Fukushimako ordezkaritza bat Euskadira etorri da bisitan bi herrialdeen artean dagoeneko finkatuta dauden enpresa- eta erakunde-harremanetan sakontzeko
Azaroaren 14an eta 15ean, Japoniako Fukushima prefekturako delegazio bat Euskadin izan da. Eusko Jaurlaritzak Elkar Ulertzeko Memoranduma (MOU, ingeleseko siglengatik) du sinatuta 2019tik herrialde horrekin. Tresna horren bidez bi gobernuen arteko lankidetza indartu da eta bi aldeentzako interesekoa den bidea zabaldu da industriaren, ingurumenaren eta bizi-kalitatearen ikuspegitik funtsezkoak diren sektoreentzat.
Duela bost urte, energia berriztagarriari, efizientziari eta biltegiratze energetikoari aplikatutako teknologiak identifikatu zituzten intereseko arlo gisa. 2023an, MOU hori berritu zuten eta arlo horiek zabaldu eta bioteknologia eta digitalizazioan oinarritutako 4.0 industria sartu zituzten. Gainera, helburu gisa finkatu zuten aldebiko harreman komertzialak, I+Gko lankidetza eta enpresen arteko topaketak sustatzea.
Japoniak hainbat urte daramatza Eusko Jaurlaritzarentzako lehentasunezko herrialdea izaten, bai Euskadi Basque Country 2020 Estrategian, bai 2021-2024rako nazioartekotzean. Orain, bisita berri horren helburua da zubiak sortzen jarraitzea eta Euskadi-Fukushima MOUren garapenean aurrerapausoak ematea. Horri dagokionez, Eusko Jaurlaritzan hasi zen atzo bisita eta Kanpo Ekintzetako arduradunekin elkartu ziren.
Gaur, azaroaren 15ean, Japoniako ordezkaritzak Euskadiko hainbat sozietate publiko, enpresa eta proiektu estrategiko bisitatu ditu. Lehenik eta behin, Basque Trade & Investmentekin elkartu dira, zehazki, Ainhoa Ondarzabal CEOarekin eta Iván Fernández adimeneko zuzendariarekin. Bertan, Fukushimako ordezkariek aukera izan dute sozietate publiko horrek Euskadiko enpresen nazioartekotzean egiten duen lana zuzenean ezagutzeko.
Ondoren, Ihobe Eusko Jaurlaritzako Ingurumena Kudeatzeko Sozietate Publikoko Ekonomia Zirkularreko zuzendariarekin, María Fernándezekin, elkartu dira. Bileran Eusko Jaurlaritzaren ‘Circular Thinking, Euskadi Ekonomia Zirkularrerantz’ ekimena aurkeztu dute. Ekimenaren helburua da ekonomia zirkularra sustatzea Euskadiko eragile sozioekonomikoen artean eta, zehazki, industrian, ETE-etan zein enpresa handietan.
Ondoren, Energy Intelligence Center (EIC) bisitatu dute, eta bertan, Asier Madariaga Hidrogenoaren Euskal Korridorearen bulegoko kideak egin die harrera. Energiaren, industriaren, bizitegien eta mugikortasunaren sektoreak deskarbonizatzeko prozesuan aurrerapausoak egiteko hidrogenoaren euskal korridorea sortzeko proiektu estrategikoa aurkeztu die.
Azkenik, Fukushimako ordezkaritzak Saitec bisitatu du David Carrascosa CEOaren eskutik. Bertan, ingeniaritzako enpresa ezaguna ezagutu ahal izan dute eta, zehazki, DEMOSATH proiektua. Eskala errealean egindako 2 MWko aerosorgailu baten prototipoa da BiMEPen, itsas barnean probak egiteko Euskadiko kokalekuan. Behin betiko urratsa izango da hori SATHen heldutasun teknologikoa lortzeko, betiere, merkaturatzeari begira.
Euskadiko industriako sektoreak bere lekua du Japonian
Azken urteetan Euskadiren eta Japoniaren arteko enpresa- eta erakunde-harreman handia garatu da eta erlazio ekonomikoak sustatu dira, baita pandemian zehar ere. Horren ondorioz, Eusko Jaurlaritzak ‘Euskadi-Japonia Urtea’ izendatu zuen 2023a.
Iaz, halaber, Euskadi-Japonia misio bat egin zen Tokion Urkullu lehendakaria buru zela, eta hainbat ekintza egin zituzten, tartean industriako eta enpresen arloko agenda. Funtsezko bidaia izan zen; izan ere, Euskadiko esportazioek hazteko tartea dute oraindik eta Japoniako merkatuak eskaintzen dituen aukerak esportazioen bidez, zein tokiko inbertsioen edo lankidetza-harremanen bidez gauzatu daitezke.
Fukushimaz gain, Euskadik MOU bat du Mie prefekturarekin. 2018ko urrian sinatu zuten, Arantxa Tapia Ekonomiaren Garapen, Jasangarritasun eta Ingurumeneko sailburu ohia Japonian izan zenean, Euskadiko Industria 4.0 estrategia partekatzeko eta Euskadiko enpresentzako merkatuak eta lankidetza-bideak zabaltzeko. MOU horrek 4.0 industriaren eta bioteknologien arloetako lankidetzan jarri zuen arreta.
Lotutako albisteak
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.