Kautenik enpresak kautxuzko piezak egiten ditu, Europako, Amerikako eta Txinako bere bezeroentzako
Kautenik autoen sektorerako kautxuzko piezak diseinatu, garatu eta fabrikatzen dituen enpresa da. Bere bezeroek motelgailuak, baleztak, txasisak, atetzarrak ixteko sistemak… egiten dituzte, besteak beste, eta pieza horiek antibibrazioko soluzioetarako erabiltzen dituzte. Gaur egun 50 profesional inguru ditu plantillan.
Kautenikek Berriatuan (Bizkaia) du egoitza nagusia, eta Europan (Frantzia, Alemania eta Polonia) hainbat ordezkaritza komertzial ditu. Izan ere, bere ekoizpenaren % 70 atzerrira esportatzen du. Europaz gain, Amerikan (Ipar Amerika, Brasil eta Argentina), Hegoafrikan edo Txinan ditu bezeroak. Aitor Alberdi Kauteniko zuzendariak azpimarratu duenez, “gure produktuen esportazioan haztea aurreikusten dugu, datozen hiru urteetan % 80-85eko kopurua lortzeko”. Bere bezero nabarmenenak Tier 1 fabrikatzaileak dira, hala nola Tenneco, Kayaba, Hitachi, Marelli, Maysan Mando, BWI, Olgun Celik edo HUF; edo Daimler bezalako OEM ibilgailuen fabrikatzaileak.
Gainera, Kautenikek garapen- eta ikerketa-talde indartsua du, eta simulazioak egin ditzake piezen propietate mekanikoak hainbat egoeretan iragartzeko eta analizatzeko. Era berean, kautxuzko konposatu desberdinak garatzeko gai da, eta, horrela, proiektu bakoitzera eta bezero bakoitzera egokitu daiteke, bere hornitzaile eta partner teknologiko nagusien lankidetza estuan. Bereziki nabarmentzen da Leartiker zentro teknologikoarekin jorratzen duten lana, polimeroen teknologian espezializatutako zentroa eta BRTA aliantzako kidea.
Era berean, enpresa bizkaitarrak gaur egun SPRIren bi programatan parte hartzen du: Industria Digitala eta Gauzatu Industria. Gainera, “Innobideak-Lehiabide, Nazioartekotzea, 4.0 Industria… bezalako programetan ere parte hartu dugu. Eta ziur gaude beste programa batzuetan parte hartzen jarraituko dugula, berrikuntzarako bokazioa eta beharra baitugu. Epe luzerako ikuspegia eta plan estrategikoa dugu, oinarri sendoekin eta kontrola mantenduz hazteko asmoa duena, betiere Euskadin lan eginez”, adierazi du Aitor Alberdik.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz