Sei euskal enpresa eta erakunde joan dira Brno hiriko (Txekiar Errepublika) Makineriaren Azokara, Nazioartekotzeko Euskal Agentziaren eskutik
Konpainiek Euskadi-Basque Country standean bilduta parte hartuko dute
SPRI Taldeari atxikitako Nazioartekotzeko Euskal Agentziak (Basque Trade and Investment) euskal enpresei sostengua ematen jarraitzen du. Aste honetan, urriaren 11ra arte, Brno hiriko MSV Nazioarteko Makineria Azoka Industrialean parte hartuko du Euskadiko sei konpainia eta erakunderekin batera. Txekiar Errepublikako azoka honek 61 urte bete ditu eta, Alemania alde batera utzita, Erdialdeko eta Ekialdeko Europan antolatzen den azoka industrialik garrantzitsuena da.
4.0 industria, automatizazioa, robotizazioa, kontrola eta neurketa, ekipo-ondasunak, ingeniaritza, makineria, siderurgia, energia, elektroteknia eta materialak dira Azokaren ardatz nagusiak. Aurtengo edizioan, azokaren barruan, Ingurumen-Babeserako Teknologien Nazioarteko Azoka eta Garraio eta Logistikaren Nazioarteko Azoka antolatuko dira.
Ondoz ondoko hirugarren urtez, Nazioartekotzeko Euskal Agentziaren standean, Agme, Pick to Light, Intermodal Forwarding, Productos Salinas eta Innovalia Metrology euskal enpresak ordezkatuta egongo dira, mugikortasun eta logistikaren euskal klusterrarekin batera. MSV Azokan, hogeita hamar bat herrialdetako 1.600dik gora erakusketarik parte hartu ohi dute eta 80.000 bisitari baino gehiago bildu ohi ditu, 60 herrialdetatik.
Gainera, Agentziak, topaketa honetan stand propioa ere izango duen Hego Moraviako Merkataritza Ganberarekin batera jardungo du azokaren barruan antolatuko den networking saioan. Horrekin batera, Ekonomia Zirkularraren Txekiar Institutuaren azokan parte hartuko du.
Nazioartekotzeko Euskal Agentzia 2018an sortu zen Eusko Jaurlaritzak arlo horretan zeuzkan gaitasunak eta aktiboak integratu eta sendotzeko, bere ekintzaren eraginkortasuna, kalitatea eta irismena ere hobetuz. Horrela, nazioartekotzearen arloko programa eta zerbitzuen arteko bereizketa funtzionala deuseztatu eta hobeto egokitzen da enpresen behar zehatzetara.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz