Euskadiren Kanpo Sarea: Intergune 2022 ekitaldiak aukera emango die euskal enpresei zuzenean iristeko 80 herrialde baino gehiagotara
Datorren urriaren 26 eta 27an Bilbao Exhibition Centre-k INTERGUNE 2022 ekitaldia ostatatuko du. INTERGUNE euskal enpresen nazioartekotze foroa da, esportatzeko bokazioa duten euskal enpresei 80tik gora herrialdetara iristeko aukera ematen dien topagunea.
INTERGUNEk, gune bat eskaintzen du zuzenean harremanetan jartzeko bost kontinenteetako merkatu garrantzitsuenetan kokatuta dauden bulego eta profesionalekin. Izan ere, INTERGUNE da Eusko Jaurlaritzako Ekonomi Garapen, Jasangarritasun eta Ingurumen Sailak, SPRI Taldeak eta bere Nazioartekotze Agentziak (Basque Trade & Investment) euskal konpainien esku jarri duten laguntza praktiko eta operatiboa.
Atzerriko bulegoek helburu estrategiko bikoitza dute: batetik, kasuan kasuko jomugan interesak dituzten euskal enpresei laguntzea eta, bestetik, “Euskadi Basque Country” markaren posizionamendua bultzatzea atzerrian. Sare honek herrialde eta merkatuei buruzko bere ezagutza sakona eskaintzen du, oztopoak identifikatuz eta proiektu bakoitzerako ibilbide eta prozedura aproposenak diseinatzen lagunduz.
Euskadirentzat garrantzitsuak diren merkatuak
INTERGUNE huts egin ezinezko hitzordua da, bai atzerriko proiekzioan dagoeneko ibilbide luzea egina duten enpresentzat, eta baita ere esportazioaren arloan lehen urratsak ematen ari direnentzat. Foroak aukera ematen die harreman zuzen eta pertsonala lantzeko eta, bide horretatik, mundu osoko merkatu garrantzitsuenetara iristeko.
Jomuga-herrialdeen artean aurten aipatzekoa da Japonia, Euskadi “Basque Country 2025” Estrategian lehentasunezkoa dena. Hain zuzen, horrexegatik ireki da aurten Euskadiko Kanpo Sarearen lehen bulegoa Tokion. Japonia oso merkatu erakargarria da euskal enpresentzat bere BPGaren bolumenagatik, bere eskaera sofistikatuagatik eta ekonomi nahiz lege arloko egonkortasunagatik. Baita ere nabarmentzen da euskal ekonomiarekin duen osagarritasunagatik eta negozioak egiteko erraztasunak eskaintzeagatik, atzerriko inbertsio-fluxuak finantzatzen baititu Asia Pazifiko eskualde osorako. Moe Kato da Tokioko bulego berriaren buru. Moe Basque Trade & Investment agentziaren zuzendaria da Japonian eta aktiboki parte hartuko du INTERGUNE ekitaldian, Japoniari buruzko informazio-eskaerei erantzuteko.
Bulego honekin, beste bulego batzuekin nahiz beste ordezkaritza batzuekin harremanetan jartzeko hitzordu-sistema digital bat erabili behar da, ekitaldiaren web orrian bertan:https://agenda.spri.eus/intergune
Euskadiren Kanpo Sareko bulegoetako arduradunekin harremanetan jartzeko aukera eskaintzeaz gain, INTERGUNEk elkarrekin batuko ditu mundu osoko enpresetako liderrak, nazioarteko adituak eta arduradun politiko zein akademikoak, munduko ekonomiaren egoeraz eta perspektibez eztabaidatzeko. Eta orobat aukera emango du harremanetan jartzeko hogeita hamar bat erakusketarirekin, hala nola banku-erakundeekin, finantza- eta aseguru-zerbitzuak eskaintzen dituzten erakundeekin, Araba, Bizkaia eta Gipuzkoako merkataritza-ganberekin, hiru lurralde historikoetako foru aldundiekin, Kanpo Merkataritzako Institutuarekin (ICEX), klusterrekin, elkarte sektorialekin edo nazioartean espezializatutako aholkularitza enpresekin.
INTERGUNEren erakargarritasuna osatzeko BasqueTrade-k balio erantsi handiko eta kartara eginiko zerbitzuen eskaintza zabala jartzen du enpresen eskura: aholkularitza estrategiko eta operazionala, finantzaketa-tresnak, adimen lehiakorra, lankidetza eta aliantzak, nazioarteko lizitazioak, nazioarteko sustapen-ekitaldiak, prestakuntza eta talentua.
Directorio de Países presentes en INTERGUNE 2022:
EUROPA: FRANTZIA. ALEMANIA. ITALIA. PORTUGAL. IRLANDA, POLONIA. TXEKIAR ERREPUBLIKA. ESLOVAKIA. BULGARIA. HUNGARIA. ERRUMANIA. ERRESUMA BATUA. SUITZA.
BENELUX: BELGIKA. HOLANDA. LUXENBURGO.
HERRIALDE ESKANDINAVIARRAK: NORVEGIA. FINLANDIA. SUEDIA. DANIMARKA. ISLANDIA.
BALTIKOKO HERRIALDEAK: LETONIA. LITUANIA. ESTONIA.
BALKANAK: SERBIA. KROAZIA. ESLOVENIA. BOSNIA-HERTZEGOVINA. MONTENEGRO. MAZEDONIA. KOSOVO. ALBANIA.
EBE HERRIALDEAK: KAZAJISTAN. UZBEKISTAN. KIRGIZISTAN. TAJIKISTAN. AZERBAIJAN. GEORGIA.
ASIA. TURKIA. INDIA. SINGAPUR, MALAYSIA, THAILANDIA. FILIPINAK. INDONESIA. VIETNAM. TXINA. TAIWAN. JAPONIA. HEGO KOREA.
OZEANIA: AUSTRALIA. ZEELANDA BERRIA.
IPAR AMERIKA: ESTATU BATUAK. MEXIKO. KANADA.
LATINOAMERIKA: PERU. EKUADOR. ARGENTINA. URUGUAI. TXILE. KOLONBIA. BRASIL.
AFRIKA ETA EKIALDE ERTAINA: MAROKO. ALJERIA. TUNISIA. EGIPTO. ISRAEL. ETIOPIA. BOLI KOSTA. SENEGAL. KAMERUN. GHANA, TANZANIA. KENYA. NIGERIA. HEGOAFRIKA. ARABIAR EMIRERRI BATUAK. SAUDI ARABIA, QATAR, OMAN, KUWAIT, BAHRAIN. IRAN.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.