CMZko teknikariak CNC tornuen analisirako eta kalitate-kontrolerako gela zurian

CMZ, 75 urtetik gora nazioarteko proiekzioa duten “made in Euskadi” CNC tornuak fabrikatzen

Euskadin kokatua (Zaldibar, Mallabia eta Elorrio), filialak ditu Europaren bihotzean, eta bezeroei saltzen dizkieten teknologia aurreratuko tornuek ziurtatuta dute 20 urtetik gorako bizi-zikloa.
-

1945etik hona, famili enpresaren funtsari eutsi dio, 500 langile baino gehiago enplegatzen ditu CNC tornuen fabrikazioan, eta bere fabrikazioaren % 80 esportatzen du. 

 

Bizkaia Sortaldeko Industrialdea, S.A.k laguntza eman dio CMZri Bizkaiko enpresa-guneetan zabaldu eta negozio-ildo berriak instalatzeko.  

 

Aitor eta Iñaki Zumarraga -familiako hirugarren belaunaldi erreleboa- dira CMZren erreferentzia. CMZ famili enpresa bat da, 75 urtetik gorako ibilbidearen ondoren, CNC tornuen fabrikazioko enpresa lider bilakatu dena Bizkaian. Gainera, bere zabalkunde-planen bidez, filial propioak sortu ditu Frantzia, Erresuma Batu, Alemania, Italia eta Danimarkan, eta aliantzak lortu ditu banatzaile ofizialekin Europako hainbat herrialdetan, Turkian eta AEBetan.

CMZk 32.000 metro koadroko sei fabrikazio-lantegi ditu Zaldibar, Elorrio eta Mallabian, eta galdarategi industrial bat Cadizen. Lantegi horietan fabrikatzen ditu makinen osagai garrantzitsuenak, eta hantxe egiten du baita ere makinen muntaia.

Bere hazkunde-faseetan, CMZk Bizkaia Sortaldeko Industrialdea, S.A. (Sprilur, Bizkaiko Foru Aldundia eta Mallabia eta Lea Artibaiko udalek partaidetua) sozietate publikoaren laguntza jaso du, zeinak bere babesa eman baitio negozio-ildo berriak abiatu eta ezartzeko Bizkaiko hainbat udalerritan kudeatzen dituen enpresa-guneetan.

500dik gora pertsona kualifikatu aritzen dira lanean egunero batez beste fabrikatzen diren 3 tornuetan, ondoren munduko edozein txokotara banatzeko.  Nazioarteko salmenten arduradun Javier Zumarragak esan digunez, “2022an 525 makina fabrikatu genituen, nagusiki Europako merkaturako. 2023an fabrikazioa handitu nahi dugu 600 makina egitera iristeraino”.

Enpresako lantaldea profil teknikodun pertsonaz osatuta dago; pertsona horiek bertako erreferentziazko Unibertsitateetatik eta lanbide heziketako zentroetatik iritsitakoak dira, eta lantegiaren instalazioetan bertan egiten dute euren espezializazio praktikoa.

Estuki kolaboratzen dugu Euskadiko unibertsitateekin, eta geure burua ezagutzera ematen dugu unibertsitateko ikasleek jakin dezaten nolako aukerak eskaintzen ditugun“, Zumarragaren esanetan,

Kontrol numerikoan oinarritutako tornuak zehaztasun-indize handiz fabrikatzen dira (mikrak), minutuko 6000 b/m-ko buru-abiadura har dezakete, eta fresatzeko gaitasun handia dute. “Gainerakoengandik bereizten gaituena da kalitate handiko produktu bat eskaintzen dugula, prestazio handiekin eta lehen mailako osagaiekin egina” dio Javier Zumarragak.

CMZren tornuak sektore oso desberdinetara bideratzen dira, nagusiki hauetara: automobilgintza, aeronautika, energia, medikuntza-osasungintza, defentsa, nekazaritza, makina-erreminta eta mekanizatua orokorrean.

Horrelako makinak erosten dituztenean, bezeroek gehienetan eskatzen dute aukera izatea pieza konplexuak mekanizatzeko, produkzio-bolumen handia edukitzeko eta egonkortasun- eta zehaztasun-maila altuak izateko. Hala, makina hauek 20 urte baino gehiagoko bizi-zikloa eskaintzen dute. CMZk laguntza teknikoko zerbitzu hurbil bat ere eskaintzen du, bezeroen premiak ase eta ahalik eta produktibitate handiena bermatzeko. Produkzioaren ia % 80 Europara esportatzen da, eta gainerakoa Estatuan zabaltzen da. 2022an 97 milioi euroko fakturazio bolumena lortu zen.

