SPRI Taldeak bere laguntza- eta zerbitzu-eskaintzaren barruko 200 milioi euro inguruko programak aurkeztuko dizkie euskal enpresei
Otsailaren 26, 27 eta 28an jardunaldi bana egingo da, Araba, Bizkaia eta Gipuzkoako Teknologi Parkeen egoitzetan
Laguntza horien helburua da bultzada bat ematea I+G-ri, 4.0 industriari, zibersegurtasunari, nazioartekotzeari, industrialdeen zaharberritzeari, startupen sorkuntzari eta kudeaketa aurreratuari
Programen hasiera-datei buruzko argibideetarako, jo spri.eus helbidera
Aste honetan euskal enpresetako 500 profesional inguruk parte hartuko dute SPRI Taldeak (Eusko Jaurlaritzaren menpeko Enpresen Garapenerako Euskal Agentzia) Teknologi Parkeen Sarearekin batera antolatu dituen hiru saioetan. Saio horiek helburutzat dute ETEentzako laguntza eta zerbitzuak aurkeztea eta ezagutzera ematea nolako laguntzak eskaintzen dituen Ekonomi Garapen eta Azpiegitura Sailak bultzada bat emateko I+G-ri, 4.0 industriari, zibersegurtasunari, nazioartekotzeari, industrialdeen zaharberritzeari, startupen sorkuntzari edo kudeaketa aurreratuari.
Laburbilduz, laguntza eta zerbitzu eskaintza horren bidez 200 milioi euro inguru banatuko dira. Horietatik 166 milioi euro bideratuko dira programa teknologikoetara, batik bat espezializazio adimenduneko estrategiara (fabrikazio aurreratua, energia eta bio-osasungintza), eta beste 6 milioi euro esleituko dira Basque Industry 4.0 estrategiaren programa espezifikoetara.
Gorago aipatutako kopuru horiei gehitu behar zaizkie 15 milioi euro, Nazioartekotzeko Euskal Agentziak banatuko dituenak enpresei eta talentu gazteei nazioartekotzen laguntzeko, beste bi milioi euro startupak sortzeko, hiru milioi euskal enpresei kudeaketa aurreratua aplikatzen laguntzeko eta beste hiru milioi industrialdeak berritzen jarraitzeko.
Saio horietatik lehena datorren asteartean izango da, otsailaren 26an, Arabako Teknologi Parkean. Ondoren etorriko dira Bizkaiko Zientzia eta Teknologia Parkeko jardunaldia (hilak 27) eta Gipuzkoako Zientzia eta Teknologi Parkean egingo dena (hilak 28, osteguna). Itziar Epalza, Parkeen Sareko zuzendaria, anfitrioi gisa arituko da jardunaldi guztietan, eta Aitor Cobanerak (SPRI Taldeko Teknologia eta Berrikuntzako zuzendaria), Iñaki Ezkurrak (Nazioartekotzeko Euskal Agentziaren arduraduna), eta Maite Subinasek (SPRI Taldean integratutako agentzia horretako teknikaria) euskal enpresentzako laguntza eta zerbitzu eskaintza aurkeztuko dute.
Azkenaldian urtero egiten diren jardunaldi horien helburua da informazio zehatza ematea laguntzei eta zerbitzuei buruz, aukera ematea zalantzak argitzeko eta SPRIko edo teknologi parkeetako solaskideak identifikatzea, horiek izango baitira SPRI Taldearen antena gisa arituko direnak harreman zuzenagoa izateko euskal enpresekin.
Etengabeko bultzada I+G-ri
Azken sei urteetan, Eusko Jaurlaritzak 885 milioi euro inbertitu ditu I+G sustatzeko SPRI Taldearen laguntza-programa teknologikoen bitartez. Hartara, laguntza eman die 4.895 enpresa-proiekturi eta Zientzia eta Teknologiaren Euskal Sareko (ZTBES) agenteen 677 proiekturi.
Zehazki, enpresek 439 milioi euro jaso dituzte eta eragindako inbertsioa 1.708 milioi eurokoa izan da. ZTBESeko agenteei 445 milioi euro eman zaizkie espezializazio adimendunari buruzko ikerketa-proiektuak garatzeko eta teknologi zentroen zein ikerketa kooperatiboko zentroen (CIC) emaitzak hobetzeko.
Eusko Jaurlaritzaren aurreikuspenen arabera, 2019an 166,1 milioi euro inbertituko dira arlo horretan; horietatik 83 enpresetara bideratuko dira eta beste hainbeste Sareko agenteentzat izango dira. 2019. urteko laguntzen bidez babesa eman nahi zaie 700dik gora enpresa-proiekturi eta teknologi zentroekin zerikusia duten 80tik gora proiekturi.
Basque Industry 4.0, estrategia
Arestian aipatutakoaren osagarri, SPRI Taldeak 5,81 milioi bideratuko ditu 4.0 Industria bultzatzeko Basque Industry 4.0 estrategian integratutako laguntza-programen bitartez, eta baita ere zibersegurtasun industriala sustatzeko. Zibersegurtasun industriala ekimen aitzindari bat da, aurten bigarren edizioa bete duena. Aurreikuspenen arabera, 215 proiektu inguruk jasoko dituzte Basque Industry 4.0, Zibersegurtasun Industriala eta Industria Digitala programen laguntzak.
