B.lux, euskal diseinuzko argiztapena, 65 herrialdetan presente dagoena
1978an sortu zenetik, Gizaburuagan (Bizkaia) egoitza duen B.lux enpresak diseinu garaikideko argiak egiten eta banatzen ditu, produktu-katalogo zabal batekin. Gaur egun, 35 langile inguru ditu, eta nazioarteko 65 merkatutara iristen da. Hasieratik, enpresak beti izan du esportatzeko bokazioa, eta horrek agerian uzten du esportazioak gaur egun negozioaren % 80 direla.
Azken 20 urteetan, sektoreko enpresa askok ‘low cost’ herrialdeetan kokatzea erabaki dute. B.luxek, aldiz, bere produktuen kalitatearen eta fabrikazio propioaren aldeko apustua egin du, lantegia eta langileak mantenduz. “Gure balio bereizgarrietako bat fabrikaziotik abiatuta balioa sortzea da”, nabarmendu du Harriet Ibarretxek, B.luxeko general managerrak.
Kalitatezko fabrikazio propioaren aldeko apustu horri esker, B.luxen ospe handiko arkitektoekin lan egin ahal izan dute, hala nola; Dominique Perrault, Frank Gehry, zeinekin Marqués de Riscal upeltegiak argiztatzen edo Basileako (Suitza) Novartis eraikina argiztatzen lagundu duten, edo Patxi Mangado, Palmako Auditoriumean kolaboratuz.
Ospe handiko arkitekto horiek enpresan konfiatzen dute bere garapen gaitasunari esker. B.luxek ez ditu bere produktuak diseinatzen, industrializatu egiten ditu. Izan ere, diseinuak mundu osoko kanpoko sortzaileekin egiten dituzte. “Gure ibilbide osoan 50 pertsona baino gehiagok eman digute balioa. Diseinatzaile horiei esker lortu dugu arkitektoek zer eskatzen ziguten ulertzea, eta horrela, proiektuak aurrera eramatea”, adierazi du Harriet Ibarretxek.
B.luxek Frantzia edo Alemania bezalako herrialdeetan merkataritza sareak ditu, eta duela gutxi ‘show-room’ bat ireki du Manhattanen. AEBetako eta Kanadako merkatua oso garrantzitsua da enpresarentzat, izan ere katalogo espezifiko bat du merkatu horretarako.
Fakturazioaren zatirik handiena esportazioetatik datorrenez, COVID-19ren ondorioz, merkatua geldirik egon da. Egoera hori baliatu dute B.lux-en merkatuari buruzko hausnarketa egiteko. “Erabiltzaileen bizitzeko modua aldatzen ari da, bai bizilekuetan, bai hoteletan, bai bulegoetan. Ohitura aldaketa horretara bideratu dugu enpresa”, azpimarratu du general managerrak.
Etorkizunari begira, B.lux barne-digitalizazioko prozesu batean murgilduta dago, bai maila administratiboan, bai fabrikazioan. Bestalde, bere marka indartzea du helburu, dagoeneko presentzia duen lekuetan presentzia indartuz. “Gure asmoa New Yorken erabili dugun formula eramatea da, gure ‘show-room’ a bertako partner batekin elkarlanean irekiz. Formula hori Europako hiriburu gehiagotan ere ezarri nahi dugu”, azaldu du Harriet Ibarretxek. Bere aitak, Agustinek, zeregin garrantzitsua izan du Habic klusterrean, ekipamenduaren, zuraren eta altzarien euskal elkartea, 2017ra arte horren buru izan baitzen.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.