Cianco: Euskadin sortutako altzairu herdoilgaitza mundu osoko eraikinetan
Euskadin tradizio luzea duen sektorea da altzairuaren ekoizpena eta eraldaketa, eta Ciancok, Donostiatik, horrek horreka izaten jarrai dezan lan egiten du. Altzairu herdoilgaitzaz eta Krionaz (harri naturalaren antzekoa) neurrira egindako produktuen fabrikazioan espezializatua, Gipuzkoako enpresak 1959az geroztik ostalaritzarako, elikadurarako, eraikuntzarako eta dekoraziorako proiektuak egiten ditu, eta bere garapenak Europako, Amerikako eta Afrikako hainbat herrialdetako eraikuntzetara eramatea lortu du.
Bere proiekturik berrienen eta berezienen artean Montecarlon (Frantzia) egindakoa dago, Vista Palace hotel ospetsuarentzat egina. Hori 2014an Qatarko emirrak erosi zuen, eraisteko eta berreraikitzeko asmoz, luxu handiko bost izar bihurtzeko. Bertan, Gipuzkoako enpresak hotelean dagoen hiru Michelin izarreko jatetxeko sukalderako altzairu herdoilgaitzezko ekipamenduak egiteko aukera izan zuen. “Altzari neutroak dira. Armairu beroak, neurrira egindako hozkailuak, ‘self’ altzariak… Bertan lan egingo duten hirurogeita hamar pertsonek beren zereginak bete ahal izateko behar den guztia”, azaldu du Miguel García de Andoinek, Ciancoko gerenteak. Era berean, azpimarratu du “eskakizun teknikoak oso altuak zirela eta Frantziako, Italiako, Belgikako eta Portugalgo puntako enpresen lehiari aurre egin behar izan geniola”.
Frantzian ere, Les Baux-de-Provencen, enpresaren beste proiektu enblematikoenetako bat kokatzen da. Bertan, L’Oustau de Baumanière jatetxean parte hartzeko aukera izan zuen, zeinak, aurrekoak bezala, hiru Michelin izar jaso dituen. Ciancok altzairu herdoilgaitzezko altzariak fabrikatzeko eta muntatzeko lanak egin ditu bere sukaldeetarako, Frantziako beste bi enpresarekin batera, Arhies Cuisine eta Provence Froid.
Etxean ere hainbat proiektu garrantzitsu gauzatu ditu, hala nola barandak eta eskudelak fabrikatzea eta muntatzea duela gutxi berritu den Garbera Merkataritza Zentroan; metalezko egitura bat San Mames estadioko VIP arerako; hainbat elementu Barakaldoko 360 etxebizitzetarako; edo ia 7 tonako pisua duen leihatea Donostiako Iesu Parrokiarako, Rafael Moneo arkitekto nafarrak diseinatua.
Berrikuntza eta teknologia, bidelagun
Ciancoren helburua, duela 60 urte baino gehiago hasi zenetik, produktu sendoak, erresistenteak eta denboraren poderioz aldaezinak eraikitzea izan da, diseinuari, estetikari eta xehetasunen zaintzari uko egin gabe. Horretarako, berrikuntza, material berriak sartzea eta kalitatea izan dira taldearen funtsezko osagaiak. SPRI Taldearen Hazitek programaren barruko I+G proiektu batean ere parte hartu du, Cidetecekin batera.
Selekta izenpean, proiektu honen helburua altzairu herdoilgaitzezko altzariak egitea izan da, estetika bereizle eta kustomizatuekin, teknologia elektrokimiko selektiboak garatuz eta egokituz. Horrela, García de Andoinek azaldu duenez, “altzairua koloreztatzea eta materialaren beraren ezaugarri sanitarioak nabarmen hobetzea lortu da, zikinkeria uxatzea eta bere gaitasun higienikoa handitzea lortuz”.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz