Basque Trade & Investment Nazioartekotzea

Albisteak 21 otsaila, 2024

Basque Trade & Investment-ek enpresen arteko networkinga sustatuko du sektore eolikoan Wind Europe 2024 topaketan

Aldez aurretik, SPRI Taldeko sozietateak energia eolikoaren Europako merkatu-aukeren aurreikuspenak eta sektoreko enpresa liderren garapen-planak aurkeztu dizkie euskal enpresei

SPRI Taldeari atxikitako Basque Trade & Investment (BT&I) euskal enpresak nazioartekotzeko sozietateak B2B bilerak egiteko aukera eskainiko die martxoaren 20tik 22ra bitartean BECen antolatuko den Wind Europe 2024 topaketako partaideei, networkinga sustatzeko asmoz. Ekitaldiak sektoreko 480 erakusketari baino gehiago eta 12.000 aditu inguru izango ditu partaide, eta aurtengo edizioaren helburua onshore eta offshore industriaren azken berrikuntzak, garapenak eta soluzioak ezagutzera ematea izango da.

Wind Europe 2024 inauguratu baino egun bat lehenago, BT&Ik Euskalduna Jauregian antolatuko duen jardunaldian, informazio zehatza eskainiko da offshore energia eolikoaren Europako merkatu-aukeren eta garapen-planen inguruan. Horrela, euskal konpainiek beharrezko ezagutza lortuko dute zerbitzuak Erresuma Batura, Poloniara, Herbehereetara eta Europako gainerako merkatu liderretara hedatzeko aukerak esploratzeko, mugaz gaindiko enpresa-aliantzak sustatuz.

Ekitaldiak Arantxa Tapia Ekonomiaren Garapen, Jasangarritasun eta Ingurumen Sailburua, nazioarteko ordezkaritzak eta Euskadiko zein nazioarteko erakundeak eta enpresak izango ditu partaide.

B2B bilerak

Hartara, Wind Europe kongresuaren barruan, nazioartekotzea sustatzeko SPRI Taldeko sozietateak B2B bilerak egiteko aukera eskainiko du, enpresa parte-hartzaileen arteko networkinga bultzatzeko. Basque Energy Cluster, SPRI Taldea kide dituen Enterprise Europe Network eta SPRI Taldea lankide dituela, BT&Ik saio hauek antolatuko ditu, parte-hartzaileek izena emanda daudenetako edozeinekin bilerak egin ahal ditzaten, BECen horretarako prestatuko diren aretoetan..

Wind Europe 2024 biltzarrari buruz

Wind Europe urteko biltzarra energia eolikoaren arloko giltzarrizko ekitalditzat finkatu eta sektoreak eskaintzen dituen azken joerak, erronkak eta aukerak aztertzeko gune bilakatu da. Kopenhageri lekukoa hartuz, aurten Bilbon bilduko dira martxoaren 20tik 22ra bitartean energia berriztagarriaren arloko profesional eta aditurik garrantzitsuenak.

Hiru egunetan, egungo gairik garrantzitsuenak jorratuko dira industria eolikoari eragingo dioten joerak eta erronkak esploratzeko, nazioarteko 250 hizlarik baino gehiagok zuzendutako hitzaldi eta mahai-inguruen bitartez. Parte-hartzaileek sektore eolikoaren balio-kate osoari dagozkion erakusketarien aukera zabalaz baliatzeko aukera izango dute, hasierako garapena eta plangintza, ekipoen fabrikazioa nahiz elektrizitate-sarearekiko integrazioa barne hartuz, industriari buruzko ikuspegi zehatza lortu ahal izateko.

Biltzarra energia eolikoaren sektorearen erakusleihoa izango da, eta gune partekatu horretan enpresa parte-hartzaileek ezaguerak trukatu eta negozio-aukerak landu ahal izango dituzte.

