Euskadik bere talentu gaztea indartu du 500 Global Training beka berrirekin
500 gaztek jaso dituzte SPRI Taldeko Euskadiko Nazioartekotze Agentziak-Basque Trade and Investmenten bidez, Eusko jaurlaritzak atzerrian enpresa-praktikak egiteko eskaintzen dituen Global Training bekak. Zehatzago esanda, Global Training bekak nazioarteko mugikortasuna sustatzeko pentsatuta daude eta ezinbesteko baldintza da goi mailako LHko prestakuntza edo unibertsitate-titulazioa izatea. Aurtengorako aurrekontua 6,415 milioi eurokoa da.
Ekitaldia Gipuzkoako Zientzia eta Teknologia Parkean egin dute eta bertan izan dira Iñigo Urkullu Lehendakaria; Ekonomiaren Garapen, Jasangarritasun eta Ingurumeneko sailburua, Arantxa Tapia; SPRI Taldeko zuzendari nagusia, Aitor Urzelai; BT&Iko zuzendaria, Ainhoa Ondarzabal; eta erakunde kolaboratzaile hauetako ordezkariak: Merkataritzako ganberak, Confebask, Adegi, Politeknika Ikastegia Txorierri, Hetel, Ikaslan, AFM Cluster, Donostia Sustapena, Garapen, EHU, Novia Salcedo Fundazioa, HABIC eta Idarte.
Ziurtagiria jaso duten gazteek 5 kontinenteetako 60 herrialdetan dauden punta-puntako 344 enpresa eta erakunde baino gehiagotan egingo dituzten praktika profesionalak. Honako hauek dira enpresa horietako batzuk: Fraunhofer institutua, Microsoft, Harvard Medical School eta NBE Emakumeak, eta haiekin batera, Euskadiko sektore estrategikoetan erreferentziazkoak diren Euskadiko enpresak, atzerrian ezarrita daudenak.
Beken programa hau da Euskadik hazten jarraitu ahal izateko behar duen talentua sortzeko abian jarritako ekintzetako bat. Enpresek prestatuta dauden pertsonak behar dituzte eta esperientzia honek Euskadiko gazteei garapen profesionalerako beharrezko ezagutzak eta trebeziak eskuratzeko aukera eskaintzen die. Gainera, horrek guztiak ere badu balio erantsi bat: nazioarteko ingurune kulturaniztunean egin dezakete praktikaldia.
Programak atzerrian prestakuntza jasotzeko aukera eskaintzen du, enpresa edo erakundeetan gazte bakoitzaren espezialitate akademikoaren araberako ordaindutako praktikak eginez.
Programaren helburua da kanpoan eskuratzen dituzten ezagutza eta trebezia horiek gero Euskadira itzuli ahal izatea. Eta bekadunek atzerriko egonaldia luzatzea erabakiko balute, handik Euskadiko ekonomiaren interesak aurrera eramaten laguntzea ere helburu litzateke.
Aurrekontua honako hauetara bideratuko da:
- 6 hilabetez hilean 1.635 euro gordineko 500 plaza.
- Erakunde laguntzaile bakoitzarentzako kudeaketa-gastuak, plaza bakoitzeko 1.000 eurokoak.
- 40 orduko prestakuntza-gastuen kontu-saila bekadun bakoitzeko.
- Bekadunen asegurua estaltzeko kontu-saila: bidaia / prestazio medikoa.
Gutxienez 6 hilabeteko eta gehienez 12 hilabeteko iraupena duten bekak dira. Erakunde laguntzaileengandik jasotako eskaintzen arabera, erakunde horiek ahalbidetuko dituzten luzapenei esker, batez besteko iraupena 8 hilabete ingurukoa izango da.
Bekak goi mailako prestakuntza (graduak, lizentziaturak edo lanbide-heziketa) eta gehienez 30 urte dituzte eta ingelesa menderatzen duten (B1 eta B2 mailak) gazteei zuzenduta daude.
Erakunde laguntzaileak
Global Training bekek era honetako prestakuntzako eta nazioarteko mugikortasuneko programak kudeatzen eskarmentua duten erakundeen laguntza jasotzen dute.
Hauek izan dira aurtengo edizioan laguntzaile horiek:
| Novia Salcedo Fundazioa. | 80 beka. |
| Ikaslan + AFM. | 80 beka. |
| Euskal Ganberak. | 80 beka. |
| EHU. | 60 beka. |
| HABIC / Idarte. | 40 beka. |
| Garapen + Donostia Sustapena. | 80 beka. |
| HETEL + Confebask + Adegi | 80 beka. |
Era honetako laguntza eskaintzen dute:
- Nazioarteko erakunde eta enpresetan prestakuntza arloko praktika onenak egiteko bilaketa egiten dute, ikasleek esperientzia praktikoa eskura dezaten.
- Izangaiei zuzendutako deialdia eta hautaketa-prozesua bideratzea Basque Trade & Investment erakundearekin elkarlanean.
- Lehen trebakuntza egitea gazteak nazioarteko “esperientzia” horren inguruan prestatzeko.
- Bekak irauten duen aldi osoan, harrera-enpresei eta bekadunei jarraipena egitea eta laguntza ematea.
- Azken txostena idaztea, bekadunen prestakuntza eta haien esperientziak jasoz.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz