Nazioartekotzea
Albisteak 18 ekaina, 2018

Eusko Jaurlaritzak merkataritza-bulego berria irekiko du Milanen, euskal enpresen merkataritza-jarduera areagotzeko

2020rako Enpresa Nazioartekotze Planak Italia nabarmentzen du euskal industriarako lehentasunezko herrialdeen artean
-

2020rako Enpresa Nazioartekotze Planak Italia nabarmentzen du euskal industriarako lehentasunezko herrialdeen artean

Arantxa Tapia sailburuak topaketak izango ditu Lonbardiako Ekonomiaren Garapenaren ministroarekin eta Piamonte eskualdeko presidentearekin

Enpresei lotutako eduki ekonomikoaz gainera, bidaia, halaber, goi-sukaldaritzaren eremuan Euskadiko nekazaritzako elikagaiak ezagutzera emateko plataforma izango da.

Ordezkaritza Danobatek Italiako Piamonte eskualdean inauguratuko duen instalazio berriaren inaugurazioan izango da

 

Eusko Jaurlaritzaren ordezkaritza bat, Arantxa Tapia Ekonomiaren Garapeneko eta Azpiegituretako sailburua buru duela, aste honetan Italiara bidaiatuko da, Euskadiko merkataritza-bulego berria irekiko delako Milanen.

 

Hiru eguneko bidaia izango da, eta agenda bizia izango du bidaiak; bertan, Eusko Jaurlaritzako ordezkaritzak topaketa bat ezarriko du dagoeneko Italiako merkatuan dagoen euskal enpresen talde batekin, erakunde-bilerak izango ditu Piamonteko eta Lonbardiako gobernuekin, Euskadiko kalitateko produktuak sustatuko ditu goi-sukaldaritzan eta Danobaten instalazio berriaren inaugurazioan izango da.

 

Tapia sailburuaz gainera, Gobernuko ordezkaritza honako hauek ere eratuko dute: Javier Zarraonandia Industriako sailburuordea, Ainhoa Ondarzabal Nazioartekotzeko Euskal Agentziako zuzendaria eta Ainara Isasa Milango bulego berriaren zuzendaria.

 

Nazioartekotzea funtsezko elementua da, Euskadiko enpresen lehiakortasunerako, eta Italia 2020rako Enpresa Nazioartekotze Planean lehentasunezko herrialdeen artean identifikatzen da. Bulegoa irekitzean, enpresek errazago bilatu ahalko dituzte negozio-bide berriak,  makina-erremintaren edo automobilgintzaren sektoreetan puntako teknologia duen herrialde horretan. Gainera, aeronautikaren, eskulangintza aurreratuaren edo robotikaren sinergiarako aukerak irekitzen dira, Italiak eta Euskadik sektore horietan antzekotasunak baitituzte.

 

Bulego berria bere eginkizunetara ongi egokitzen den enpresa-ingurunean dago. Nazioartekotzeko Euskal Agentziaren kanpo-sarean sartuko da, Spri taldearen barruan; sarea, gaur egun, 17 merkataritza-ordezkaritzak eratzen dute.

 

Bulego hori une garrantzitsu batean irekiko da, aurreko hauteskundeen ikuspuntu instituzional eta politikoa eta Italiako erakundeen egungo eraketa aintzat hartuta.

 

Topaketak Piamonteko presidentearekin eta Lonbardiako ministroarekin

 

Tapia sailburuak bi topaketa izango ditu Italiako bi erakundeen ordezkariekin. Alessandro Mattinzoli Lonbardiako Ekonomiaren Garapeneko ministroa Milango bulegoaren inaugurazioan izango da, eta sailburuarekin batuko da; sailburuak Euskadiko ekonomiaren alderdi esanguratsuenak aurkeztuko dizkio. Sergio Chiamparino Piamonteko presidentea, bestalde, eskualdean bertan dagoen Danobaten instalazio berriaren inaugurazioan izango da; bertan, sailburua ere izango da.

 

Gainera, euskal enpresekin lan-jardunaldia egingo da, eta topaketa gastronomikoa ere bai; bertan, helburu nagusia izango da euskal nekazaritzako elikagaiak sustatzea goi-sukaldaritzaren sektorean. Andoni Luis Adurizek sukaldaritzako esperientzia hori bultzatuko du; esperientzia kalitateko eta Euskadiko jatorriko ziurtagiriak dituzten elikagai eta edariekin prestatuko da, eta Matías Pedromo chefaren Milango Contraste jatetxean izango da.

 

Euskal ordezkaritzak, bertan, beste bi hitzordu ere izango ditu. Alde batetik, MIND – Human Technopole-ra egingo duen bisita, Expoaren instalazioetan, zientziari, ezagutzari eta berrikuntzari eskainiak. Beste batetik, Milango Politeknikora bisita; bertan, 4.0 industriarekin eta digitalizazioarekin lotutako gaiak partekatuko dira.

