“Talent Spot” Intergune 2022 ekitaldian: nazioartekotzean espezializatutako talentua euskal enpresaren zerbitzura
Talentua garatzea eta balioan jartzea ardatz estrategiko garrantzitsua da Eusko Jaurlaritzarentzat, eta horregatik, hizpide garrantzitsu bihurtuko da Intergune 2022 ekitaldiaren arratsaldeko saioetako batean. Intergune 2022 BECen izango da urriaren 27ko arratsaldeko 15:15etik aurrera, eta Ekonomi Garapen, Jasangarritasun eta Ingurumen sailburu Arantxa Tapiak emango dio hasiera.
Intergune 2022 ekitaldiak, urriaren 26 eta 27an BECen egingo den euskal enpresen nazioartekotze foroak, “Talent Spot” ostatatuko du bere saioetako batean. “Talent Spot” Talentuaren Foroa da, Euskadiko erreferentziazko ekitaldia, eta bere helburua da pertsonek enpresen nazioartekotze-prozesuetan betetzen duten paperaren garrantziaz sentsibilizatzea.
Hala, foro horretan bilduko dira bai ikasleak, bai profesionalak eta baita ere erakunde eta enpresak, eta elkarrekin konektatuko dituzte prestakuntzako aukerak, enplegua nahiz nazioarteko erronkak, zeintzuetan talentua oinarrizko elementua baita. Gune honetan hizpide hartuko dira laguntza-tresna publikoak (besteak beste “Beint” eta “Global Training”), eta enpresen nazioartekotze arloan gaitzeko unibertsitate-tresnak, eta baita ere Euskadira itzultzeko erronkak eta laguntzak.
Talentua -batez ere atzerriratutako profesionalena- erakarri eta atxikitzea da Interguneren aurtengo edizioko helburu nagusietako bat. BasqueTrade & Investment-SPRI Taldearen Nazioartekotzeko Euskal Agentziak eta Eusko Jaurlaritzako Ekonomi Garapen, Jasangarritasun eta Ingurumen Sailak antolatzen dute Intergune, zeina talentuaren prestakuntzako ekitaldi liderra baita duela 25 urte baino gehiagotik.
Talentua erakarri eta atxikitzea
Europako herrialde gehienek bezala, Euskadik ere bere talentua erakarri eta atxiki behar du bertako enplegua berrezarri ahal izateko. Horregatik, “Talent Spot” foroaren barruan abiaraziko du “Alumni Sarea”, iraganean “Beint” nazioartekotze beken onuradun izan diren profesionalen komunitate osoari zuzendua.
Basque Trade & Investment-ek garatu duen plataforma horrek onlineko mekanismoak eskaintzen ditu prestakuntza-programetan eta beketan parte hartzen duten pertsonak etengabe egon daitezen harremanetan eta konektatuta. Horrekin batera, ekimenak ikusgarritasun handiagoa emango dio euskal enpresa-ehunaren zerbitzura jartzen den ezagutzari eta talentuari.
Atzerriko harremanetarako mekanismo bat ere izango da, aukerak sortuko ditu Alumni sareko profesionalentzat, eta euskal enpresen eskura jarriko du sektore edo eremu geografiko desberdinetan espezializatutako giza kapitala. Gainera, proposamena egin da junior eta seniorren arteko mentoring zerbitzu bat martxan jartzeko.
Hitzaldiak, solasaldiak, aurkezpenak eta Networking-a
BasqueTrade-ko zuzendari nagusi Ainhoa Ondarzabalek irekiko du “Talent Spot” foroko jardueren egitaraua enpresen solasaldi parte-hartzaile eta interesgarri batekin, zeinetan hizpide hartuko baitira talentuaren arloko nazioarteko erronkak enpresen ikuspegitik.
