Basque Trade & Investment Invest in Basque Country Nazioartekotzea
Albisteak 11 urtarrila, 2025

Mikel Jauregi sailburuak Euskadik dituen gaitasun industrial, teknologiko eta berritzaileak aurkeztu ditu Erresuma Batuan

Quantum Motion enpresara egin duen bisitan CIC nanoGUNErekin sinatutako akordioren bidez etorkizunean Euskadin izango duen ezarpena baloratu du sailburuak, "Euskadiren irudia nazioartean finkatu izanaren adibide ona bazkide sendo eta balio berritzaile handiko gisa"
-

Industria, Trantsizio Energetiko eta Jasangarritasunaren sailburu Mikel Jauregik Euskadiren gaitasun industrial, teknologiko eta berritzaileak aurkeztu ditu Erresuma Batura egindako lan-bidaian. Ane de Ariño Ekintzailetza eta Nazioartekotze zuzendariarekin batera, hainbat bilera izan ditu enpresa eta eragile ekonomikoekin Londresen, tartean Eusko Jaurlaritzak Erresuma Baturako eta Irlandarako duen merkataritza-bulegoan izandako elkarraldia, baita Quantum Motion enpresara egindako bisitaldia ere.

Eusko Jaurlaritzaren Erresuma Batuko merkataritza-bulegoa

Eusko Jaurlaritzak Erresuma Baturako duen merkataritza-bulegoan, Basque Trade & Investment – SPRI taldearen Nazioartekotzeko Euskal Agentziaren kanpo-sarearen barruan, sailburuari harrera egin diote Natasha Wood eta Clara Holgado Project Managerrek, baita BTIren Kanpo Sareko Ander Molinero International Network Managerrek ere.

Eusko Jaurlaritzaren ordezkaritza komertzial horrek, 2017az geroztik martxan dagoenak, laguntza handia eman die euskal enpresei Brexitaren ondoriozko erronkekin. Azken bi urteetan, 100 euskal konpainia baino gehiagori eman die laguntza, eta hainbat jarduera eta ekitaldi estrategiko garatu ditu “Euskadi – Basque Country” marka Britainia Handiko merkataritza- eta enpresa-esparruan kokatzeko.

2024an, herrialde hori euskal esportazioen hirugarren helmuga gisa finkatu da, nazioarteko merkataritzan duen garrantzi estrategikoa indartuz. Gainera, Erresuma Batua 5. postuan dago euskal enpresen ezarpen gehien dituzten herrialdeen rankingean, guztira 125 enpresa baitaude sektore anitzetan.

Bisitaldia Quantum Motion enpresara

Teknologia kuantikoarekin garatutako siliziozko lehen txipa diseinatzen duen hardware kuantikoan aitzindaria den Quantum Motionera egindako bisitan, sailburuari harrera egin diote, James Palles-Dimmock CEOk, John Morton CTO – Chief Technologgy Officerrek, eta Fernando González-Zalba Quantum Motion Euskadiko zuzendari eta CIC nanoGUNEko Ikerbasque ikertzaileak. Horiekin batera, laborategiak eta eremu hoztua ezagutu ditu, baita txip kuantikoak fabrikatzeko sistemak ere.

Enpresak sailburuari jakinarazi dio Europar Batasunean Donostian duen lehen egoitza irekitzeko erabakia hartu duela. Quantum Motionek lankidetza industrialeko hitzarmen bat sinatu zuen joan den ekainean CIC nanoGUNE ikerketa kooperatiboko zentro eta BRTA – Basque Research and Technology Alliance aliantzako kide den hardware kuantikoko ikerketa-talde berriarekin, erdieroaleen teknologian oinarritutako txip kuantikoen garapenean lankidetzan aritzeko. Horrela, nanoGUNEk bere egoitza handitzeko eraikiko duen dorre kuantikoak ikerketa-talde berriaren laborategiak eta Quantum Motion enpresaren euskal filialaren bulegoak hartuko ditu.

Lehenengo fasean, bi solairu hartuko ditu dorre berriak, bulegoak eta testatze-laborategiak barne. Bigarren fasean, beste bi solairu prestatuko dira, laborategi berriekin, nanoGUNEko hardware kuantikoko taldeak kualifikazio handiko 50 pertsonako taldea hartzeko, Quantum Motionekin sinatutako hitzarmenaren esparruan.

