BCSCk Europako zibersegurtasun espezialistak jaso ditu Bilbon ‘68th TF-CSIRT Meeting & 2023 FIRST Regional Symposium Europe’ ekitaldian
BCSC hainbat ekimen publiko zein pribaturen parte da zibersegurtasunaren esparruan, tokiko, estatuko eta nazioarteko mailan babes-ikuspegitik, bai euskal ekosistema indartsua ikusarazteko. Ekimen horien ondorioz, 40 nazionalitate baino gehiagoko eta Europa osoko 200 enpresa baino gehiagotako teknikariak, analistak, arduradunak eta zuzendaritza-rolak dituzten 350 profesional baino gehiago bildu ziren Bilboko Euskalduna jauregian, , 68th TF-CSIRT Meeting & 2023 FIRST Regional Symposium Europe ‘delakoaren hiru jardunaldietan. Oraingo honetan, BCSCak ekitaldiaren anfitrioi gisa jardun zuen. Horri esker, estrategiak eta jardunbide egokiak partekatu ahal izan ziren zibersegurtasuneko gertakarien aurrean prebentzio, detekzio eta erantzun eraginkorra emateko, eta, ondorioz, Euskadi eremu horretan espezializatutako taldeen (CSIRT edo CERT) munduko epizentroan kokatu zen.
Topaketa ateak itxita hasi zen, TF-CSIRT osatzen duten taldeentzat bakarrik. Bertan foroaren jarduerarekin lotutako alderdiak jorratu ziren, eta ondoren hitzaldi tekniko batzuk eman ziren. Horren ostean, Silvio Oertlik, TF-CSIRT-ren Zuzendaritza Batzordearen ordezkariak, ongietorria eman zuen eta horrekin, Albert Calvo eta Nil Ortiz-en, Matthieu Bontrond eta Thomas Fontvielle-n, Etienne Baudin eta Frédéric Le Bastard-en eta Mikolaj Dobski-ren hitzaldi teknikoak hasi ziren. Bertan, gaur-gaurko gaiak jorratu ziren, hala nola, arriskuak kudeatzeko arau-esparruak, mehatxuei buruzko informazioa trukatzeko estandarrak, ekimenen kasu arrakastatsuen azalpena, malware-analisian jardunbide egokiak, malware-analisiak, etab. Ondoren, Lightning Talksak egin ziren, eta horietan euskal ordezkaritza egon zen Donetz Errastiren eskutik, P3rseus-en P3-CERTeko kidea.
Egunari amaiera emateko, ekitaldi soziala ospatu genuen Bilboko Guggenheim Museoan. Aukera paregabea izan zen etorleak elkarren artean ezagutzeko, sinergiak sortzeko eta, azken batean, networking-a egiteko. Azpimarratzekoa da Josu Erkorekaren, Lehenengo Lehendakariordea eta Segurtasuneko sailburua, ongietorria eta Rodrigo Gartzia, Segurtasuneko sailburuordea, eta Olatz Arabiourrutiaren, Informatika eta Telekomunikazio zuzendaria, presentzia. Josu Erkorekaren hitzetan, “Eskertuta gaude Euskadi, eta bereziki Bilbo, hain garrantzitsua den ekitaldi honetarako anfitrioi izateko hautatzeagatik”. Era berean, Eusko Jaurlaritzak Euskadiko herritarren eta enpresen babes- eta erresilientzia-maila handitzen laguntzen duten honako ekimenei ematen dien laguntza nabarmendu zuen, bai eta euskal ekosistema indartsua ikusarazteko ere, bere ekintzailetza-kultura errotuarekin eta industria-ekosistema zabaletik eratorritako aukerekin.
Europako Eskualdeko FIRST Sinposioa, bigarren jardunaldia
Sherif Hashem Doktoreak, FIRST erakundeko Administrazio Kontseiluko lehendakaria, hasiera eman zion CSIRT taldeei zuzendu zen bigarren jardunaldiari. Jossef Harush Kadouri, Carlos Sanchez Santos, Feike Hacquebord, Christoffer Bech, Lasse Dessau, Nicklas Keijser, Eddy Willems, Righard Zwienenberg, Artsiom Holub, Daniel Lunghi, Jaromir Horejsi eta John Kristoff izan ziren hizlariak kasu honetan eta ransomwarea, hornikuntza-kateei egindako zibererasoen kudeaketa edota Ukrainaren eta Errusiaren arteko gatazkaren ondoriozko zibergerra izan ziren gai nagusietako batzuk. Bestalde, Eddy Willems-ek eta Righard Zwienenems-ek, beren ohiko aurkezpen kementsu eta animatuarekin, zibergertaeren adibide errealak aurkeztu zizkiguten. Gaizki ateratzen diren kasuak eta nola saihets zitezkeen aurkeztu ziguten ‘♬ You Ain’t Seen Nothing Yet ♫’ ikuskizunaren bitartez.
