Mie eskualdeko kargu politikoek bilera bat egin dute Nazioartekotzeko Euskal Agentziarekin
Japoniako Mie eskualdeko Parlamentuko ordezkaritza batek Nazioartekotzeko Euskal Agentzia bisitatu du, eta interesaturik azaldu da talentua bultzatzeko Euskadin garatzen diren programetan: Beint eta Global Training bekak.
Mie prefekturako bost kargu politikoz osatutako ordezkaritza bat Euskadin izan da urtarrilaren 23 eta 24an. Eusko Jaurlaritzako Ekonomi Garapen eta Azpiegitura sailburu Arantxa Tapiak eta MIE prefekturako gobernadoreak lankidetza-akordio bat sinatu zuten 2018ko urrian, eta akordio horren barruan kokatzen da bisita hau. Akordio hark jasotzen du zeintzuk diren sektore interesgarrienak (automozioa, aeronautika, manufaktura, 4.0 industria, robotika eta automatizazioa) fabrikazio aurreratuan eta, besteak beste, bio-teknologian kolaboratzeko.
Bisita honen helburua izan da bi administrazioen artean hasitako harremanak sendotzea. Japoniako ordezkaritzak aukera izan du, orobat, Gestamp enpresa bisitatzeko, eta balioan jarri du Eusko Jaurlaritzak nazioarteko talentuan egin duen inbertsioa.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?