Quantum Motionen jarduera nagusia Donostian mikrotxip kuantikoak diseinatzea eta testatzea izango da, eta egingo dituen lanen artean daude dispositibo kuantikoak modelatzea, algoritmoen teoria garatzea eta automatizazio adimenduneko lanak (ekipo kuantikoak programatzeko machine-learning erabiltzen duen automatizazioa). Euskadikoa Quantum Motionen lehen ezarpena da Europar Batasunean, eta nazioarteko hedapenaren funtsezko parte da, non Europako beste hiriburu batzuk lehian sartu diren. Enpresa Erresuma Batutik kanpo kokatzen den bigarren enpresa izango da, Australian ezarriko dela iragarri berri baitute.

Ekimen honen arrakasta errazteko, funtsezkoa izan da SPRI taldeko “Invest in Basque Country” atzerriko inbertsioa erakartzeko arloak egindako lana. Izan ere, 2024an horrelako 31 proiektu gauzatu dira, erdiak baino gehiago industria-arlokoak, eta 68,4 milioi euroko inbertsioa eta 258 enplegu sortu dira.

Aurrerapauso bat Euskadiren prestigioa sendotzeko

Mikel Jauregi sailburuak Quantum Motion Euskadin ezartzea “oso berri ona” dela esan du, “gure herriaren prestigioa eta gaitasun industrial, teknologiko eta berritzaileak nazioartean sendotzeko aurrerapausoa delako. 2017tik Eusko Jaurlaritzak Erresuma Batuan duen merkataritza-bulegoarekin egindako ahaleginak fruituak eman ari dira merkatu britainiarrean Euskadiren irudia bazkide sendo eta balio berritzaile handiko gisa aurkezterakoan”.

“Quantum Motionen Donostiako egoitza berriaren gauzatzea hainbat eragilek egindako eta Eusko Jaurlaritzak azken urteotan gidatutako lan onaren emaitza da. Lan honek hainbat faktore eta mugarri ditu, besteak beste, Europako Batzordeak gure herrialdea “goi berrikuntzako” lurraldetzat hartu izana, CIC nanoGUNErekiko lankidetza estrategikoa, Euskadin garatzen ari diren teknologia kuantikoaren gaitasun gero eta handiagoak (unibertsitateetan dagoen talentua, IBMren superordenadore kuantiko berria, Basque Quantum estrategia), BRTA – Basque Research and Technology Alliance aliantzaren indarra, Zientzia, Teknologia eta Berrikuntzaren Euskal Sareko beste eragile batzuen presentzia, eta, jakina, Industria Sailaren programen laguntza inbertsioen finantzaketaren, I+Gren edo ekintzailetzaren arloan”.

“Quantum Motion proiektuak aberastasuna sortu nahi du Euskadirentzat, bai ezagutzari dagokionez, bai Euskadiko industriak sortu eta bultzatzeari dagokionez. Berriro ere, Eusko Jaurlaritzak bultzatzen duen lankidetza publiko/pribatuaren estrategiak aukera-leiho berriak sortzen ditu gure industriaren eta gizarte osoaren mesedetan”, esanez amaitu du Jauregik.

Lotutako albisteak

Euskadik  itsasoko  energia  eolikoan  duen  nazioarteko  posizionamendua  indartu  du  Japonian
16/10/2025 Nazioartekotzea

Euskadik itsasoko energia eolikoan duen nazioarteko posizionamendua indartu du Japonian

Euskadik eta bere industria sareak GOWS 2025ean duten parte hartzea sektoreko enpresa liderrekin eta nazioarteko erakundeekin lankidetza esparru batean garatzen da

Voon  Sports,  teknologia  adimenduna  duen  kirol  entrenamenduaren  irtenbidea
13/10/2025 Nazioartekotzea

Voon Sports, teknologia adimenduna duen kirol entrenamenduaren irtenbidea

Donostiako konpainiak kirolarien entrenamendu teknikoa eta kognitiboa hobetzen duten gailuak eta app propioa garatzen ditu.

Eusko  Jaurlaritzak  nazioartekotzea  bultzatu  du  9,5  milioi  euroko  laguntzen  bidez

Eusko Jaurlaritzak nazioartekotzea bultzatu du 9,5 milioi euroko laguntzen bidez

Enpresek Zabaldu, Sakondu eta Elkartu programetarako diru-laguntzak eska ditzakete.

