadornil, guztiak ere Bartzelonako Unibertsitatekoak.

 

Huelvako Unibertsitateko Jacobo del Barco Pabiloian egin den ekitaldia, Espainiako Kimika Errege Elkartean Elektrokimikan Espezializatuta dagoen Taldearen XL. bileraren barruan dago. Bertan, arlo horretako adituek hartzen dute parte. Euskadiko CIC ordezkatuz, Teófilo Rojo Elektrokimika Saileko Zuzendari Zientifikoa eta Asier Urzelai Pertsonen Zuzendaria joan dira, eta epaimahaiko kide gisa ere aritu dira.

 

CIC energiGUNEri buruz

CIC energiGUNE Europako erreferentziazko ikerketa gunea da energiaren biltegiratzearen arloan. Eusko Jaurlaritzako Ekonomiaren Garapen eta Azpiegitura Sailaren arlo horretako ekimen estrategikoa da, eta Arabako Foru Aldundiaren eta Energiaren Euskal Erakundearen laguntza ere badu, eta energiaren eta biltegiratzearen sektoreko Euskadiko enpresa nagusiak ditu bere patronatuan: Iberdrola, Cegasa Portable Energy, Sener, Siemens-Gamesa, Ormazabal, Idom, Solarpack, Mondragon Korporazioa eta Nortegas.

 

Miñaoko CICek oso emaitza garrantzitsuarekin itxi zuen 2018ko ekitaldia: eragin handiko 500 argitalpen zientifikotik gora,  35 industria proiektu baino gehiagotan parte hartzea, eta Europa mailako 9 proiektu, H2020 esparruaren barruan, Europan 120 milioi euro baino gehiago trakzionatuz.

Energia 12 martxoa, 2020
Stansol Energy enpresak Estatuko ur gaineko parke fotovoltaiko handiena inauguratu du

Stansol Energy neurrira eginiko egitura fotovoltaikoen eraikuntzan espezializatuta...Leer más

Energia 27 otsaila, 2020
Nazioartekotzeko Euskal Agentziak industria eolikoaren nazioarteko foroan parte hartu du Moskun

Urtero egiten den ekitaldi horretan energia eolikoaren sektoreko 150etik gora enpresa elkartzen...Leer más

Energia 21 otsaila, 2020
SPRI Taldeak garapen industrialerako erronka eta aukera bezala aurkeztu ditu ekonomiaren deskarbonizazioa eta digitalizazioa

Cristina Oyónek, SPRI Taldeko ekimen estrategikoen arduradunak, Atlantikoko Emakumezko Enpresari...Leer más

Energia 18 otsaila, 2020
Ingeteam, Europako instalazio fotovoltaikorik handieneko partaide

Euskal enpresak Aragoin kokatuta dagoen gune horretako azpiestazioak babestu eta kontrolatzeko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?