Lotutako albisteak

23/01/2026 Nazioartekotzea

Imanol Pradales: “Euskadi mundu ezegonkor batean egonkortasuna bilatzen duenarentzat babesleku gisa balio duen eredu ona da”

Lehendakariak, Davoseko Munduko Ekonomia Foroko bisita amaitzeko, euskal eredua defendatu du, Nazio Batuekin batera egindako ekitaldian. Imanol Pradales pozik agertu da Euskadik munduko lehen mailako foro politiko-ekonomiko entzutetsu honetan izan duen lehen parte-hartzean lortu duen mailarekin

22/01/2026 Nazioartekotzea

Euskadiren berezitasun fiskal eta finantzarioa azaldu die Lehendakariak politika eta enpresa munduko hainbat pertsona ospetsuri Davosen

Imanol Pradales Euskadiren errealitateari buruz aritu da Bill Gates, Jens Stoltenberg, Paschal Donohoe eta Justin Trudeaurekin, besteak beste. «Gauza asko ditugu erakusteko, eta asko ikasteko», nabarmendu du Lehendakariak Suitzan

21/01/2026 Basque Trade & Investment

Eusko Jaurlaritzak eta Merkataritzako Estatu Idazkaritzak egoera ekonomikoaren azterketa partekatu dute

Bi erakundeek Euskadiren profil industrialari erreparatuko dion ikuspegi bereizia bultzatzea adostu dute, arrisku komertzialei aurrea hartzeko eta nazioartean kokatzeko baliabideak bermatzeko

21/01/2026 Nazioartekotzea

Euskadi herrialde egonkor eta erakargarri gisa aurkeztuko du Lehendakariak munduko ekonomia- eta finantza-foro handienean

Munduko Foro Ekonomikoan Euskadin inbertitzeko eta bertako zorro-dibertsifikazioaren aukeren berri emango du Imanol Pradalesek. “Davosek aukera paregabea eskaintzen du maila goreneko harreman politiko, ekonomiko eta finantzarioak ezartzeko", nabarmendu du Lehendakariak.

12/01/2026 Nazioartekotzea

Imanol Pradales: “Euskadi eta Fukushima bat gatoz teknologia garbietan nazioarteko erreferente izateko anbizioarekin eta potentzialarekin”

Euskadik Fukushimarekin duen lankidetza estrategikoa berretsi du Elkar Ulertzeko Memoranduma berritzearen bidez. Akordioak lankidetza bultzatzen du funtsezko sektore batzuetan, hala nola energia berriztagarrian, gailu medikoetan eta gastronomian

16/12/2025 Nazioartekotzea

Euskal industriak Vietnamgo aukerak eta bere hazkunde nabarmena aztertu ditu webinar batean, nahiz eta ziurgabetasun globala izan

Basque Trade & Investment-ek antolatu du jardunaldia, eta Vietnamgo merkatuaren egonkortasuna egiaztatu ahal izan da; izan ere, 2025ean BPGa % 8 baino gehiago handituko dela aurreikusten da, Estatu Batuetako merkataritza- eta muga-zergen politikaren aldaketen ondoriozko ziurgabetasunaren aurrean

15/12/2025 Basque Trade & Investment

Nazioarteko prestakuntzarako Global Training programaren 445 bekaren bidez bere talentua indartu du Euskadik

Imanol Pradales: “Lanean jarraituko dugu, itzultzea erabakitzen duzuenean, zuen talentua hedatzeko eta zuen ametsak egia bihurtzeko aukera gehiago izan dezazuen”

10/12/2025 Basque Trade & Investment

78 gazte atzerrira abiatuko dira lanera urtarrilean Eusko Jaurlaritzaren BEINT nazioartekotze-bekei esker

Mikel Jauregi sailburua buru izan da diplomak banatzeko 38. edizio honetako ekitaldian. Bertan, EHUren, Deustuko Unibertsitatearen eta Mondragon Unibertsitatearen lana nabarmendu da, bai eta euskal gazteen artean nazioarteko talentua prestatzeak duen garrantzia ere

05/12/2025 Nazioartekotzea

Euskadik Europan duen presentzia indartu du Trade Promotion Europe-ren 2025eko Batzar Nagusian

Basque Trade & Investment euskal esperientzia partekatzeko topaketan izan da, ETE esportatzaileei laguntzeko eta esportazio intentsitate handiko industria sare aurreratu bat nazioartekotzeko

05/12/2025 Kluster politika

Euskadik Txilerekin duen aliantza komertziala indartu du arkitekturaren eta diseinuaren sektorean

Nazioarteko Arkitektura Topaketa, Cluster Habic-ek Txileko Euskadiko Ordezkaritzaren eta SPRI Taldeko Basque Trade & Investment-en laguntzarekin antolatua, 80 profesional baino gehiago bildu zituen eta 12 euskal enpresek ‘Hospitality’ eremuan beraien gaitasunak aurkezteko aukera izan zuten

Joan blogera

Bilaketa iragazi