Nazioartekotzerako  enpresa-lankidetzari  bultzada,  Elkarturekin
10/10/2025 Nazioartekotzea

Nazioartekotzerako enpresa-lankidetzari bultzada, Elkarturekin

Urriaren 14an Elkartu programaren deialdi berri bat irekiko da. Nazioartekotze-jardueretarako enpresen arteko lankidetza bultzatzea da programaren xedea. 1.000.000 euroko aurrekontua du programak, eta nazioartean duten posizionamendua hobetu nahi duten enpresa-lankidetzako elkarte eta taldeei zuzenduta dago.

Europako  Batzordeak  proposamen  bat  iragarri  du  beste  herrialde  batzuetatik  datorren  altzairuaren  muga-zergak  %50era  igotzeko  eta  haren  jatorriaren  trazabilitatea  indartzeko

Europako Batzordeak proposamen bat iragarri du beste herrialde batzuetatik datorren altzairuaren muga-zergak %50era igotzeko eta haren jatorriaren trazabilitatea indartzeko

Xedapen horiek Europako Parlamentuak eta Kontseiluak erregelamenduaren azken testua adostu ondoren aplikatuko dira, 2026ko ekainetik aurrera altzairuaren gaineko egungo babesa ordeztuko duena.

WOMEXen  Eskualde  Taldea  martxan  da  Euskadin,  nazioartekotzean  genero-berdintasuna  sustatzeko
09/10/2025 Berdintasuna

WOMEXen Eskualde Taldea martxan da Euskadin, nazioartekotzean genero-berdintasuna sustatzeko

Enpresa, erakunde, irakaskuntza eta elkarte arloko eragileak joan den astean bildu ziren Euskadiko Eskualde Taldearen lehen saioan, WOMEX - The role of women in the competitiveness of exporting SMEs proiektu europarraren esparruan.

Zure  enpresaren  nazioartekotze-kostuak  geldiaraz  ez  zaitzan…  Hona  hemen  Zabaldu  laguntzak!
09/10/2025 Nazioartekotzea

Zure enpresaren nazioartekotze-kostuak geldiaraz ez zaitzan… Hona hemen Zabaldu laguntzak!

SPRI Taldeak atzerrian mikroenpresen, ETE-en eta startupen presentzia bultzatzera zuzendutako Zabaldu 2025 laguntzen beste edizio bat deitu du. Aurten, programak 5 milioi euroko aurrekontua izango du nazioartekotze-prozesua berme osoz abiaraztearen kostua finantzatzen laguntzeko.

Sakonduk  kanpo-merkatu  berrietara  sartzeko  zure  enpresaren  nazioartekotzea  bultzatuko  du  75.000  euro  arteko  finantzaketa  emanda
09/10/2025 Nazioartekotzea

Sakonduk kanpo-merkatu berrietara sartzeko zure enpresaren nazioartekotzea bultzatuko du 75.000 euro arteko finantzaketa emanda

Programak 3.500.000 euroko aurrekontua du eta aurrekontuaren % 60 arteko finantzaketa emango du. Gehienez, enpresa bakoitzeko 75.000 euro. Laguntza nazioartekotze maila altua duten eta merkatu berrietarako hedapena hasi nahi duten mikroenpresei, ETE-ei eta startupei zuzenduta dago.

KSP  Basque  P5G  Master  Plan  programak  Euskadiren  eta  Hego  Korearen  arteko  lankidetza  sendotu  du  berrikuntzan  eta  digitalizazioan
02/10/2025 Nazioartekotzea

KSP Basque P5G Master Plan programak Euskadiren eta Hego Korearen arteko lankidetza sendotu du berrikuntzan eta digitalizazioan

Proiektuaren helburua 5G sare pribatuen hedapenari buruzko ezagutzak eta esperientziak partekatzea izan da, euskal industrian aplikatzeko aukerak eta erronkak identifikatuz.

IKT  sektoreko  euskal  enpresek  euren  presentzia  indartu  dute  Kolonbian,  Bogotan  egindako  topaketa  batean
25/09/2025 Nazioartekotzea

IKT sektoreko euskal enpresek euren presentzia indartu dute Kolonbian, Bogotan egindako topaketa batean

Kolonbian dauden euskal enpresen eta tokiko eragile estrategikoen arteko harreman zuzena erraztu da

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.