Hitzaldiez gain, CSIRT.es estatu-ekimenaren bilera egin zen, eta abian diren ekimenen egoeraren eguneratzea aurkeztu zen, batzorde koordinatzaileak, idazkaritza teknikoaren laguntzarekin, 2023an jorratuko dituen ekimenak planteatu ziren, eta arreta berezia jarri zen informazioa partekatzearekin zerikusia duten iniziatibetan. Gainera, azken bileraz geroztik foroan sartu diren ekipo berriak aurkeztu ziren, eta, azkenik, aurre egin behar izan dieten zibersegurtasun-gorabehera garrantzitsuen kasu berriak aztertu ziren. Horrez gain, horiek kudeatzeko eta erantzun eraginkorra emateko estrategiak eta praktika onak partekatu ziren.
Profesionalentzako tailerrak, hirugarren jardunaldia
Topaketaren hirugarren egunean profesionalentzako prestakuntza praktikoa egin zen. Egun horretan, gertakarien erantzunean adituak diren profesionalek talde txikitan parte hartzeko aukera izan zuten, role-play saioetan, simulazioetan eta tailerretan:
- CSIRT taldeetako zuzendarientzako ikastaroa. CSIRT eta SOCko egungo eta etorkizuneko zuzendariei eta bitarteko agintariei zuzenduta. CSIRTeko kudeatzaileen eguneroko arazo eta kezkei buruz gogoeta egin eta lan egiteko, CSIRTeko KPI barne; urteko txostenak idaztea; CSIRTen agintaldian eta estrategian argitasuna hobetzea; eta CSIRTko kudeatzaileen denbora planifikatu eta esleitzea, jorratuko dira, besteak beste.
Hizlaria: Vilius Benetis. - SIM3 prestakuntza. Esperientzia handiagoko CSIRT taldeetako kideek edo gerenteek ikasi SIM3 heldutasun-eredu osoak nola lagun diezaiekeen beren talde batzuen heldutasuna ebaluatzen ikasi zuten gerora taldeak heldutasuna, errendimendua eta kalitatea hobetzeko helburuak ezartzen dituen jarraipen-tresna gisa erabiltzeko.
Hizlaria: Klaus-Peter Kossakowski. - Malware analisia. Ikasturte honetan malwarearen hasierako azterketa eta tiradarako oinarrizko metodologia aztertu zen. Gainera, fitxategi maltzur ohikoenak aztertzeko behar diren tresnak eta ikuspegiak aurkeztu ziren, eta malwarearen analisi estatiko eta dinamikoaren tekniken erabilera egokiaz eztabaidatu ahal izan genuen.
Hizlariak: Marcin Fronczak, Miroslaw Maj eta Piotr Kepski. - DNS: Prebentzio, detekzioa, etena eta defentsa. Oinarrizko maila batetik abiatuta, erasotzaileek Domeinu Izenen Sistema eta domeinuen erregistro-zerbitzuak nola erabiltzen eta baliatzen dituzten ikasi ahal izan genuen, eraso mota desberdinak aktibatzeko.
Hizlariak: Carlos Álvarez del Pino eta David Rufenacht.
Tailer horien bidez, programa amaitutzat eman zen. Gure aldetik, eskerrak eman nahi genizkieke FIRST eta TF-CSIRT erakundeei ‘68th TF-CSIRT Meeting & 2023 FIRST Regional Symposium Europe’ ekitaldiko anfitrioi aukeratzeagatik eta Euskadira zibersegurtasunean maila altuena duen nazioarteko ezagutza hurbiltzeko aukera eskaintzeagatik. Aukera bikaina izan da ate berriak irekitzeko, sektoreko Europako beste enpresa eta profesional batzuekin konektatzeko, horiengatik guztietatik ikasteko eta elkarlanean jarraitzeko. Etorkizuneko beste topaketa askoren lehena izatea espero dugu.
Lotutako albisteak
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz