Euskadiko ETEntzako Eusko Jaurlaritzaren 2024 laguntzen plana Ikusi katalogoa
Euskal enpresentzako laguntzak. ¡Sartu!
Onlineko jardunaldiak euskal enpresarentzat. Aurkitu zure ekitaldi birtuala.
Euskadiko ETEntzako Eusko Jaurlaritzaren 2024 laguntzen plana Ikusi katalogoa
Euskal enpresentzako laguntzak. ¡Sartu!
Onlineko jardunaldiak euskal enpresarentzat. Aurkitu zure ekitaldi birtuala.
Bianditz 1965ean jaio zen Irunen (Gipuzkoa), inguruko enpresa handiei tresnak emateko helburuarekin. Horrela, 25 urte baino gehiagoz era guztietako esku-tresnak fabrikatu zituen, 90eko hamarkadan planteamendu estrategiko berri batek enpresa espezializatzea eragin zuen arte, gaur egun dena bihurtzeko. Orain, enpresa irundarrak bi negozio-unitate ditu: bata torloju-puntak, estutze-tresnak eta inpaktu-tresnak fabrikatzera bideratua, eta, bigarrena, kautxua eta trokelak injektatzeko moldeak ekoiztera. Bi negozio-unitateen artean, Bianditzek Europako, Amerikako, Asiako eta Afrikako 22 herrialdetara esportatzen du.
“Merkatuan produktu estandar bat izateaz gain, tresna planopean fabrikatzeko ere gai gara, industrian sor daitezkeen behar bereziak betetzeko”, Imanol Ribera Bianditzen marketineko eta negozio-garapeneko arduradunaren esanetan. “Hori lan asko eginda eta SPRI Taldearen gisako erakunde publikoen laguntzarekin baino ez da posible, horren bidez enpresarentzat garrantzitsuak diren merkataritza-misioak egiteko aukera izan baitugu”, gaineratu du.
Burdindegiak eta industria-hornidurak dira Bianditzen banaketa-kanala eta, gaur egun, bere katalogoa digitalizatzeko prozesuan dago, “gure bezeroek produktuaren deskribapenak, irudiak, pisuak, neurriak… noiznahi eskura izan ditzaten”, dio Riberak.
Horretarako, PIM software bat gehitu dute. “Inplementazio horri esker, informazio guztia hainbat datu-basetan banatzetik, produktu guztien informazioa iturri bakar batean zentralizatzera igaro gara”, azaldu du marketineko arduradunak. “Horrela, datu-base honetara konektatzen diren salmenta-kanal guztiak sinkronizatuta eta une oro eguneratuta daude”, gehitu du.
24 pertsonako lantaldearekin, gaur egun bere ekoizpenaren % 40 inguru esportatzen du, eta datozen urteetan ildo horretatik jarraitu nahi du. “Joan den urrian Madrilgo Advance Manufacturing azokan izan gara, eta bertan balizko bezeroak ezagutzeko eta gure produktuen katalogoak interesa sortzen duela egiaztatzeko aukera izan dugu, eta hori oso aberasgarria eta pozgarria izan da guretzat”, amaitu du Riberak.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
21 Marzo, 2024
Basque Trade & Investment
21 Marzo, 2024
Basque Trade & Investment
19 Marzo, 2024
Basque Trade & Investment
14 Marzo, 2024
Basque Trade & Investment
13 Marzo, 2024
Basque Trade & Investment
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?
