ULMAk EIBren mailegua eskuratu du bere hazkunde estrategia bultzatzeko
Erkidego-entitateak eskainitako finantzazioa, eraikuntzaren industriarentzat soluzio berriak garatzeko I+G+b proiektuak ezartzera bideratuta dago
ULMA euskal talde industrialak Europako Inbertsioen Bankuaren (EIB) 26 milioi euroko mailegua eskuratu du. Maileguak, bere hazkunde eta berrikuntza estrategia finantzatzeko balio eta gipuzkoar kooperatibari 300 lanpostu berri baino gehiago sortzeko aukera emango dio.
Zehazki, Oñatiko taldeak kopuru hori, eraikuntzaren industriarako soluzio berriak garatzean oinarritutako I+G+b proiektuak gauzatzeko baliatuko du. EIBren finantzazioa ULMAri Espainia eta Poloniako konbergentziazko gune geografikoetan inbertitzeko aukera ematea aurreikusita dago, eraikuntzarako ekipamendu eta makineria modernizatzeko asmoz.
Akordioa, Inbertsio Planaren testuinguruan kokatzen da, Juncker Plana moduan ezaguna den horretan, alegia, eta, ULMAk zabaldutako ohar baten arabera, EIBri enpresen lehiakortasuna sustatu eta enpleguaren sorkuntza bultzatuko duten proiektuak finantzatzeko aukera luzatzen dion egitasmoa da.
Ezagutu nortzuk diren ULMA
