Javier Zarraonandia, eskumaldean, akordioa sinatu ondoren.
Invest in Basque Country Nazioartekotzea
Albisteak 26 Azaroa, 2019

Eusko Jaurlaritzaren ordezkariek Txekia eta Eslovakiako enpresak bisitatu eta harreman instituzionalak estutuko dituzte

Euskal ordezkaritzak harreman instituzionalak bultzatu, Txekiar Errepublikako garapen-agentziarekin lankidetza-akordioa sinatu eta Euskadi enpresen inbertsiorako helmugatzat aurkeztuko du
-

Euskal ordezkaritzak harreman instituzionalak bultzatu, Txekiar Errepublikako garapen-agentziarekin lankidetza-akordioa sinatu eta Euskadi enpresen inbertsiorako helmugatzat aurkeztuko du

Javier Zarraonandia Industria sailburuordea buru, Ekonomiaren Garapen Sailak bidaia instituzionala egingo du aste honetan Txekia eta Eslovakiara, herrialde horietan finkatuta dauden euskal enpresei sostengua emateko eta Euskadira herrialde horietako inbertsioak erakartzeko. Bidaia hilaren 26tik 29ra bitartean egingo da, eta horren aurretik, gaur, astelehena, Alemanian finkatutako euskal enpresekiko topaketa izango dute, lan-gosari baten bitartez. Bisita eta bilera guzti-guztiak SPRI Taldeak antolatu ditu Nazioartekotzeko Euskal Agentziaren bitartez.

 

Zarronandiak helburu hirukoitza darama azken hamabost urteotan euskal ETEen lehentasunezko helmugatzat jo diren herrialde horietarako bidaian. Lehenik eta behin, Txekian eta Eslovakian finkatuta dauden euskal enpresen errealitateari gertuko sostengua agertu eta haien eskakizunen berri jakitea, euskal administrazioak nola lagundu ahal dien ezagutzeko asmoz. Horren harira, Eusko Jaurlaritzaren ordezkariek programatua duten lehenengo ekitaldia han finkatutako enpresekin antolatutako bilera izango da.

 

Bigarrenik, Industria sailburuordeak eta Agentziako zuzendari Ainhoa Ondarzabalek zenbait bilera aurreikusiak dituzte agendan, enpresei eremu geografiko honetarako bidea erraztu eta proiektuei dagokien tramitazio eta kudeaketa administratiboa arintzeko. Hartara, Zarraonandiak CZECHINVEST Txekiar Errepublikako Garapen Agentziarekin bildu eta akordio bat sinatuko du, “euskal zein txekiar enpresen mesedeko negozio-aukerak identifikatu eta arlo instituzionaleko lankidetza eta trukerako ekintzak sustatzeko konpromisoa” aintzakotzat hartuz.

 

Azaroaren 26ko lan-agenda osatzeko, Txekiar Errepublikako Industria eta Merkataritza Ministerioarekin bildu eta Euskadi inbertsioetarako helmuga erakargarritzat aurkeztuko du. Merkataritza-ekintza honi dagokio sailburuordearen agendan zehaztutako hirugarren helburua: Euskadik helmuga erakargarritzat duen potentzialtasuna bistaratzea.

 

Hilaren 27an, Erdialdeko Bohemiari eta Hego Moraviari arreta emanez, teknologia bultzatzeko eta eskualde horien eta Euskadiren arteko harremanak indartzeko hainbat jarduera izango dira. Erdialdeko Bohemian, euskal ordezkaritzak bisita egingo dio ELI Beamline Laser Zentro Zientifikoari, izan ere, hor kokatutako munduko laser-sistemarik handienak medikuntza, optika, elektronika zein material berrien ikerketan izan ditzakeen aplikazioak bat datoz Euskadiko RIS3 estrategian zehaztutako ildoetako batekin. Hego Moraviari dagokionez, munduko mikroskopio elektronikoen % 30 baino gehiago txekiar eskualde honetan fabrikatzen dira.

 

Bidaiari buruzko lehenengo balantzea Txekiar Errepublikako ekialdean finkatuta dauden euskal enpresekin partekatuko dute, SPRI Txekiak antolatutako afari baten bitartez, eta han ezarritako konpainia guztiekiko topaketa honek amaiera emango dio eguneko agendari.

 

Hilaren 28an, misioa Eslovakiara abiatuko da, euskal industria sailburuordeak hasitako jarduera instituzionalari jarraipena emateko, izan ere, SARIO Eslovakiako Garapen Agentziarekin biltzeko asmoa du. Bukatzeko Cikautxo Eslovakia bisitatuko dute.

 

Agendan aurreikusitako jarduera gehienak, hilaren 26tik 28ra bitartekoak, Txekian eta Eslovakian egingo diren arren, euskal ordezkaritzak Alemanian presentzia komertzial edo produktiboa duten euskal enpresekiko topaketa antolatu du azaroaren 25erako, Munichen.

