Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 17 iraila, 2021 Nazioartekotzea Latinoamerika Mexiko

Lebariok estrategia berri bat proposatu du Mexikon, epe ertainean Amerikako merkatuan sartzeko asmoarekin

Enpresa bizkaitarrak aluminioa eta magnesioa injektatzeko moldeak diseinatu eta eraikitzen ditu, 4.500 tona arteko makinentzat, batez ere eraikitzaile nagusientzat eta automobilgintzaren sektoreko hornitzaileentzat.

Duela 15 urte Iurretan kokatutako Lebario enpresa bizkaitarrak nazioartekotzearen aldeko estrategia berria definitu zuen, Europa ekialdean eta Mexikon lantegi berriak ireki baitzituen. Hori horrela, 120 lanpostu baino gehiago sortu zituen, horietatik 50 euskal egoitzan. Gaur egun, aluminioa eta magnesioa injektatzeko moldeak diseinatu eta eraikitzen ditu, 4.500 tona arteko makinentzat; automobilgintzan eta balio erantsi handiko produktuetan espezializatuta dago, eta bere hurrengo helburua sektorean erreferente bihurtzea da.

Bere merkatu nagusia Europakoa da, non euskal enpresak automobilgintzaren sektoreko herrialde liderrentzat lan egiten duen. Jon Kepa Idoyaga Lebarioko zuzendari nagusiak aurreratu duenez, “oraintxe bertan estrategia berri bat garatzen ari gara Mexikon, epe ertainean merkatu amerikarrean sartzea ahalbidetuko diguna”.

Enpresa 1967an sortu zen, eta automobilgintzaren sektoreko enpresa nagusientzat lan egiten du, “eraikitzaileentzat zuzenean edo hornitzaile nagusientzat”, Jon Kepa Idoyagak aitortu duenez. Horretarako, aluminioa injektatzeko moldeak eta piezak automatikoki ekoizteko erabiltzen dituzten prozesuan laguntzeko tresnak diseinatu, fabrikatu, prestatu eta mantentzen dituzte. “motorra, abiadura-kaxa eta ibilgailuaren egituraren zati handi bat osatzen duten piezak dira”, adierazi du zuzendari nagusiak.

Gainera, aluminioa eta magnesioa injektatzeko moldea ekoizten du, “motorraren zilindro-blokerako, gama altuko kanbio-kaxetarako eta egiturazko piezetarako” espezializatua.

Berrikuntzaren aldeko apustu nabarmena

Automobilgintzaren sektorea punta-puntakoa da, eta horregatik enpresek berrikuntzak egin behar dituzte soluzio berrien bila. “Berrikuntzaren aldeko apustua egiten dugu, sektoreko enpresekin lankidetzan arituz tokiko, estatuko eta nazioarteko proiektuen garapenean”, adierazi du zuzendari nagusiak.

Ildo horretan, Iurretako enpresak Eusko Jaurlaritzak bultzatutako hainbat programatan parte hartu du, batez ere berrikuntzan eta nazioartekotzean. “Gaur egun SPRI Taldea gure bidelaguna da garapenerako eta lehiakortasunerako bidean”, aitortu du Jon Kepa Idoyagak.

Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.

Lotutako albisteak

25 Marzo, 2024 Nazioartekotzea
100 urteko esperientziak gainazalen tratamenduaren sektoreko erreferente bihurtu du JAZ
Irakurri gehiago
WindEurope Inauguración 21 Marzo, 2024 Basque Trade & Investment
Basque Trade & Investment-ek enpresen arteko networkinga sustatuko du sektore eolikoan Wind Europe 2024 topaketan
Irakurri gehiago
21 Marzo, 2024 Basque Trade & Investment
Basque Trade & Investment-ek 100 beka atera ditu nazioartekotzearen arloko profilak prestatzeko
Irakurri gehiago
Australia Basque Trade 19 Marzo, 2024 Basque Trade & Investment
Euskadik energia berriztagarrien Australiako merkatura zabaldu du bere etorkizuna
Irakurri gehiago
14 Marzo, 2024 Basque Trade & Investment
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak