Konpainiako zuzendari nagusi Iker Aldabaldetreku
Albisteak 25 urria, 2022

Hadimek, presio altuko ekipoentzat forjatutako produktu espezializatuak egiten dituen ETEa

SPRI Taldearen zibersegurtasun industrialeko programaren laguntza jaso duen enpresa gipuzkoar honek hainbat sektorerentzat lan egiten du, hala nola sektore petrokimiko eta  kimikoarentzat eta oil&gas industriarentzat.
-

Hadimek Itziarren (Gipuzkoa) kokatutako ETE bat da, 17 langile ditu eta 5 milioi euro inguru fakturatzen du urtean. Forjatutako piezak fabrikatzen ditu presio altuko ekipoentzat, batez ere sektore petrokimiko eta kimikorako eta oil&gas  industriarako, baina beste sektore batzuentzat ere lan egiten du, esaterako hidraulika, makina-erreminta, elikadura edo ekipo ondasunentzat. Konpainia honek bezeroaren arabera pertsonalizatutako produktuak egiten ditu –“inoiz ez ditugu fabrikatzen bi pieza berdin”-, eta  SPRI Taldearen   zibersegurtasun industrialeko programako  laguntza bat jaso du. Duela hiru urtetik, SPRIk Basque Cybersecurity Centre (BCSC) zentroaren laguntza du zibersegurtasunaren euskal ekosistema bultzatzeko eta, ondorioz, baita ere laguntza ekonomikoak banatzen dituen programa honetarako.

SPRI Taldearen zibersegurtasun industrialeko programan jasotako laguntzarekin, kudeaketa-sistema berri bat abiarazi du. “Hainbat jarraibide dauzkagu integratuta. Proiektua garapen bete-betean dago”.

Enpresa hau 2008an sortu zen lau bazkideren eskutik. “Proiektu berri bati ekiteko gogoz geunden. Hasieran, helburua zen pieza ertain eta handientzako mekanizatu-zerbitzua ematea, baina gero 2008ko krisia etorri zen, eta horrek behartu gintuen askoz harago joatera eta geure burua berrasmatzera” azaldu du konpainiako zuzendari nagusi Iker Aldabaldetrekuk.

Hala, zerbitzu bat eskaintzetik produktu osoak fabrikatzera igaro ziren. “Bi aukera geneuzkan: bezeroek lana bidali zain geratu ala interesatzen zitzaizkigun proiektuak bilatu, proiektu horiei balio erantsia emanez eskura geneuzkan bitartekoekin”. Hala, Hadimek-ek zerbitzu global, oso eta pertsonalizatuago bat behar zuten bezeroak bilatu zituen. “Helburutzat hartu genuen forjatutako pieza guztiz amaituak fabrikatu eta merkaturatzea, kalitatezko zerbitzua eskainiz eta bezeroarekiko konpromisoa hartuz. Kontuan izan behar da lehenagotik bageneukala materialei buruzko know-how handi bat, eta horri esker posible izan genuen bezeroekin kolaboratzea kasu bakoitzerako konponbide aproposenak aurkitzeko”. Gaur egun, hainbat pieza fabrikatzen dituzte material gama zabal batekin, besteak beste karbono-altzairua, aleatuak, herdoilezinak, duplex, super-duplex eta nikelezko aleazioak.

Hadimek 2012an nazioartekotu zen, nagusiki Europan, baina nazioarteko merkatua pisu handiagoa hartzen hasi zen enpresaren zorroan 2019tik aurrera.  “Hasiera ez zen samurra izan, baina gaur egun gure fakturazioaren % 40 zor diogu nazioartekotzeari”.

