Arantxa Tapia: “Euskadik bere merkatu-nitxoa sortu behar du Asian”
- Tapiak Asian zabaltzearen garrantzia nabarmendu du, azalduz aurten bulego komertzial bat ireki dela Japonian, eta hemendik gutxira beste bi irekiko direla, bata Korean eta bestea Turkian.
- -Fitch Solutions konpainiako ekonomia globaleko aditu Daniele Fraietta-k jakinarazi du ekonomia globalaren hazkundeak desazelerazio handia jasango duela 2023an, baina ez dela izango atzeraldirik
- -“Emakumea eta nazioartekotzea” mahai-inguruan argi geratu da behar-beharrezkoa dela emakumeei ikusgarritasun handiagoa ematea eta enpresen kontratazioetan genero-ikuspegia txertatzea
Eusko Jaurlaritzako Ekonomi Garapen, Jasangarritasun eta Ingurumen Sailburu Arantxa Tapiak esan duenez, “Euskadik bere merkatu-nitxoa sortu behar du Asian”. Zentzu horretan, aurten Japonian bulego komertzial bat ireki izanaren garrantzia nabarmendu du; hemendik gutxira beste bi irekiko dira, bata Korean eta bestea Turkian, munduan barrena 16 ordezkaritza izango dituen sare bat osatu arte. Tapiaren hitzetan, “nazioartekotzea trakzio-faktorea da ekonomia suspertu eta hazteko”, eta atzerrian ekoitzi beharra dago, baina “ezin dugu gure fabrikazioa gehiegi urrundu”. Ildo horretatik, pandemiak eta Ukrainiako gerrak irakatsi dizkiguten “lezio garrantzitsuak” aipatu ditu.
Horixe esan du sailburuak gaur eta bihar BECen 600 profesional bilduko dituen INTERGUNE 2022 ekitaldiaren, hots, euskal enpresen nazioartekotze foroaren inaugurazio-saioan.
Ekitaldi horrek bere baitan biltzen ditu industria eta zerbitzu arlo guztietako enpresak, klusterrak, finantza-erakundeak, instituzioak eta nazioarteko bokazioa duen talentu gaztea. Kanpo merkataritzako bostehun bat agentek ere parte hartuko dute Euskadin enpresen esportazio-jardueraren inguruan egiten den ekitaldi nagusi honetan. SPRI Taldeko Basque Trade & Investment – Nazioartekotzeko Euskal Agentziak antolatzen du INTERGUNE.
Arantxa Tapia sailburuaren hitzen ostean, Fitch Solutions konpainiako ekonomia globaleko aditu Daniele Fraietta-k 2023rako mundu mailako panorama makroekonomikoa aurkeztu du. Fraietta-k esan du munduko ekonomiaren hazkundea nabarmen eroriko dela 2023an, baina ez dela sartuko atzeraldian. Perspektiba onenak Asia-Pazifiko eskualdeak ditu, batik bat Txinak; aldiz, etorkizuna ilunagoa da AEBentzat eta Eurogunearentzat, eta baliteke zifra negatiboak erregistratzea euren BPGaren bilakaeran.
Segidan, “Emakumea eta Nazioartekotzea” mahai-ingurua egin da BECeko auditorioan, non aztergai izan baitituzte emakumearen lidergoa eta kanpo-merkataritzaren arloan duen papera. Smart Jidoka aholkularitzako, Basque Trade nazioartekotzeko euskal agentziako eta Sisteplant, Arteche nahiz Dikar enpresetako hainbat emakumezko zuzendaritza-karguk parte hartu dute mahai-inguruan.
Eztabaida horrek argi utzi du behar-beharrezkoa dela aldaketak egitea hezkuntzan, administrazio publikoan zein enpresetan. Hezkuntzari dagokionez, aniztasunean hezi behar da, emakumeen ahalduntzea bultzatuz eta emakume profesionalen eredu inspiratzaileak aurkeztuz. Administrazioak, berriz, ikusgarritasun handiagoa eman behar die emakume profesionalei, eta aintzat hartu behar du genero-ikuspegia laguntzak ematean. Azkenik, enpresei dagokienez, martxan jarri behar dute kultura berri bat, aniztasuna bultzatuko duena, ikusgarritasuna emango diena emakumeei eta genero-ikuspegia barneratuko duena langileak kontratatzean eta enpresako barne sustapenean.
Epe laburreko perspektibak euskal ekonomiarentzat funtsezkoak diren sektoreetan
Egunean zehar, INTERGUNEn presente egongo dira euskal ekonomiarentzat funtsezkoak diren hainbat sektoretako -hala nola automobilgintza, energia, ingurumena edo osasuna- adituak. Foro honek mundu osoko enpresa-liderrak, nazioarteko merkataritzako espezialistak eta arduradun politiko nahiz akademikoak biltzen ditu, munduko ekonomiaren egoeraz eta epe laburreko perspektibez eztabaidatzeko.
80tik gora herrialdetarako zuzeneko sarbidea euskal enpresentzat
Euskal konpainien erronkak aztertuko dira nazioartekotze arloko adituekin eta baita ere Kanpo Sareko kideekin eginiko bilera pertsonalen bidez, tresna eta konponbide indibidualizatuak eskaintzeko eta euskal enpresei zuzeneko sarbidea errazteko 80 herrialde baino gehiagotara.
Euskal enpresentzako aukerak Asian
Arreta berezia eskainiko zaie Asian hedatzeko aukerei, eta batik bat fokua jarriko da Korea, Turkia, Japonia eta Indiako merkatuetan. Ekitaldian izango dira herrialde horietan adituak diren hizlariak, azaldu dezaten zein den gaur egungo egoera, nolakoak diren 2023rako espektatibak eta, batez ere, zein aukera eskaintzen dituzten merkatu horiek euskal enpresentzat.
Talentua Euskadira erakarri eta bertan atxikitzea
Era berean, Intergune ekitaldiaren bigarren jardunaldian (bihar osteguna, hilak 27), “Talent Spot” talentuaren foroa egingo da, Euskadiko erreferentziazko ekitaldia, eta bere helburua da pertsonek enpresen nazioartekotze-prozesuetan betetzen duten paperaren garrantziaz sentsibilizatzea.
Hala, foro horretan bilduko dira bai ikasleak, bai profesionalak eta baita ere erakunde eta enpresak, eta elkarrekin konektatuko dituzte prestakuntzako aukerak, enplegua nahiz nazioarteko erronkak, zeintzuetan talentua oinarrizko elementua baita. Gune honetan hizpide hartuko dira laguntza-tresna publikoak (besteak beste “Beint” eta “Global Training”), eta enpresen nazioartekotze arloan gaitzeko unibertsitate-tresnak, eta baita ere Euskadira itzultzeko erronkak eta laguntzak. Helburua: talentua erakarri eta atxikitzea.
INTERGUNE 2022
Ikusi egitarau osoa hemen:
URRIAK 26 ETA 27ko EGITARAUA / BEC / BILBAO EXHIBITION CENTER
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.