Lotutako albisteak

Irundinek,  oso  nazioartekotutako  ETEak,  negozioa  % 50  baino  gehiago  handitu  du
12/09/2025 Nazioartekotzea

Irundinek, oso nazioartekotutako ETEak, negozioa % 50 baino gehiago handitu du

Irungo enpresak SPRI Taldearen Fast Track Innobideak programako laguntza jaso du eta botilatzeko makinak fabrikatzen ditu 1994tik

Global  Training  beken  epea  irailaren  19ra  arte  luzatu  da
12/09/2025 Nazioartekotzea

Global Training beken epea irailaren 19ra arte luzatu da

Global Training laguntza-programa Euskadiko gazteen nazioarteko mugikortasuna eta prestakuntza errazteko diseinatuta dago. Programaren aurrekontua 6.445.000 €-koa da eta laguntzek ordaindutako praktika profesionalak eskaintzen dituzte atzerrian.

Euskadiko  enpresa-ordezkari  batzuk  Alemaniako  automobilgintzaren  eraldaketa  aztertzen  ari  dira  Munichen

Euskadiko enpresa-ordezkari batzuk Alemaniako automobilgintzaren eraldaketa aztertzen ari dira Munichen

SPRI Taldeko Basque Trade & Investmentek eta ACICAE Euskadiko Automobilgintza Klusterrak elkarrekin antolatu dute

Euskadi  liderra  da  automobilgintzako  eskualdeen  aliantzan,  eta  ibilbide-orri  berri  bat  eskatu  du
10/09/2025 Nazioartekotzea

Euskadi liderra da automobilgintzako eskualdeen aliantzan, eta ibilbide-orri berri bat eskatu du

Ekitaldian Jauregi sailburuak azpimarratu zuen euskal industriak Europako automobilgintzaren sektorean duen garrantzi estrategikoa. Hurrengo urteetarako ibilbide-orri gisa, apustu hirukoitza nabarmendu zuen: finantziazioa, berrikuntzan inbertitzea eta sektorearentzako eskari berria sortzea

Brasilen  ezarritako  euskal  enpresek  EB-Mercosur  akordioa  eta  erga-erreforma  aztertu  dituzte
09/09/2025 Nazioartekotzea

Brasilen ezarritako euskal enpresek EB-Mercosur akordioa eta erga-erreforma aztertu dituzte

Bilera BasqueTradek São Paulon duen bulegoak antolatu du, eta agentziak euskal enpresei Brasil bezalako merkatu estrategikoetan ematen dien laguntzaren barruan kokatzen da

Koreako  Jeollanam-do  probintziak  Euskadi  bisitatu  du  itsas  energia  eolikoan  eta  trantsizio  energetikoan  aukerak  aztertzeko
05/09/2025 Nazioartekotzea

Koreako Jeollanam-do probintziak Euskadi bisitatu du itsas energia eolikoan eta trantsizio energetikoan aukerak aztertzeko

Euskadin programatutako agendarekin amaitzeko, delegazioak Saiteceko instalazioak bisitatu ditu, Euskal Autonomia Erkidegoan sarera konektatutako lehen aerosorgailu flotatzailearen proiektua bertatik bertara ezagutzeko asmoz.

Trumpen  muga-zergen  zati  bat  legez  kanpokotzat  jo  du  AEBko  apelazio  auzitegi  batek
03/09/2025 Nazioartekotzea

Trumpen muga-zergen zati bat legez kanpokotzat jo du AEBko apelazio auzitegi batek

Europako Batzordeak ez du epaiaren inguruko iritzirik eman, baina Washingtoni eskatu dio akordioan hitzartutakoa betetzeko eta autoen muga-zergak % 27,5etik % 15era murrizteko.

Wolco,  nazioartekotzearen  aldeko  apustua  egin  duen  ebaketa-erreminta  pertsonalizatuen  fabrikatzailea
28/08/2025 Nazioartekotzea

Wolco, nazioartekotzearen aldeko apustua egin duen ebaketa-erreminta pertsonalizatuen fabrikatzailea

Lemoako enpresak SPRI Taldearen Industria Digitala programaren dirulaguntza jaso du, eta bere negozioaren % 25 esportatzen du dagoeneko

Europar  Batasunak  zigor  ekonomiko  eta  energetiko  berriak  onartu  ditu  Errusiaren  aurka
21/07/2025 Nazioartekotzea

Europar Batasunak zigor ekonomiko eta energetiko berriak onartu ditu Errusiaren aurka

Hamazazpigarren neurri-sorta honek Ukrainako gatazkari lotutako ontzi eta erakundeei eragingo die, eta pixkanaka-pixkanaka Errusiako erregai fosilekiko mendekotasuna ezabatzea aurreikusi du

Europar  Batasunak  Itsaso  Beltzean  egonkortasuna,  garapena  eta  jasangarritasuna  bultzatzeko  plana  aurkeztu  du
12/07/2025 Nazioartekotzea

Europar Batasunak Itsaso Beltzean egonkortasuna, garapena eta jasangarritasuna bultzatzeko plana aurkeztu du

Estrategia Europako beste politika batzuekin koordinatuta garatuko da, EB zabaltzeko prozesua, Ekialdeko Elkartea eta Global Gateway estrategia barne.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.