Inbertsio berriak

2014an nabearen azalera bikoiztu zuten, “eta makina berri bat eskuratu genuen. Hari esker, posible izan genuen fabrikazioko barne-prozesu berriak integratzea (ordura arte azpikontratatu egiten zirenak) eta autonomia handitzea proiektuetan, eta malguago bihurtu ginen bezeroentzat. 2019an errendimendu handiko zulaketa-zentro bat txertatu genuen eraginkortasuna eta gaitasuna hobetzeko”. Joan den urtearen amaieran beste inbertsio bat egin zuten azken belaunaldiko makinak erosteko, “eta horrek ateak zabaldu dizkigu merkatuak dibertsifikatzeko. Gainera, kudeaketa integraleko sistema berri bat ezartzen ari gara, segurtasun sistemen azpiegitura berri batekin. Horri esker prozesuak azkartu eta eraginkorrago egingo ditugu, eta zibersegurtasun-partxez hornitutako sistema eragile eguneratuak izango ditugu”.

I+G oso garrantzitsua da negozio honetan, eta “azken hiru urteetan SPRI Taldearen Hazitek proiektuan parte hartu dugu oil&gas sektoreko trakzio-enpresa handiekin, esaterako Tubacex, Ampo edo Erreka-rekin”.

Konpainiaren erronka nagusia da gehiago dibertsifikatzea, bai merkatuetan eta bai sektoreetan. “Dagoeneko lanean ari gara hidraulika, makina-erreminta, elikadura edo ekipo ondasunen sektoreekin. Alor horietan egiten dugun lan komertziala areagotu behar dugu, bai Estatuan eta bai nazioartean. Horrela lortuko dugu geure burua berrantolatzea eta plantilla handitzea”.

Hadimek plan estrategiko bat taxutzen ari da, baina ikuspegi dinamiko batekin. “Ezin du izan estatikoa, oso maiz eguneratzen da. Plan estrategikoak baliagarri zaizkigu jakiteko zer nahi dugun eta nora iritsi nahi dugun; baina hori guztia noiz eta nola lortu jakitea zailagoa da”.

Bestalde, enpresaren asmoa da bere nortasun-ikurrari eustea: “zerbitzu guztiz pertsonalizatu bat eskaini nahi dugu, gure tamainako enpresa batek eman dezakeen malgutasunarekin -horixe da gure indargunea-, eta balio erantsia duten proiektuetan murgildu nahi dugu. Proiektuaren zailtasuna identifikatu eta  denetarako konponbideak eskaini bezeroarentzat”. Zuzendari nagusiak dioenez, badute euren katalogoetan beti jartzen duten esaldi bat: “your forge partner”. “Horixe izan nahi dugu, bidaide bat, eta ez hornitzaile soil bat. Bezero batzuek guregana jotzen dute garrantzi handiko arazo konplexuak dituztenean. Gure asmoa da teknikoki eta mekanikoki gero eta osoagoak diren proiektuak garatzea”.

 

 

Lotutako albisteak

Jakin  nahi  al  duzu  zure  enpresa  zibereraso  baterako  prest  dagoen?  Jakin  ezazu  SPRIren  zibersegurtasuneko  simulakroen  zerbitzu  berriarekin

Jakin nahi al duzu zure enpresa zibereraso baterako prest dagoen? Jakin ezazu SPRIren zibersegurtasuneko simulakroen zerbitzu berriarekin

Jarri proban zure enpresaren erreakzio-gaitasuna ingurune seguru eta errealista batean. SPRIk zibersegurtasuneko simulakroen doako zerbitzua jarri du abian ahultasunak identifikatzeko eta eraginkortasunez jarduteko aukera izan dezazun. Eskatu ORAIN.

Global  Trainingek  euskal  gazteentzako  nazioarteko  esperientzia  bultzatzen  du
15/07/2025 Nazioartekotzea

Global Trainingek euskal gazteentzako nazioarteko esperientzia bultzatzen du

Global Training laguntza-programa Euskadiko gazteen nazioarteko mugikortasuna eta prestakuntza errazteko diseinatuta dago. Programaren aurrekontua 6.445.000 €-koa da eta laguntzek ordaindutako praktika profesionalak eskaintzen dituzte atzerrian.

