Arantxa Tapia: “Talentua erakarri behar dugu Euskadira, ekosistema produktibo eta emankorra dugulako”
Arantxa Tapia, Eusko Jaurlaritzako Ekonomi Garapen, Jasangarritasun eta Ingurumen sailburuak hauxe esan du gaur: “egia da arazo demografiko bat dugula, horregatik talentua erakarri behar dugu Euskadira, sekulako etorkizuna duen ekosistema produktibo bat daukagulako”. Horixe esan du sailburuak INTERGUNE 2022 euskal enpresen nazioartekotze foroan eman duen hitzaldian, non aipatu baitu talentua dela Eusko Jaurlaritzaren ardatz estrategikoa. INTERGUNE 2022 Foroak kanpo merkataritzako hainbat esferatako 600 profesional erakarri ditu.
Talentuari eta talentuak atzerriko merkatuetan arrakastatsu izateko duen garrantziari dagokionez, Arantxa Tapiak hauxe gaineratu du “Talent Spot” Talentuaren Foroaren irekiera-ekitaldian: “lehenbailehen behar ditugu gaitasun oso desberdinak dituzten pertsonak. Gaur eta hemen esan nahi dut lehiakortasunaren motorra koipeztatuko duten pertsonak behar ditugula, bizirik mantentzeko ekonomia eta balio erantsia sortzeko gaitasuna”.
Sailburuak adierazi du Euskadik teknikoki trebatutako pertsonak behar dituela, euskal eta europar industrien premietara egokitzeko gai direnak, “mundu global batean lehiatzen garelako eta zuok, gure bekei esker munduan barrena zabiltzaten gazteok, ongi ezagutzen dituzuelako mundu horren giltzarriak”. Zentzu horretan, Tapiak iragarri du datorren astean, Deusto Alumni ekimenaren mendeurrenean, misio komertzial bat egingo dutela Londresera hainbat enpresarekin batera, euskal industriaren eta zerbitzu aurreratuen atea irekitzeko atzerrian dauden profesionalei. Bestalde, gazteak animatu ditu Beint Alumni sarean aktiboki parte hartzera, “tresna paregabea delako gure enpresa-ehunaren premiei erantzuteko”.
Talentua erakarri eta atxikitzea
Intergune 2022 ekitaldiak “Talent Spot” ostatatuko du gaur arratsaldeko saioetako batean. “Talent Spot” Talentuaren Foroa da, Euskadiko erreferentziazko ekitaldia, eta bere helburua da pertsonek enpresen nazioartekotze-prozesuetan betetzen duten paperaren garrantziaz sentsibilizatzea.
Hala, foro horretan bilduko dira bai ikasleak, bai profesionalak eta baita ere erakunde eta enpresak, eta elkarrekin konektatuko dituzte prestakuntzako aukerak, enplegua nahiz nazioarteko erronkak, zeintzuetan talentua oinarrizko elementua baita. Gune honetan hizpide hartuko dira laguntza-tresna publikoak (besteak beste “Beint” eta “Global Training”), eta enpresen nazioartekotze arloan gaitzeko unibertsitate-tresnak, eta baita ere Euskadira itzultzeko erronkak eta laguntzak.
Talentua -batez ere atzerriratutako profesionalena- erakarri eta atxikitzea da INTERGUNEren aurtengo edizioko helburu nagusietako bat. BasqueTrade & Investment-SPRI Taldearen Nazioartekotzeko Euskal Agentziak eta Eusko Jaurlaritzako Ekonomi Garapen, Jasangarritasun eta Ingurumen Sailak antolatzen dute INTERGUNE ekitaldia.
Europako herrialde gehienek bezala, Euskadik ere bere talentua erakarri eta atxiki behar du. Horregatik, “Talent Spot” foroaren barruan abiaraziko du “Alumni Sarea”, iraganean “Beint” nazioartekotze beken onuradun izan diren profesionalen komunitate osoari zuzendua.
Asian hedatzeko aukerak
INTERGUNEko goizeko saioan hizpide hartu dira euskal enpresek Asian hedatzeko dituzten aukerak. Hitzaldietan lau jomuga-herrialde nagusi jorratu dira: Korea, Turkia, Japonia eta India.
Japonia lehentasunezko herrialdea da Euskadirentzat; oso herrialde erakargarria da euskal enpresentzat bere BPGaren bolumenagatik, bere eskaera sofistikatuagatik, egonkortasun ekonomikoagatik eta araudi arloan eskaintzen duen segurtasunagatik. Ekonomia bat, osagarria dena Euskadirentzat, eta erraztasun handiak ematen dituena atzerriko ezarpenak egiteko.
Hego Korea oso herrialde teknologikoa da, eta mundu mailako merkataritzan duen papera esponentzialki hazi da, munduko lehen 10 ekonomietako bat izatera iritsi baita. Anbizio handiko inbertsio-planak ditu energia edo osasun arloetan.
Turkia, berriz, Europako funtsen hartzaile handi bihurtu da. Aduana-batasuna duenez Europar Batasunarekin eta Batasunak “gehien laguntzen duen herrialdea” izaki, Ekialde Hurbileko potentzia garrantzitsuena da, eta atea zabaltzen dio Europari eskualde horretara eta Asia Erdigunera iristeko. Batez ere Errusiari ezarritako zigorren ostean, Turkiak posizio geopolitiko eta geoekonomiko esanguratsua lortu du, eta gaur egun lurralde erakargarrienetako bat da euskal enpresentzat.
Azkenik, India atzerriko zuzeneko inbertsioaren hartzaile garrantzitsuenetako bat bihurtu da (zazpigarrena) eta nazioarteko merkataritzaren gune ere bada, hots, zubi bat Ekialde Urrunaren eta Europaren artean. Gaur egungo ingurune geopolitikoan, zeinetan bi superpotentzia handienen (Txina eta AEBak) arteko tirabirak gero eta handiagoak diren, India herrialde erakargarria da euskal enpresentzat eta ziurgabetasun gutxiago ditu ezarpenak edo inbertsioak egiteko orduan.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.