BasqueTradek Euskadiren eta Kolonbiaren arteko harreman komertzialak bultzatzen ditu
Euskal enpresentzako merkatu estrategiko gisa finkatu da Kolonbia, ekonomia gero eta handiagoa duelako, industria-sektore ugari dituelako eta garatzeko aukera ugari dituelako zenbait eremu garrantzitsutan, hala nola energian, azpiegituretan eta teknologian. Ekonomia zabaltzeko politikei esker eta eskualde-garapeneko proiektuei esker, herrialdeak ingurne egokia eskaintzen du atzerriko inbertsiorako eta nazioarteko lankidetzarako.
Testuinguru horretan, Basque Trade & Investment-ek (BasqueTrade), SPRI Taldeko euskal enpresak nazioarteratzeko agentziak, Bogotan duen bulegoaren bidez, azken hilaabeteetan areagotu egin ditu aldebiko harremanak sendotzeko eta Kolonbiako euskal enpresentzako negozio-aukerak aztertzeko ahaleginak.
Esparru horretan, apiriletik maiatzera bitartean, Maria Angeles Guerra Eusko Jaurlaritzak Kolonbian duen ordezkaritzako enpresa-arduraduna eta Rafael Kutz Eusko Jaurlaritzako ordezkariak herrialdea bisitatu zuten, harreman horiek sendotzeko eta euskal enpresei ate berriak irekitzeko asmoz.
- Manizalesko Alkatetzarekin bilera
- Hiri Ertainen Elkartearekin bilera
- Barranquillako Alkatetzarekin bilera
- Atlantikoko Departamentuko gobernadorearekin bilera
- Ingurumen Lizentzien Agintaritza Nazionalarekin bilera
Egonaldian zehar, ordezkaritzak hainbat ekitaldi estrategikotan parte hartu zuen, hala nola apirilaren 16an, ordezkaritzak Ingurumen Lizentzien Agintaritza Nazionalarekin (ANLA) lan-gosarian parte hartu zuenean. Topaketak aukera eman zien Kolonbiako energia- eta ingurumen-sektoreetako euskal enpresei ingurumen-lizentziak lortzeko araudi, baldintza eta prozedurei buruzko informazio zehatza lortzeko, herrialdean duten jarduna erraztuz.
Bi egun geroago, apirilaren 18an, ordezkaritzak Atlantikoko Gobernazioarekin izandako bilera instituzional batean parte hartu zuen. Bertan, Atlantikoko Departamentuaren eta Euskadiren arteko antzekotasunak eztabaidatu ziren, eta bi eskualdeei mesede egin diezaieketen praktika egokien eta ezagutzen transferentziak aztertu ziren.
Jardunaldia, apirilaren 17tik 19ra egin zen Energia Berriztagarrien LATAM Azokarekin batera jazo zen. Ordezkaritzak ekitaldia aprobetxatu zuen euskal enpresei beren harremanak bilatzen laguntzeko eta Kolonbiako erakundeetako arduradunen arteko harremana errazteko, etorkizunean lankidetzak egin ahal izateko.
Egun horietan, Barranquillako alkatearekin ere bilera instituzionala egin zen, eta etorkizunean izan zitezkeen lankidetzei buruz eztabaidatu eta eskualdeko garapen-planak aurkeztu ziren. Alkatetzak eraginkortasun energetikoari, turismoari eta negozioei buruzko ikuspegia azaldu zuen, eta Eusko Jaurlaritzaren ordezkaritzak Pilotu programa partekatu zuen, nazioarteko inbertsio publikoko proiektu pilotuetan parte hartu nahi duten euskal enpresei zuzendua.
Maiatzaren 8an, lan-gosaria egin zen Bogotan, Manizales hirian proiektu berriak aurkezteko, Caldas departamentuko hiriburuan, Kolonbiako mendebaldeko erdialdean. Kolonbian ezarritako teknologia-sektoreko, aholkularitza- eta ingeniaritza-sektoreko euskal enpresei zuzendutako topaketa horren helburua abian diren eta etorkizunerako aurreikusten diren proiektuak ezagutaraztea izan zen, lankidetza-aukerak zabalduz.
Estatu Batuetara egindako espedizioa maiatzaren 9an amaitu zen, Asociación Colombiana de Ciudades Intermedia – Asointermedia elkarteko taldearekin bilera egin ondoren, etorkizunean lehiakortasunean, produktibitatean, garraioan eta ingurumenean zenbait ekimen egiteko, industria-liderren parte-hartzearekin, bi eskualdeetan garapen jasangarria sustatzeko konpromisoarekin.
Egindako ekitaldiren bati buruz gehiago jakin nahi baduzu, jarri harremanetan Kolonbiako Basque Trade-ren bulegoarekin: https://basquetrade.spri.eus/bulegoak/kolonbia/
Lotutako albisteak
Euskadik eta Txinak merkataritza-harremanak indartu dituzte Yao Jing Enbaxadorearen bisitarekin
Jardunaldiak Txinako sektore estrategiko desberdinetako enpresen ordezkariak, Euskadiko kluster nagusiak eta Eusko Jaurlaritzako agintariak bildu ditu.
Euskadik osasun arloko berrikuntzan duen posizioa indartu du Alemaniako MedtecSUMMIT 2025 delakoan
Basque Trade & Investmenten ordezkaritza batek Basque Health Clusterraren ordezkariekin batera parte hartu zuen ekitaldian, Bavariako erakunde estrategikoekiko harremanak estutzeko eta lankidetzarako arloak jorratzeko, medikuntza arloko gailuei aplikatutako adimen artifiziala eta osasun digitala kasu
Euskal sektore aeroespazialak loturak estutu ditu Estatu Batuetako industriarekin
Euskadiko enpresa eta zentro teknologikoen ordezkaritza batek Estatu Batuak bisitatu ditu sektore aeroespazialaren egungo egoera ezagutu eta herrialdeko eragile estrategikoekin harreman berriak finkatzeko.
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen