Albisteak 2 maiatza, 2024

URBNSURF enpresa australiarrak berriro aukeratu du Euskadiko Wavegarden bere bigarren surf parkerako

Donostiako enpresa mundu osoan zortzi surf parke martxan dituen sustatzaile bakarra da.
-

Kirol olinpikoaren sorlekua Australian, Sydneyko Parke Olinpikoa, Wavegardenek herrialde honetan instalatzen duen bigarren surf parkearen egoitza da orain. 75 milioi dolar australiarretik gorako inbertsioarekin, URBNSURFek Donostiako olatuen ingeniaritzan konfiantza izan du bigarren aldiz, 2020an Melbourneko surf parkea ireki ondoren. “Proiektu berri honek enpresa australiarrak Wavegardenengan duen balioa eta konfiantza nabarmentzen ditu”, azpimarratu du Fernando Odriozola, Wavegardeneko zuzendari komertzialak. 

Horrela, Wavegarden mundu osoan zortzi surf parke martxan dituen sustatzaile bakarra da: bi Brasilen, bat Suitzan, Erresuma Batuan, Hego Korean, Espainiako iparraldean eta, orain, bi Australian. “Sydneyk surfa egiteko hondartza ugari izateko zortea badu ere, hondartzetara sarbidea eta olatuak hartzeko ilaretan pilaketa gero eta arazo larriagoak dira”, azaldu du Odriozolak. Hori dela eta, “Sydneyko Wavegarden Cove urmaela ozeanoetako surfaren alternatiba bat da, surflariei kirol hau segurtasun, erraztasun eta maiztasun handiagoarekin egiteko aukera emanez“, gaineratu du. 

“URBNSURF Sydney sortu genuen, 2020an Melbournen Australiako lehen surf parkea garatu, abiarazi eta arrakastaz martxan jartzean lortutako esperientzian eta ezagutzetan oinarrituta”, azpimarratu du Damon Tudor URBNSURFeko CEOak. “Harro gaude industria berri eta zirraragarri honetan aitzindaritzat hartu gaituztelako, Sydneyko gure bigarren parkearen irekierarekin primizia mundiala bihurtu garelako. Ezin dugu itxaron gure bezeroei erakusteko Australia eta munduan zer lortu dugun”. 

Instalazioak diseinu jasangarriko elementuak, energia berriztagarria eta ura aurrezteko sistemak ditu. Orduko 90 surflarirentzako edukierarekin, lau gune espezifikotan banatuta, eguneko 1.000 bisitari hartzeko diseinatuta dago, eta surflari bakoitzak 10-12 olatu izango ditu saio bakoitzean. 

Jendearentzat ireki aurretik (aurtengo maiatzerako aurreikusita dago), Dylan Moffat, Owen Wright eta Milla Coco Brown surfeko profesionalek frogatu dute urmaela, eta baldintza guztiak betetzen dituela ondorioztatu dute. “Sinestezina da Australian horrelako surf parkeak ditugula pentsatzea”, azpimarratu du Wrightek, eta gaineratu du “olatuak mundu mailakoak direla benetan”. 

Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak. 

Lotutako albisteak

Euskadik  itsasoko  energia  eolikoan  duen  nazioarteko  posizionamendua  indartu  du  Japonian
16/10/2025 Nazioartekotzea

Euskadik itsasoko energia eolikoan duen nazioarteko posizionamendua indartu du Japonian

Euskadik eta bere industria sareak GOWS 2025ean duten parte hartzea sektoreko enpresa liderrekin eta nazioarteko erakundeekin lankidetza esparru batean garatzen da

Voon  Sports,  teknologia  adimenduna  duen  kirol  entrenamenduaren  irtenbidea
13/10/2025 Nazioartekotzea

Voon Sports, teknologia adimenduna duen kirol entrenamenduaren irtenbidea

Donostiako konpainiak kirolarien entrenamendu teknikoa eta kognitiboa hobetzen duten gailuak eta app propioa garatzen ditu.

Eusko  Jaurlaritzak  nazioartekotzea  bultzatu  du  9,5  milioi  euroko  laguntzen  bidez

Eusko Jaurlaritzak nazioartekotzea bultzatu du 9,5 milioi euroko laguntzen bidez

Enpresek Zabaldu, Sakondu eta Elkartu programetarako diru-laguntzak eska ditzakete.

