Albisteak 2 Marzo, 2023

Antec, liderra airesorgailuentzako balazten mundu mailako merkatuan

Portugaleteko ETEak Marcelo Gangoiti saria jaso berri du berrikuntzaren alde egin duen apustuagatik
-

Euskadiko airesorgailuen sektorean erreferentziazkoa den ETEetako bat Portugaleten (Bizkaia) kokatuta dago 1961etik. Antec famili enpresaz ari gara, zeina haize-errotentzako balazten diseinu eta fabrikazioan espezializatuta baitago. Jarduera horrek mundu mailako lider izatera eraman du, eta berriki Marcelo Gangoiti saria jaso du sariketaren 26. edizioan, berrikuntzaren alde egin duen apustuagatik. Konpainia hau 2006an hasi zen atzerriko merkatuetan ezarpenak egiten, eta orain 50 herrialde baino gehiago (besteak beste Frantzia, Alemania eta Estatu Batuak) barne hartzen dituen sare komertzial bat dauka. Antec-en ekoitzitako milioi erdi bat balazta baino gehiago daude martxan mundu osoko turbina eolikoetan, dio Javier Zarauz enpresako zuzendari komertzialak.

 

Testuingurua jartze aldera: zertarako balio du balazta batek airesorgailu batean?

Lehenik eta behin, kontuan izan behar da airesorgailu baten barruan errotaziozko hainbat sistema daudela, eta errotazioa dagoenean, normalean, balaztatze-sistemak ere beharrezkoak izaten direla mugimendu hori geldiarazteko. Antec espezialista da bi motatako sistemetan: hegalak edo errotorea balaztatzeko sisteman eta gondola edo yaw delakoaren biraketa-mugimendua balaztatzeko sisteman. Errotoreari dagokionez, badaukagu balaztatze-sistema aerodinamiko bat, zeinaren bidez hegalek euren ardatzean biratzen baitute pixkanaka abiadura galdu dezaten. Ondoren, ia geldirik daudenean, balazta bat edo gehiago akzionatzen dira, normalean hidraulikoak direnak. Hala, hegalak guztiz geratzen dira eta geldirik jarraitzen dute, esaterako, mantenimenduko operazioak egin bitartean. Azken balazta mota hori diseinatzen eta fabrikatzen dugu guk, hau da, balazta hidraulikoa.

Beraz, esan liteke pieza kritikoa dela airesorgailu baten funtzionamendurako…

Hala da. Kontuan izan behar da airesorgailuak bi norabideetan biratu behar duela egunero, beti haizearen araberako orientazioa izateko. Bada, orientazio hori abiadura konstante eta kontrolatuan egin behar da, eta hori lortzeko hainbat balazta kokatzen dira dorrearen diametro osoan. Horiei esker, airesorgailua egonkor mantentzen da haizearen norabiderantz orientatzen denean. Balazta horiek bereziki kritikoak dira, beti daudelako martxan, dela presio baxuan haizearen norabiderantz orientatzeko edo dela presio altuan dorreari eusteko, hau da, beti daude funtzionamenduan eta, hortaz, eskakizun handiak bete behar dituzte etengabe funtzionatu ahal izateko. Mota horretako balaztak hidraulikoak edo mekanikoak izan litezke, edo bi metodoak konbinatuz eginikoak.

Onshore edo offshore sorgailuentzat egiten dituzue sistema horiek?

Gure sistemek berdin funtzionatzen dute onshore nahiz offshore airesorgailuetan. Gaur egun, onshore merkatua da garrantzitsuena, hartara bideratzen baitira munduan egiten diren airesorgailu gehienak, baina argi dago offshore merkatuak hazteko joera duela, eta hor airesorgailuak indartsuagoak direnez, balazta kopuru handiagoa behar da.

Zenbat haize-errota behar dira, adibidez, 100 MW inguruko parke bat sortzeko?

Airesorgailu baten potentzia zenbat eta handiagoa izan (offshore sorgailuek 15 MW inguru dituzte jadanik), orduan eta unitate gutxiago instalatu behar dira parkeak guztizko potentzia jakin bat izan dezan. Hau da, duela urte batzuk 100 MW inguruko offshore instalazio batean 5 MW-ko 20 bat airesorgailu behar ziren; gaur egun, ordea, baldintza logistiko eta klimatiko egokiak badaude, nahikoa litzateke 15 MW-ko zazpi airesorgailurekin.

Zerk bereizten zaituzte besteengandik?

Antec-en balio bereizgarri nagusiak dira produktuaren fidagarritasuna eta salmenta ondorengo zerbitzua. Lehen esan bezala, balazta-sistema gehienak hidraulikoak dira eta, balaztatu behar dutenean balaztatzeaz gain, garrantzitsuena da ihesak saihestea. Zeren, demagun, ihes bat dagoela itsasertzetik 15 kilometrora dagoen offshore parke batean, soilik itsasontziz edo helikopteroz iritsi daitekeen toki batean, eta gainera aldian-aldian gertatzen dela, baldintza klimatikoen arabera. Horrek sekulako produktibitate-galera eragingo luke, eta konponketa gastu handiak ere bai. Beraz, balaztak diseinatu, baliozkotu, fabrikatu eta probatzeko prozesu guztia biziki garrantzitsua da, horrela bermatuko baita funtzionamendua egokia dela eta ez dela gertatuko aipatu duguna bezalako egoerarik.

