Danobaten soluzioak Turkiaraino iritsi dira
Enpresa gipuzkoarrak akordioa lortu du CMS hagun-fabrikatzaile turkiarrarekin
Danobat makina-erremintaren euskal fabrikatzaileak iragarri duenez, aluminiozko hagunen fabrikazioan espezializatuta dagoen CMS enpresak Turkiako Izmir hirian eraikiko duen lantegi berrian ekoizpen arloko soluzioak instalatzeko akordioa lortu berri du.
“Aliantza berri honi esker, Danobatek bezero-zorroa handitu du sektorearen Europako liderretako bat bereganatuz”, adierazi du euskal enpresak ohar baten bitartez, akordio honek “aluminiozko hagunen munduko fabrikatzaile nagusikein” lan egiteko aukera erraztuko diela nabarmendu duelarik.
Turkiako konpainiak 90 milioi eurotik gorako guztizko inbertsioa egingo du Izmirreko lantegi berrian. Instalazioak 38.000 metro koadrotik gorako azalera izango du eta, horren laguntzaz, konpainiak 2022an 12 milioi hagun ekoiztu ahal izango duela aurreikusi du.
Danobat – Bideo Korporatiboa