Europar  Batasunak  Itsaso  Beltzean  egonkortasuna,  garapena  eta  jasangarritasuna  bultzatzeko  plana  aurkeztu  du
12/07/2025 Nazioartekotzea

Europar Batasunak Itsaso Beltzean egonkortasuna, garapena eta jasangarritasuna bultzatzeko plana aurkeztu du

Estrategia Europako beste politika batzuekin koordinatuta garatuko da, EB zabaltzeko prozesua, Ekialdeko Elkartea eta Global Gateway estrategia barne.

Europar  Batasuna  eta  Arabiar  Emirerri  Batuak  negoziatzen  hasiak  dira  Golkoko  lehen  merkataritza-akordio  integrala  lortzeko
11/07/2025 Nazioartekotzea

Europar Batasuna eta Arabiar Emirerri Batuak negoziatzen hasiak dira Golkoko lehen merkataritza-akordio integrala lortzeko

Ondasun eta zerbitzuen merkataritza erraztu, inbertsioa sustatu eta merkataritza digitalaren garapena bultzatzea da negoziazio-prozesuaren helburua

1M  €-rainoko  laguntza  ematen  dizugu  zure  enpresa  2025  Nazioarteko  Gauzatu  programarekin  nazioartera  zabaltzeko
11/07/2025 Finantziazioa

1M €-rainoko laguntza ematen dizugu zure enpresa 2025 Nazioarteko Gauzatu programarekin nazioartera zabaltzeko

Nazioarteko Gauzatu programak nazioartekotzeko estrategiak garatzeko aukera ematen die euskal enpresei, eskatutako inbertsioei ekiteko baliabideekin eta finantzaketarekin hornituz. Interesik gabeko kredituak eskaintzen ditu, 1M euro artekoak, atzerrian instalazioak ireki, handitu edo berritzeko. Laguntza hau eskatzeko epea uztailaren 15ean hasteko da eta azaroaren 11an amaituko da.

Europako  Batzordeak  muga-zergak  ezarri  dizkio  Txinako  latorriari,  ‘dumping’  praktikak  detektatu  ondoren
10/07/2025 Nazioartekotzea

Europako Batzordeak muga-zergak ezarri dizkio Txinako latorriari, ‘dumping’ praktikak detektatu ondoren

Erabakia Bruselak hasitako ikerketaren ondoren hartu da, Europar Batasuneko ekoizleei eragindako kalteak identifikatuta.

Jauregiren  hitzetan,  “oraindik  aukera  dago  Estatu  Batuekin  merkataritza-akordio  ona  lortzeko”
09/07/2025 Nazioartekotzea

Jauregiren hitzetan, “oraindik aukera dago Estatu Batuekin merkataritza-akordio ona lortzeko”

Pradales Lehendakariaren mezua berretsi du: Euskadi prest dago joan den otsailetik Trumpen muga-zergen mehatxuari aurre egiteko.

Cybasquek  eta  Cyberlurrek  lankidetza  estua  hasi  dute  zibersegurtasunaren  sektorea  indartzeko  Euskadin
09/07/2025 Zibersegurtasuna

Cybasquek eta Cyberlurrek lankidetza estua hasi dute zibersegurtasunaren sektorea indartzeko Euskadin

Akordioa sinatu ondoren, Cybasqueko kide diren enpresak baldintza onuragarrietan sartu ahal izango dira Cyberlur elkargoan

Seinalek  enpresei  beren  informazioa  edozein  mehatxuren  aurrean  babesten  laguntzen  die
08/07/2025 Zibersegurtasuna

Seinalek enpresei beren informazioa edozein mehatxuren aurrean babesten laguntzen die

20 urte baino gehiagoko esperientziarekin, Seinale zibersegurtasunean eta Zuzenbide Digitalean espezializatutako konpainia gisa finkatu da

Europar  Batasuna  Estatu  Batuekin  negoziatzen  ari  da  merkataritza  arloko  akordioa  lortzeko
03/07/2025 Nazioartekotzea

Europar Batasuna Estatu Batuekin negoziatzen ari da merkataritza arloko akordioa lortzeko

Batzordearen esanetan, AEBetako muga-zergek Europak Estatu Batuetara egindako esportazioen % 70i eragiten diete, 382.000 milioi euro inguruko inpaktuarekin.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.