Ideiak berrituz Nazioartekotzeko Euskal Agentziari esker
SPRI Taldean integratutako Nazioartekotzeko Euskal Agentziak (Basque Trade & Investment) ahalegin bat egin du euskal enpresei nazioartekotzen laguntzeko programa eta zerbitzuak berritzeko, hobetzeko eta erakargarriago egiteko. Aurten eta hurrengo urtean ia 15 milioi euro banatuko ditu sei laguntza-programa desberdinen bitartez, euskal enpresei eta gazteei atzerrira irteten laguntzeko. Hona hemen laguntza-programa horiek: BEINT eta Global Training bekak eta Elkartu, Pilotu, Sakondu eta Zabaldu programak. Aurreikuspenen arabera, 500 beka-eskaera jasoko dira eta programek Euskadiko enpresen 400 proiektu inguru tramitatuko dituzte.
Laburbilduz, laguntza horiek honelako enpresei zuzentzen zaizkie: zabalkuntza fasean dauden eta esportazio-portzentaje nahiko apala dutenei (Zabaldu); itzuli beharrik gabeko diru-laguntza publikoen bitartez (Sakondu) atzerrira irteteko prozesua hobetu nahi dutenei; nazioarteko inbertsio publikoko proiektu pilotuak diseinatu eta garatu nahi dituztenei, baldin eta sozialki errentagarriak eta sostengarriak badira (Pilotu), eta Euskadiko sektore-elkarteei, nazioartekotze jarduerak lankidetzan garatzeko (Elkartu).
Startup-en sorkuntza eta Bind 4.0 azeleragailua
Ekintzaile laguntza-programaren helburua da laguntza eta finantzaketa ematea Euskadiko enpresa proiektu berri eta berritzaileei. 2019an 2,1 milioi euro banatuko dira 110 proiektu ekintzaile berri inguru bultzatzeko. SPRI Taldeak sustatutako programa hori Bizkaia, Gipuzkoa, Araba eta Ezkerraldeko BIC – Enpresa eta Berrikuntza Zentroen bitartez kudeatzen da, eta Eusko Jaurlaritzaren UpEuskadi ekintzailetza estrategiaren barruan kokatzen da.
Gainera, Eusko Jaurlaritzak eta SPRI Taldeak BIND 4.0 azelerazio-programaren 3. edizioa abiarazi dute Euskadiko enpresa trakziogile garrantzitsuenekin batera. 2019ko lehen erdian, 32 startup teknologikok eta 33 euskal enpresak 4.0 Industriaren teknologietan oinarritutako 44 proiektu bultzatuko dituzte. Startup berritzaileen eta ongi errotutako konpainien arteko lankidetza horren bitartez manufaktura aurreratuaren, energiaren eta osasungintzaren arloetako proiektuak garatuko dira, horretarako aplikatuko direlarik Gauzen Interneta, Big Data, zibersegurtasuna eta adimen artifiziala bezalako teknologiak. BIND 4.0 azeleragailu publiko-probatu bat da, aitzindaria dena nazioartean eta helburutzat duena 4.0 Industriaren aurrerapena bultzatzea Euskadin.
Industrialdeetarako Renove Plana
Eusko Jaurlaritzak 3,1 milioi euroko laguntza-ildo berri bat ireki du SPRI Taldearen bitartez (Sprilur) Industrialdeetarako Renove Planaren barruan. Laguntza-ildo horren helburua da aurrera jarraitzea neurri zuzentzaileak detektatu eta aplikatzen eta hobekuntza neurriak gauzatzen Euskadiko industrialde eta enpresa parke gehienetan.
Ikusirik iaz jasotako eskaera kopuru handia, Eusko Jaurlaritzak zuzkidura berri bat onartu du Industrialdeetarako Renove Planarentzat, EAEko espazio eta azpiegitura industrialen sarea modernizatzeko eta berritzeko.
2019ko deialdiaren nobedadea da laguntza gehiago bideratu direla eremu ahulenetara (Talka-eramuak) eta orobat handitu egin direla Ekonomi Garapen eta Azpiegitura Sailak onartutako Eremu Ahuletarako Talka Planaren laguntzen gehienezko zenbatekoak eta portzentajeak. Eskainiko diren baliabide ekonomikoetatik (3,1 milioi euro), 1,2 milioi bideratuko dira Talka Planean jasotako eremu industrialetara: Muskiz, Trapagaran, Abanto eta Zierbena, Santurtzi, Sestao, Portugalete, Ortuella, Erandio eta Barakaldo Bizkaian, eta, Oiartzun, Lezo, Pasaia, Errenteria, Irun eta Hondarribia Gipuzkoan.
2019KO LAGUNTZEN KATALOGOA
Lotutako albisteak
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.