EBk atseginez ikusten du sarbidea izatea AEBek ibilgailu komertzialentzat onartutako dirulaguntza planera

AEBek 2022ko abenduaren 29an argitaratutako gidaliburu berriaren arabera, Europar Batasuneko enpresek aukera izango dute Ibilgailu Garbientzako Kreditu Komertzialaren Eskemaz baliatzeko, AEBetako Inflazioa Murrizteko Legeari esker.

Lege horren babesean, EBko enpresek aukera izango dute kreditu komertzialak lortzeko ibilgailu garbientzat, eta horretarako, ez dira aldatu beharko EBko ekoizleek lehendik ezarrita edo aurreikusita dituzten enpresa-ereduak.

AEBen zuzenketa horrek eragina du, momentuz, Estatu Batuetako operatzaile komertzialei saltzen zaizkien Europako ibilgailu elektrikoetan, baina ez bezero partikularrek zuzenean erosten dituzten ibilgailuetan.

Europako Batzordeak “tratu bat antzekoa eta ez diskriminatzailea” lortu nahi du ibilgailu garbiak ekoizten dituzten EBko ekoizleentzat Inflazioa Murrizteko Legeak ematen dituen kredituen esparruan. EBk nahi duena da AEBek tratu berdina ematea enpresa horiei eta merkataritza libreko akordioak dituzten herrialdeetako bazkideei.

Aurrekariak

Abuztuaren 16an argitaratu eta urtarrilaren 1ean indarrean sartu den Inflazioa Murrizteko AEBetako Legeak finantzazko pizgarri eskuzabalak ematen ditu trantsizio ekologikoa bultzatzeko. Ibilgailu garbien kasuan, bi pizgarri nagusi daude, biak ere kreditu fiskaleko programak, bata operatzaile komertzialentzat eta bestea kontsumitzaile partikularrentzat.

Kontsumitzaileentzako kreditu fiskalak hainbat xedapen ditu, euren artean tokiko eduki, produkzio edo muntaiari buruzko betekizunak, EBko auto fabrikatzaileak “diskriminatzen” dituztenak. Europarren kezka horiek aztertzeko, bi alderdiek lan-talde berezi bat eratu zuten iragan urriaren 25ean.

Informazio gehiago, hemen: U.S. Department of the Treasury

Lotutako albisteak

21 Marzo, 2024 Basque Trade & Investment

Basque Trade & Investment-ek enpresen arteko networkinga sustatuko du sektore eolikoan Wind Europe 2024 topaketan

Irakurri gehiago

21 Marzo, 2024 Basque Trade & Investment

Basque Trade & Investment-ek 100 beka atera ditu nazioartekotzearen arloko profilak prestatzeko

Irakurri gehiago

19 Marzo, 2024 Basque Trade & Investment

Euskadik energia berriztagarrien Australiako merkatura zabaldu du bere etorkizuna

Irakurri gehiago

14 Marzo, 2024 Basque Trade & Investment

Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan

Irakurri gehiago

13 Marzo, 2024 Basque Trade & Investment

Euskadi eta Herbehereak, Bilbon, hidrogeno berdearen erronkei aurre egiten

Irakurri gehiago

Joan blog-era