Euskal enpresaren blog-a Zure enpresarentzat garrantzitsua den eguneroko informazioa

1 uztaila, 2019
Energia sektoreko multinazional italiar batek negozio-aukerak eskaini dizkie hamar euskal enpresari

Nazioartekotzeko Euskal Agentziak antolatu du Maire Tecnimont enpresako Erosketen zuzendari Giacomo Lovino-ren Euskadiko bisita
Javier Zarraonandia, sailburuordea, eskumaldean, bileran.

Nazioartekotzeko Euskal Agentziak antolatu du Maire Tecnimont enpresako Erosketen zuzendari Giacomo Lovino-ren Euskadiko bisita

Industria sailburuorde Javier Zarraonandia ere elkartu da goi-mailako zuzendaritza-kargu italiarrarekin

 

Oil&Gas sektorean espezializatutako Maire Tecnimont talde industrial italiarreko erosketen zuzendari Giacomo Lovino energia sektoreko hamar euskal enpresarekin bildu da astelehen honetan Bilbon, negozio-aukerak aurkezteko. Goi-mailako zuzendaritza-karguak bilera bat egin du orobat Industria sailburuorde Javier Zarraonandiarekin eta Nazioartekotzeko Euskal Agentziako zuzendari Ainhoa Ondarzabalekin. Ondoren, aldebiko topaketak egin ditu sektoreko euskal enpresekin.

 

Nazioartekotzeko Euskal Agentziak (SPRI Taldean integratua) eta Fluidex klusterrak kudeatu dute 45 herrialdetan presentzia duen 8.000 langileko multinazional italiar honen Euskadiko bisita, aukera emateko sektore honetan interesaturiko euskal industria-sareari negozioak egiteko eta proiektu globaletan parte hartzeko.

 

Euskal enpresekin izandako bileran, Agentziako zuzendari Ainhoa Ondarzabalek esan du Maire Tecnimont goi-mailako teknologia-enpresa bat dela, ingeniaritza sektoreko liderra eta hidrokarburoen (petrokimika, ongarriak eta petrolio eta gas birfindegiak) arloko konpainia nagusia. “Lanean ari da energia berriztagarriak eta kimika berdea bultzatzeko”.

 

Enpresa italiar horrek 3.647 milioiko fakturazioa izan zuen 2018an eta 6.600 milioi euro inguruko eskaera-zorroa du, beraz, negozio-aukera paregabea da talde honen hornitzaile bihur daitezkeen euskal enpresentzat. “Erosketak dira konpainia honen ernamuina” esan du Giacomo Lovino-k Marie Tecnimont enpresaren datuak euskal enpresei aurkeztean.

 

Maire Tecnimont enpresak 6.140 langile eta 1.300 patente inguru ditu, 117 milioi euroko irabazi garbiak izan zituen iaz eta teknologia eta ingeniaritza arloetan garatzen du bere negozioaren %96. Zuzendaritza-kargu italiarrak euskal enpresei esan die har dezatela alta hornitzaile bezala, “aukera asko daudelako”.

 

Multinazional horrek ia 3.000 milioi euroko proiektu esleipenak lortu zituen iaz eta hauexek dira bere negozio-unitateak: petrokimika, ongarriak, birfindegiak, argindarra eta berriztagarriak. Bereganaturik du dentsitate baxuko polietileno lantegien instalazioaren nazioarteko merkatuaren erdia eta eskuraturik du ongarrien sektoreko urea lantegietarako teknologia esleipenen %54a, hidrogeno arloko eta sulfuroa berreskuratzeko 250etik gora proiektu egin ditu eta orain Mexikoko parke eoliko handiena eraikitzen ari da, zeinak ia milioi erdi familiaren energia premiak aseko baititu.

 

Boletin Oportunidades Basque Trade Septiembre 2020
Merkatuak kanpoan eskaintzen dituen Aukerak. Sektoreak eta herrialdeak.

SPRI Taldearen enpresen nazioartekotzerako euskal agentziak, Basque Trade & Investment-ek,...Leer más

Additout crea un sistema basado en inteligencia artificial para la principal universidad de Dublín
Additout enpresak adimen artifizialean oinarritutako sistema bat sortu du Dublingo unibertsitate garrantzitsuenerako

Additout euskal enpresak UCD Dublingo unibertsitate nagusia osatzen duten pertsonei arreta emateko...Leer más

Uruguaik “Amurrio Ferrocarril” enpresari esleitu dio trenbideetako ekipo modernoen hornikuntza

  Konpainia arabarrak ehundik gora saihesbide fabrikatuko ditu Uruguaiko erdialdea eta...Leer más

ETEentzako laguntzak, nazioarteko inbertsio publikoko proiektu pilotuetan parte har dezaten

Pilotu programak kostuen % 51erainoko itzuli beharrik gabeko dirulaguntzak ematen...Leer más

Hogeita hamar bat euskal enpresak parte hartu dute SPRI Taldearen Kanpo Sarearekin eginiko 69 bileratan

  Topaketa horietan, aurten telematikoki egin direnak, ezagutzera ematen dira Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?