Euskadik Txinan finkatutako euskal enpresen babesa indartu du Kunshanera egindako bisita baten bidez
Mondragon Taldeak Txinako Kunshal hirian duen Industria Parkean, bisitan egon dira aste honetan Nagore Bonilla Basque Trade & Investmenteko zuzendari nagusia eta Yuete Ye agentziak Txinan duen bulegoko zuzendaria. Bisita hau Eusko Jaurlaritzak euskal enpresei merkatu estrategikoetan eskaintzen dien etengabeko laguntzaren barruan antolatu da, Euskadiko balio-kateen nazioartekotze eta babesaren aldeko konpromisoaren harira.
Ordezkaritzak Batz, Fagor Ederlan, Fagor Arrasate, Mondragón Assembly eta Orkli euskal enpresen lantegiak bisitatu eta bertatik bertara ezagutu ahal izan dituzte bertan egiten duten jarduera, Txinako merkatuaren erronkak eta lehiakortasuna indartzeko aukerak aztertzeaz gain.
Gainera, enpresa horien ordezkariekin batera, bilera bat antolatu da Anaitasuna baserrian hainbat gai estrategikori heltzeko, hala nola, Txinako kapitalak Europako konpainiak erosteko egiten duen presioa, hornidura-kateei eragin dieten zailtasun logistikoak eta Europar Batasunaren eta Txinaren arteko merkataritza-tentsioak.
Txina merkaturik garrantzitsuenetakoa da oraindik euskal enpresentzat, Euskadiko 200dik gora konpainia bertan finkatuta daudelarik, eta horrenbestez, euskal konpainien presentziarik handiena duen hirugarren herrialdea da, Mexiko eta Estatu Batuen atzetik. Azken hamarkadetan sendotuz joan den ezarpen honi esker, euskal enpresek Txinako merkatuan zabaldu ahal izan dituzte beren produktu eta zerbitzuak. Hala ere, egungo ziurgabetasun geopolitiko gero eta handiagoaren eraginez, kezkak sortu dira euskal enpresen posizionamendu eta etorkizuneko egonkortasunari buruz.
Agendaren barruan, halaber, ordezkaritzak bilerak egin ditu Kunshaneko erakundeekin, alde biko harreman ekonomikoak indartu eta lankidetza-bide berriak esploratzeko.
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz.
Lotutako albisteak
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.