Bestalde, Bizkaia Talenteko Iván Jiménezek aztergai hartuko ditu bere hitzaldian “Euskadira itzultzeko erronkak eta laguntzak. Talentua erakartzeko estrategia”. Ondoren, BasqueTrade-ko Nazioartekotze zuzendari Iñaki Ezkurra nazioartekotzeko prestakuntzari eskainitako tartean mintzatuko da eta prestakuntza hori bultzatzeko laguntza publikoak aurkeztuko ditu: Beint eta Global Training.
Era berean, Ezkurrak moderatzaile-lanak egingo ditu “Enpresen nazioartekotze arloan gaitzeko unibertsitate-tresnak” solasaldian, zeinetan euskal instituzio eta hezkuntza zentroen esperientziak eskainiko baitira. Hauek izango dira parte-hartzaileak: Lander Beloki, Mondragon Unibertsitateko Enpresagintzako dekanoa; Javier Arellano, Deustuko Giza eta Gizarte Zientzien Fakultateko dekanoa; Juncal Rodríguez, UPV/EHUko Nazioarteko errektoreordea; eta Begoña Etxebarria, Novia Salcedo Fundazioko zuzendaria.
“BAS”, “BEINT ALUMNI SAREA” plataformaren aurkezpenak espektatiba interesgarriak piztu ditu jadanik: Jurdana Izaguirre, BasqueTrade USA bulegoko zuzendariak eta Enbor Barruetabeña, Basque Trade & Investment Agentziako Talentu arloko lantaldeko kideak, Komunitate honetako kide izatearen onurak azalduko dituzte hainbat BEINT bekadunekin batera.
Jardunaldia bukatzeko Networking-Kafe saio bat egingo da, lagungarri izango dena ekitaldiko parte-hartzaile ugariak konektatzeko.
Programa eta IZEN-EMATEA, HEMEN
Urriak 27ko (osteguna) egitarau zehatza eta ordutegiak
- 15:15 -15:25. Ongi-etorria.Talentua Eusko Jaurlaritzaren ardatz estrategiko gisa
Arantxa Tapia, Ekonomi Garapen, Jasangarritasun eta Ingurumen sailburua
- 15:25 -16:15. Talentuaren nazioarteko erronkak enpresen ikuspegitik
Enpresen solasaldia: Ainhoa Ondarzabal, BasqueTrade-ko zuzendari nagusia
· Asier Albizu / BIOLAN
· Cristina Iglesias / CAFTE eta CAFIPE
· Ainhoa Fernandez / ULMA Packaging
- 16:15 -16:25. Euskadira itzultzeko erronkak eta laguntzak
Talentua erakartzeko estrategi
Iván Jiménez, Bizkaia Talent erakundeko zuzendari nagusia
- 16:25 -17:15. Nazioartekotzeko prestakuntza.
Prestakuntza arloan laguntzeko tresna publikoak: Beint y Global Training
Iñaki Ezkurra, BasqueTrade-ko Nazioartekotze zuzendaria
Enpresen nazioartekotze arloan gaitzeko unibertsitate-tresnak
Unibertsitateen solasaldia / Moderatzailea, Iñaki Ezkurra, BasqueTrade-ko Nazioartekotze zuzendaria
· Mondragon – Lander Beloki – Enpresagintzako dekanoa
· DEUSTO – Javier Arellano – Giza eta Gizarte Zientzien fakultateko dekanoa
· EHU-UPV – Juncal Rodríguez – Nazioarteko errektoreordea
· Novia Salcedo Fundazioa – Begoña Etxebarria
- 17:15 -17:55. BEINT ALUMNI SAREAren (BAS) aurkezpena
BAS komunitateko kide izatearen esperientzia eta onurak
Jurdana Izaguirre, Basque Trade & Investment-en AEBetako bulegoko zuzendaria
BAS plataformaren aurkezpena
Enbor Barruetabeña, Talentua, Basque Trade & Investment
Beint bekadunak
- 17:55 -18:30. Networking-a / Kafea
Lotutako albisteak
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz