Eusko Jaurlaritzak Euskadiko industria-sektorea Japoniako erakunde eta enpresa-eragileen aurrean ezagutzera eman du
Ekonomiaren Garapen, Iraunkortasun eta Ingurumen Sailburuak, Arantxa Tapiak, azaldu du garrantzitsua dela Euskadi merkatu horretan finkatzea, Euskadi bere potentzialaren azpitik esportatzen ari delako eta merkatu horrek eskaintzen dituen aukerak esportazioen, tokiko inbertsioen edo lankidetza-akordioen bidez gauza eta zabaldu daitezkeelako.
Japonia da 2021-2024rako Eusko Jaurlaritzaren nazioartekotze-estrategian lehentasunezko herrialdeetako bat, eta Asiako eremu osoa da enpresen nazioartekotze-estrategian lehentasuna. Horregatik, 2022an, SPRI Taldeari atxikitako Basque Trade and Investment Agentziak merkataritza-ordezkaritza bulego bana inauguratu zuen Tokion (Japonia) eta Seulen (Korea).
Euskadi-Japonia merkataritza- eta enpresa-harremanetan interesa duten zifrak
Euskadirentzat merkataritza-balantza negatiboa bada ere, EAEko 376 enpresak Japoniara esportatzen dute erregulartasunez, aluminioa eta bere manufakturak, eta ibilgailu automobilen osagaiak dira esportazioen % 70 baino gehiago ordezkatzen duten produktuak, eta inportazioak burdina eta altzairua galdatzean eta ibilgailu automobiletan kontzentratzen dira.
Ezarritako euskal enpresa
Euskal enpresen presentzia oraindik mugatua da, eta gaur egun zortzi enpresa daude* Japonian, bederatzi merkataritza-ezarpen eta bi produkzio-ezarpen dituztenak. Automozioaren sektorea nabarmentzen da, eta ondoren fabrikazio aurreratuko teknologiena eta energiarena.
Euskal enpresaren intereseko sektoreak automobilgintza, energia berriztagarriak, gailu medikoak, makina-erreminta eta informazioaren eta telekomunikazioen teknologiak dira.
* enpresa batzuek ezarpen bat baino gehiago dute
Harremanak Euskadirekin: MIE eta Fukushima lankidetza-akordioak
Azken urteotan, enpresa- eta erakunde-harreman bikaina garatu da Euskadiren eta Japoniaren artean, eta harreman ekonomikoak bultzatu dira pandemian zehar ere. Horren ondorioz, Eusko Jaurlaritzak 2023ko Euskadi-Japonia Urtea izendatu zuen.
2018ko urrian, Arantxa Tapia Ekonomiaren Garapen, Iraunkortasun eta Ingurumeneko sailburua Japoniara joan zen, euskal industriaren 4.0 estrategia partekatzeko eta euskal enpresei merkatuak eta lankidetza-bideak irekitzea errazteko.
Bidaia horretan Memorandum of Understanding (MOU) sinatu zen MIEko Prefekturarekin, 4.0 Industriaren eta bioteknologien esparruetako lankidetzan zentratuta.
Era berean, 2019ko maiatzean Fukushimako prefekturako ordezkaritza batek Euskadira egindako bisitaren ondorioz, lehendakariak Fukushimako gobernadorearekin sinatutako MOUa idatzi zen.
MOU hau 2023an berritu zen, eta energia berriztagarriak bultzatzea zuen helburu. Foku hori cleantech, bioteknologia eta 4.0 industriara zabaldu da orain.
Enpresa-misioa off shore eta hidrogeno eremuetan
Energia sektoreko hogeita hamar enpresa baino gehiago joan dira Japoniara egun hauetan, energia berriztagarrien bussineak ardatz hartuta, bereziki off shore eta hidrogenoan, baita automozioaren sektorearen deskarbonizazioan ere.
Urriaren 10, 11 eta 12ko jarduera Japoniako mutur geografikoetan garatu da, Kitakyushun (Fukuoka) eta Koriyaman (Fukushima) azoka profesionalak egin baitira.
Global Offshore Wind Summit Japan 2023 (GOWS) eta Fukushima Renewable Energy Industry Fair (REIF) izenekin ezagutzen diren jardueren Euskadiko stand bana eta off shore eolikoan eta hidrogenoan interesa duten enpresen presentzia izan dute. Hara joan dira, besteak beste, Ditrel, Slingsintt, Irizar forge, Nautilus floating solutions, Saitec offshore technologies, Nervion naval offshore, Hine, Kimua, Sener, Iberdrola, Petronor, HWS, Erreka, Ampo, Idom, Ikerlan, Tecnalia eta H2Site enpresetako ordezkariak. Horiek guztiak Energiaren Euskal Klusterraren laguntzarekin eta SPRI Taldeari atxikitako Basque Trade ant Investement Agentziaren laguntzarekin.
Eusko Jaurlaritzaren laguntza instituzionala industria-sareari
Honako hauek osatzen dute enpresa-arloko erakunde-ordezkaritza: Arantxa Tapia sailburuak, Mikel Amundarain Industriako sailburuordeak, Aitor Urzelai SPRIko zuzendari nagusiak, Ainhoa Ondarzabal Basque Trade and Investment-eko kontseilari delegatuak eta Moe Kato BTI Tokyoko merkataritza-ordezkariak.
Topaketen artean, Japan Wind Power Association (JWPA) elkartea, Global Wind Energy Council (GWEC) elkartea, Japan Hydrogen Association eta Japan Wind Power Association daude. Era berean, euskal enpresa talde batekin batera Denso enpresa bisitatu zuten, automobilgintzarako osagaien fabrikazioan liderra eta Japonian eta atzerrian lantegi ugari dituena, eta topaketa bat egin zuten Masaru KASHIMA Fukushimako gobernadoreordearekin, Euskadi herrialde gonbidatua izan zen REIF kongresuaren inaugurazioaren harira.
Bussines Lider Summit, Euskadiko industria sustatzeko jardunaldia
Astelehenean, urriak 16, Tokyoko erdiguneko Conrad Hotelean Bussines Lider Summit jardunaldia egingo da, SPRI Taldeko Basque Trade and Investment Agentziak antolatuta, euskal industriak energiaren eta automobilgintzaren sektoreetan dituen gaitasunak erakusteko eta praktika batzuk Euskadiko eta Japoniako enpresen artean partekatzeko. Iñigo Urkullu lehendakaria izango da jardunaldiaren buru, eta Japoniako Gobernuko Ekonomia eta Industria Ministerioaren presentzia instituzionala izango du.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek euskal enpresen eskura jarri ditu Smart Factory + Automation World 2025 ekitaldian egindako bi txosten, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.