 

Funts familiarra nazioarteko ikuspegiarekin

CMZ 1945ean sortu zen, eta bere hastapenetan zurgintzarako makinak (lodieran arrabotatzeko makinak eta izurtzeko makinak) fabrikatzen zituen Zaldibarren, 65 metro koadroko behe batean. Handik pixka batera, sektore industrialerako lehen karrakatzeko makinak merkaturatu zituen.

1961etik aurrera hasi zen erakusle gisa parte hartzen Bilboko Makina-erremintaren Azokan, eta beste merkatu batzuetara zabaldu zen, esaterako Alemania eta Kolonbiara iritsiz. Sasoi horretan, 5.000 metro koadroko azalera batean kokatu zituen bere instalazioak Zaldibarren bertan, garai hartarako dezente handia zen gune batean, eta horixe da gaur egun CMZren bulego zentralen egoitza. Enpresak erronka berriei ekin zien, eta bere produkzio-gaitasuna handitzea lortu zuen, hilean  karrakatzeko 25 makina fabrikatuz. Unitate kopuru handia, kontuan izanik enpresak garai hartarako bazituela produktu berbera fabrikatzen zuten hamahiru bat lehiakide.

70eko hamarkadaren hasieran, karrakatzeko makinak atzean utzi eta lehen tornu konbentzionalak ekoizten hasi zen, eta diseinatutako hiru tornu modeloek eskaera osoaren % 80 hartzen zuten. Gero, teknologia berriak eta kontrol numerikoa txertatu zituen makina industrialen produkzioan; orduantxe profesionalizatu zen CMZ eta orduantxe hasi zen CNC tornuen linea berriak sartzen. Hala, teknologikoki aurreratuagoak ziren modeloak inplementatuz, bere produktu-gama modernizatzea lortu zuen.

Azken belaunaldi erreleboa 80ko hamarkadaren amaieran gertatu zen, eta sasoi horretan finkatu ziren enpresaren zabalkunderako helburuak. Negozio-plan berri bat eskuartean, instalazio berriak ireki zituen Elorrion, eta ziklo berri horretan Europako merkatu gehiagotara zabaldu zen, lehen filial propioa irekiz Frantzian.

2000 urtetik aurrera abiatutako nazioartekotze-planen bidez hainbat filial propio berri ireki zituen Erresuma Batuan, Alemanian, Italian eta Bizkaian bertan ere bai (Elorrio eta Mallabia).

2019an, CMZk Bizkaiko Enpresa Onenaren saria jaso zuen Confebask-en eskutik, eta Euskal Enpresari Onenaren saria ere bai, kasu honetan Empresa Vasca y Sociedad Fundazioaren eskutik. 2020an, Seuner Fabricados filialak (CMZ Taldea) Spin-off baten Ibilbide Onenaren OnBizkaia Saria jaso zuen.

Azken lau urteotan, CMZk dorre anitzeko bi tornu berri merkaturatu ditu, bereziki diseinatuak goi-mailako produkziorako eta dekoletaje lanetarako. Gainera, CMZ Logistics sortu da, negozioaren kudeaketa logistikorako sail berria.

CMZ enpresa taldeak bere nortasunaren ikurtzat ditu konstantzia, nekaezintasuna eta diziplina, eta horrela lortu du makina-erremintaren sektoreko erreferente bihurtzea Euskadin, Espainian eta nazioartean. Dagoeneko abiatu dituen zabalkunde- eta hazkunde-planak aurrera eramateko, CMZk enpresa arloko programak eta azpiegitura industrial publikoak baliatu ditu Bizkaia Sortaldeko Industrialdea, S.A.ren bitartez. Laguntza horri esker, gai izan da bere instalazioak handitzeko, operatiba eta fabrikazioko premietara egokitzeko eta negozio-ildo berriak irekitzeko.

Lotutako albisteak

Eusko  Jaurlaritzak  nazioartekotzea  bultzatu  du  9,5  milioi  euroko  laguntzen  bidez

Eusko Jaurlaritzak nazioartekotzea bultzatu du 9,5 milioi euroko laguntzen bidez

Enpresek Zabaldu, Sakondu eta Elkartu programetarako diru-laguntzak eska ditzakete.

Nazioartekotzerako  enpresa-lankidetzari  bultzada,  Elkarturekin
10/10/2025 Nazioartekotzea

Nazioartekotzerako enpresa-lankidetzari bultzada, Elkarturekin

Urriaren 9an Elkartu programaren deialdi berri bat irekiko da. Nazioartekotze-jardueretarako enpresen arteko lankidetza bultzatzea da programaren xedea. 1.000.000 euroko aurrekontua du programak, eta nazioartean duten posizionamendua hobetu nahi duten enpresa-lankidetzako elkarte eta taldeei zuzenduta dago.