Lotutako albisteak

Lehendakariak  konpromiso  eta  bizkortasun  handiagoa  eskatu  die  Europari  eta  Estatuari,  euskal  altzairuaren  etorkizuna  bermatzeko
21/10/2025 Kluster politika

Lehendakariak konpromiso eta bizkortasun handiagoa eskatu die Europari eta Estatuari, euskal altzairuaren etorkizuna bermatzeko

Imanol Pradales Lehendakariak ‘Steel Tech 2025’ inauguratu du, BECen, urriaren 21etik 23ra izango den siderurgia-sektorearen nazioarteko elkargunea

Euskadik  indartu  egin  du  Poloniarekin  duen  lankidetza  industriala,  euskal  esportazioen  hamar  helmuga  nagusien  artean

Euskadik indartu egin du Poloniarekin duen lankidetza industriala, euskal esportazioen hamar helmuga nagusien artean

Imanol Pradales: “Kontinentearen lehiakortasun industriala bermatzea posible izango bada, gure indarrak batuta, sinergia berriak bilatuta eta norabide berean eginda izango da”

Irundinek  lidergoa  sendotu  du  Mecanizaciones  Alavesas-en  integrazioarekin  eta  2026ra  arteko  6  milioi  euroko  inbertsioarek
20/10/2025 Berrikuntza

Irundinek lidergoa sendotu du Mecanizaciones Alavesas-en integrazioarekin eta 2026ra arteko 6 milioi euroko inbertsioarek

Bi enpresen batuketak estatu mailako edari-ontziratzeko makineria talde sendoena sortzen du

Euskadik  itsasoko  energia  eolikoan  duen  nazioarteko  posizionamendua  indartu  du  Japonian
16/10/2025 Nazioartekotzea

Euskadik itsasoko energia eolikoan duen nazioarteko posizionamendua indartu du Japonian

Euskadik eta bere industria sareak GOWS 2025ean duten parte hartzea sektoreko enpresa liderrekin eta nazioarteko erakundeekin lankidetza esparru batean garatzen da

Voon  Sports,  teknologia  adimenduna  duen  kirol  entrenamenduaren  irtenbidea
13/10/2025 Nazioartekotzea

Voon Sports, teknologia adimenduna duen kirol entrenamenduaren irtenbidea

Donostiako konpainiak kirolarien entrenamendu teknikoa eta kognitiboa hobetzen duten gailuak eta app propioa garatzen ditu.

Eusko  Jaurlaritzak  nazioartekotzea  bultzatu  du  9,5  milioi  euroko  laguntzen  bidez

Eusko Jaurlaritzak nazioartekotzea bultzatu du 9,5 milioi euroko laguntzen bidez

Enpresek Zabaldu, Sakondu eta Elkartu programetarako diru-laguntzak eska ditzakete.

Nazioartekotzerako  enpresa-lankidetzari  bultzada,  Elkarturekin
10/10/2025 Nazioartekotzea

Nazioartekotzerako enpresa-lankidetzari bultzada, Elkarturekin

Urriaren 14an Elkartu programaren deialdi berri bat irekiko da. Nazioartekotze-jardueretarako enpresen arteko lankidetza bultzatzea da programaren xedea. 1.000.000 euroko aurrekontua du programak, eta nazioartean duten posizionamendua hobetu nahi duten enpresa-lankidetzako elkarte eta taldeei zuzenduta dago.

Europako  Batzordeak  proposamen  bat  iragarri  du  beste  herrialde  batzuetatik  datorren  altzairuaren  muga-zergak  %50era  igotzeko  eta  haren  jatorriaren  trazabilitatea  indartzeko

Europako Batzordeak proposamen bat iragarri du beste herrialde batzuetatik datorren altzairuaren muga-zergak %50era igotzeko eta haren jatorriaren trazabilitatea indartzeko

Xedapen horiek Europako Parlamentuak eta Kontseiluak erregelamenduaren azken testua adostu ondoren aplikatuko dira, 2026ko ekainetik aurrera altzairuaren gaineko egungo babesa ordeztuko duena.

WOMEXen  Eskualde  Taldea  martxan  da  Euskadin,  nazioartekotzean  genero-berdintasuna  sustatzeko
09/10/2025 Berdintasuna

WOMEXen Eskualde Taldea martxan da Euskadin, nazioartekotzean genero-berdintasuna sustatzeko

Enpresa, erakunde, irakaskuntza eta elkarte arloko eragileak joan den astean bildu ziren Euskadiko Eskualde Taldearen lehen saioan, WOMEX - The role of women in the competitiveness of exporting SMEs proiektu europarraren esparruan.

Zure  enpresaren  nazioartekotze-kostuak  geldiaraz  ez  zaitzan…  Hona  hemen  Zabaldu  laguntzak!
09/10/2025 Nazioartekotzea

Zure enpresaren nazioartekotze-kostuak geldiaraz ez zaitzan… Hona hemen Zabaldu laguntzak!

SPRI Taldeak atzerrian mikroenpresen, ETE-en eta startupen presentzia bultzatzera zuzendutako Zabaldu 2025 laguntzen beste edizio bat deitu du. Aurten, programak 5 milioi euroko aurrekontua izango du nazioartekotze-prozesua berme osoz abiaraztearen kostua finantzatzen laguntzeko.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.