Nazioartekotzerako  enpresa-lankidetzari  bultzada,  Elkarturekin
10/10/2025 Nazioartekotzea

Nazioartekotzerako enpresa-lankidetzari bultzada, Elkarturekin

Urriaren 14an Elkartu programaren deialdi berri bat irekiko da. Nazioartekotze-jardueretarako enpresen arteko lankidetza bultzatzea da programaren xedea. 1.000.000 euroko aurrekontua du programak, eta nazioartean duten posizionamendua hobetu nahi duten enpresa-lankidetzako elkarte eta taldeei zuzenduta dago.

Europako  Batzordeak  proposamen  bat  iragarri  du  beste  herrialde  batzuetatik  datorren  altzairuaren  muga-zergak  %50era  igotzeko  eta  haren  jatorriaren  trazabilitatea  indartzeko

Europako Batzordeak proposamen bat iragarri du beste herrialde batzuetatik datorren altzairuaren muga-zergak %50era igotzeko eta haren jatorriaren trazabilitatea indartzeko

Xedapen horiek Europako Parlamentuak eta Kontseiluak erregelamenduaren azken testua adostu ondoren aplikatuko dira, 2026ko ekainetik aurrera altzairuaren gaineko egungo babesa ordeztuko duena.

WOMEXen  Eskualde  Taldea  martxan  da  Euskadin,  nazioartekotzean  genero-berdintasuna  sustatzeko
09/10/2025 Berdintasuna

WOMEXen Eskualde Taldea martxan da Euskadin, nazioartekotzean genero-berdintasuna sustatzeko

Enpresa, erakunde, irakaskuntza eta elkarte arloko eragileak joan den astean bildu ziren Euskadiko Eskualde Taldearen lehen saioan, WOMEX - The role of women in the competitiveness of exporting SMEs proiektu europarraren esparruan.

Zure  enpresaren  nazioartekotze-kostuak  geldiaraz  ez  zaitzan…  Hona  hemen  Zabaldu  laguntzak!
09/10/2025 Nazioartekotzea

Zure enpresaren nazioartekotze-kostuak geldiaraz ez zaitzan… Hona hemen Zabaldu laguntzak!

SPRI Taldeak atzerrian mikroenpresen, ETE-en eta startupen presentzia bultzatzera zuzendutako Zabaldu 2025 laguntzen beste edizio bat deitu du. Aurten, programak 5 milioi euroko aurrekontua izango du nazioartekotze-prozesua berme osoz abiaraztearen kostua finantzatzen laguntzeko.

Sakonduk  kanpo-merkatu  berrietara  sartzeko  zure  enpresaren  nazioartekotzea  bultzatuko  du  75.000  euro  arteko  finantzaketa  emanda
09/10/2025 Nazioartekotzea

Sakonduk kanpo-merkatu berrietara sartzeko zure enpresaren nazioartekotzea bultzatuko du 75.000 euro arteko finantzaketa emanda

Programak 3.500.000 euroko aurrekontua du eta aurrekontuaren % 60 arteko finantzaketa emango du. Gehienez, enpresa bakoitzeko 75.000 euro. Laguntza nazioartekotze maila altua duten eta merkatu berrietarako hedapena hasi nahi duten mikroenpresei, ETE-ei eta startupei zuzenduta dago.

KSP  Basque  P5G  Master  Plan  programak  Euskadiren  eta  Hego  Korearen  arteko  lankidetza  sendotu  du  berrikuntzan  eta  digitalizazioan
02/10/2025 Nazioartekotzea

KSP Basque P5G Master Plan programak Euskadiren eta Hego Korearen arteko lankidetza sendotu du berrikuntzan eta digitalizazioan

Proiektuaren helburua 5G sare pribatuen hedapenari buruzko ezagutzak eta esperientziak partekatzea izan da, euskal industrian aplikatzeko aukerak eta erronkak identifikatuz.

IKT  sektoreko  euskal  enpresek  euren  presentzia  indartu  dute  Kolonbian,  Bogotan  egindako  topaketa  batean
25/09/2025 Nazioartekotzea

IKT sektoreko euskal enpresek euren presentzia indartu dute Kolonbian, Bogotan egindako topaketa batean

Kolonbian dauden euskal enpresen eta tokiko eragile estrategikoen arteko harreman zuzena erraztu da

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.