Europako  Batzordeak  proposamen  bat  iragarri  du  beste  herrialde  batzuetatik  datorren  altzairuaren  muga-zergak  %50era  igotzeko  eta  haren  jatorriaren  trazabilitatea  indartzeko

Europako Batzordeak proposamen bat iragarri du beste herrialde batzuetatik datorren altzairuaren muga-zergak %50era igotzeko eta haren jatorriaren trazabilitatea indartzeko

Xedapen horiek Europako Parlamentuak eta Kontseiluak erregelamenduaren azken testua adostu ondoren aplikatuko dira, 2026ko ekainetik aurrera altzairuaren gaineko egungo babesa ordeztuko duena.

WOMEXen  Eskualde  Taldea  martxan  da  Euskadin,  nazioartekotzean  genero-berdintasuna  sustatzeko
09/10/2025 Berdintasuna

WOMEXen Eskualde Taldea martxan da Euskadin, nazioartekotzean genero-berdintasuna sustatzeko

Enpresa, erakunde, irakaskuntza eta elkarte arloko eragileak joan den astean bildu ziren Euskadiko Eskualde Taldearen lehen saioan, WOMEX - The role of women in the competitiveness of exporting SMEs proiektu europarraren esparruan.

Zure  enpresaren  nazioartekotze-kostuak  geldiaraz  ez  zaitzan…  Hona  hemen  Zabaldu  laguntzak!
09/10/2025 Nazioartekotzea

Zure enpresaren nazioartekotze-kostuak geldiaraz ez zaitzan… Hona hemen Zabaldu laguntzak!

SPRI Taldeak atzerrian mikroenpresen, ETE-en eta startupen presentzia bultzatzera zuzendutako Zabaldu 2025 laguntzen beste edizio bat deitu du. Aurten, programak 5 milioi euroko aurrekontua izango du nazioartekotze-prozesua berme osoz abiaraztearen kostua finantzatzen laguntzeko.

Sakonduk  kanpo-merkatu  berrietara  sartzeko  zure  enpresaren  nazioartekotzea  bultzatuko  du  75.000  euro  arteko  finantzaketa  emanda
09/10/2025 Nazioartekotzea

Sakonduk kanpo-merkatu berrietara sartzeko zure enpresaren nazioartekotzea bultzatuko du 75.000 euro arteko finantzaketa emanda

Programak 3.500.000 euroko aurrekontua du eta aurrekontuaren % 60 arteko finantzaketa emango du. Gehienez, enpresa bakoitzeko 75.000 euro. Laguntza nazioartekotze maila altua duten eta merkatu berrietarako hedapena hasi nahi duten mikroenpresei, ETE-ei eta startupei zuzenduta dago.

KSP  Basque  P5G  Master  Plan  programak  Euskadiren  eta  Hego  Korearen  arteko  lankidetza  sendotu  du  berrikuntzan  eta  digitalizazioan
02/10/2025 Nazioartekotzea

KSP Basque P5G Master Plan programak Euskadiren eta Hego Korearen arteko lankidetza sendotu du berrikuntzan eta digitalizazioan

Proiektuaren helburua 5G sare pribatuen hedapenari buruzko ezagutzak eta esperientziak partekatzea izan da, euskal industrian aplikatzeko aukerak eta erronkak identifikatuz.

Gipuzkoako  Ingeniaritza  Eskolako  ikasleek  Eskuzaitzetako  eraikuntza  lanak  ezagutu  dituzte  bertatik  bertara  Sprilurren  eskutik
01/10/2025 Lurzorua

Gipuzkoako Ingeniaritza Eskolako ikasleek Eskuzaitzetako eraikuntza lanak ezagutu dituzte bertatik bertara Sprilurren eskutik

Sprilurrek eta Euskal Herriko Unibertsitateak duten lankidetzaren barruan kokatzen da Ingeniaritza Zibileko laugarren mailako ikasleek egindako bisita

IKT  sektoreko  euskal  enpresek  euren  presentzia  indartu  dute  Kolonbian,  Bogotan  egindako  topaketa  batean
25/09/2025 Nazioartekotzea

IKT sektoreko euskal enpresek euren presentzia indartu dute Kolonbian, Bogotan egindako topaketa batean

Kolonbian dauden euskal enpresen eta tokiko eragile estrategikoen arteko harreman zuzena erraztu da

Industria  sailburua  EMO  Hannoverren  dauden  32  euskal  enpresen  alboan  izan  da

Industria sailburua EMO Hannoverren dauden 32 euskal enpresen alboan izan da

Azken hamarkadan, Eusko Jaurlaritzak makina-erremintaren sektoreari SPRIren bitartez lagundu dio: 91 milioi euroko dirulaguntzaren bidez 850 milioi eurotik gorako inbertsio pribatua egin da eta 2.000 enpresa baino gehiago babestu dira

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.