Euskadik talentua lantzen jarraitzen du 500 Global Training beka berrirekin
- Informazio gehiago Irekian: https://www.irekia.euskadi.eus/eu/news/81769
500 gaztek jaso dituzte atzerrian enpresa-praktikak egiteko Global Training bekak. Beka horiek Eusko Jaurlaritzak ematen ditu SPRI Taldeko Basque Trade and Investment-Nazioartekotzeko Euskal Agentziaren bitartez. Global Training bekak bereziki pentsatuta daude nazioarteko mugikortasuna sustatzeko, eta laguntza jaso ahal izateko ezinbesteko baldintza da unibertsitateko titulua edo goi-mailako LHko graduko prestakuntza izatea. Aurten 6,25 milioi euroko aurrekontua dago.
Ekitaldia Gipuzkoako Zientzia eta Teknologia Parkean egin da, eta bertan izan dira Arantxa Tapia Ekonomi Garapen, Jasangarritasun eta Ingurumen sailburua, Aitor Urzelai SPRI Taldeko zuzendari nagusia, Ainhoa Ondarzabal BT&I-ko zuzendaria eta hainbat erakunde kolaboratzailetako kideak: Merkataritza Ganberak, Confebask, Adegi, Politeknika Ikastegia Txorierri, Hetel, Ikaslan, AFM Klusterra, Donostiako Sustapena, Garapen, Deustuko Unibertsitatea, Mondragon Unibertsitatea, UPV-EHU eta Novia Salcedo Fundazioa.
Beka jaso duten gazteek praktika profesionalak egin ahal izango dituzte 5 kontinenteetako 55 herrialdetan kokatutako lehen mailako 330etik gora enpresa nahiz organismotan. Horietako batzuk dira Fraunhofer Institutua, Microsoft, Harvard Medical School edo NBE Emakumeak.
Euskadik hainbat ekintza programatzen ditu hazten jarraitzeko behar duen talentua sortzeko, eta beka programa hau dugu horietako bat. Enpresek pertsona prestatuak behar dituzte, eta esperientzia honek aukera ematen die Euskadiko gazteei euren jarduera profesionalerako gaitasun eta ezagutzak barneratzeko, eta kasu honetan, gainera, kultura anitzeko eta nazioarteko ingurune batean.
Hala, programa honek aukera ematen du atzerrian profesionalki trebatzeko, gazte bakoitzaren espezialitate akademikoaren araberako praktika ordainduak eginaz atzerriko enpresa edo erakundeetan.
Programaren helburua da atzerrian eskuratutako ezagutza eta gaitasun horiek Euskadira ekartzea. Eta bekadunek erabakitzen badute atzerriko egonaldiak luzatzea, handik lan egingo dute Euskadiko ekonomiaren interesen alde.
Aurrekontu-zuzkidura honetarako erabiliko da:
- Hilean 1.530 euro gordineko 500 plaza hornitzeko 6 hilabetez
- Erakunde kolaboratzaileei 1.000 euro emateko plaza bakoitzeko kudeaketa-gastuetarako
- Bekadun bakoitzari 40 orduko prestakuntza-gastuak ordaintzeko
- Bekadunen asegurua ordaintzeko: bidaia / zerbitzu medikoak
Gutxienez sei eta gehienez hamabi hilabeteko bekak dira, eta, erakunde kolaboratzaileek ahalbidetzen dituzten luzapenei esker, praktikak zortzi hilabetekoak izango dira batez beste.
Laguntzen hartzaileak izango dira goi-mailako prestakuntza (graduak, lizentziaturak nahiz Lanbide Heziketa) duten 30 urtetik beherako gazteak, B1 edo B2 ingeles maila dutenak.
Erakunde kolaboratzaileak
Global Training beka-programaren erakunde kolaboratzaileek esperientzia frogatua dute mota horretako prestakuntza- eta nazioarteko mugikortasun-programen kudeaketan.
Hauek dira aurtengo ediziokoak:
| Novia Salcedo Fundazioa | 80 beka |
| Ikaslan + AFM | 80 beka |
| Eusko Ganberak | 60 beka |
| EHU / UPV | 60 beka |
| Deustuko U + MU | 60 beka |
| Garapen + Donostiako Sustapena | 80 beka |
| HETEL + Confebask + Adegi | 80 beka |
Hauxe da kolaboratzaileen zeregina:
- Prestakuntzako praktika onenak bilatzea nazioarteko enpresa eta erakundeetan, gazteek esperientzia praktikoa har dezaten.
- Hautagaiei zuzendutako deialdia eta hautaketa-prozesua egitea Basque Trade & Investment-ekin lankidetzan.
- Lehen prestakuntza ematea gazteak nazioarteko “esperientziarako” prestatzeko.
- Bekadunen eta harrerako enpresen jarraipena egitea eta laguntza ematea bekak irauten duen bitartean.
- Bekadunen prestakuntzaren eta esperientzien emaitzak txertatzea amaierako txostena idaztean.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.