Baduzue elementu bereizgarri gehiago?

Beste balio bereizgarri garrantzitsu bat da industria eolikoko hornitzaile globala garela. Arreta eman diezaiekegu Europan, Asian zein Amerikan dauzkagun bezeroei Bizkaia, Txina eta Brasileko lantegien bitartez.

Zuena multinazional bihurtutako famili enpresa bat da, oraindik ere erroak Portugaleten dituena. Zergatik?

Hirugarren belaunaldiak gidatutako famili enpresa bat gara, beti apustu egin duena dibertsifikazioaren eta nazioartekotzearen alde, baina, aldi berean, beti eutsi diona Antec Taldearen (Ingeniaritza, Merkataritza eta Finantza arloak barne) erabaki zentroa Portugaleteko instalazioetan mantentzeko hautuari. Gainera, bertan daukagu gure hiru produkzio-lantegietako bat; horrek laguntzen digu gure erroak bertan atxikitzen, gure ingurunearen garapen sozio-ekonomikoa sustatzen, enplegua sortzen eta berrikuntzaren eta ingurumena zaintzearen aldeko apustua egiten.

Zeintzuk dira konpainiaren epe laburreko helburuak?

Gure helburua da balio erantsi handiko produktu fidagarri baten aldeko apustua egiten jarraitzea, argi eta garbi offshore merkatu eolikora zuzenduta. Esan dezagun gaur egun onshore merkatua gehiago zentratzen dela prezioan, eta offshore merkatua, berriz, fidagarritasunean, sentsorizazioan eta besteak beste monitorizazioan. Hau da, merkatu horrek ez bakarrik ematen dizu aukera produktua berritzeko eta hobetzeko, baizik eta exijitu egiten dizu.

Nolako intzidentzia izango du parkeen mantenimenduko arloak zuen Plan Estrategikoan?

Parkeen mantenimendua gure negozioaren parte bat da, eta hazten jarraitu nahi dugu arlo horretan. Urtetik urtera gero eta potentzia instalatu gehiago dago, eta beraz, airesorgailu gehiagoren mantenimendua egin behar da: balaztak aldatu, pastillak aldatu, konpondu, etab. Proiekzio handiko negozio garrantzitsua da guretzat epe ertain eta luzean, bai Estatuan eta bai nazioartean.

Zuen jarduera (balaztak) airesorgailuen merkatura mugatzen da?

Antec-en bestelako balaztak ere ekoizten ditugu: industriarako, tona askotako zamak mugitzen dituzten garabietarako edo zinta garraiatzaileetarako. Hortaz, arlo horretan gure helburua da nazioarteko merkatuetan hazten jarraitzea, hala nola Alemanian, Estatu Batuetan edo Txinan. Eta aplikazio elektromagnetikoak garatzen dituen Antec Magnets dibisioari dagokionez, apustu bat egin dugu eta bestelako produktuak garatzen hasi gara Europako eta Euskadiko (Hazitek programaren barruan) funtsak baliatuz: energia elektrikoa biltegiratzeko sistemak, adibidez SMES (Superconducting Magnetic Energy Storage) biltegiratzaile super-eroaleak, itsasorako aplikazioak dituzten inertzia-bolanteak, eta baita ere abiaziorako motor elektriko super-eroaleak.

 

 

Lotutako albisteak

Brasilen  ezarritako  euskal  enpresek  EB-Mercosur  akordioa  eta  erga-erreforma  aztertu  dituzte
09/09/2025 Nazioartekotzea

Brasilen ezarritako euskal enpresek EB-Mercosur akordioa eta erga-erreforma aztertu dituzte

Bilera BasqueTradek São Paulon duen bulegoak antolatu du, eta agentziak euskal enpresei Brasil bezalako merkatu estrategikoetan ematen dien laguntzaren barruan kokatzen da

Euskal  zentro  teknologikoek  Euskadiko  garapen  industrialean  duten  garrantzia  azpimarratu  du  Jauregik
05/09/2025 I+G+B

Euskal zentro teknologikoek Euskadiko garapen industrialean duten garrantzia azpimarratu du Jauregik

Industria, Trantsizio Energetiko eta Jasangarritasuneko sailburuak bereziki azpimarratu du TECNALIAk herrialdearen garapen teknologiko eta industrialarekin duen konpromisoa, Jesús Valero zuzendari nagusiarekin Gipuzkoako Parke Teknologikoan duen egoitzan egin duen bileran

Koreako  Jeollanam-do  probintziak  Euskadi  bisitatu  du  itsas  energia  eolikoan  eta  trantsizio  energetikoan  aukerak  aztertzeko
05/09/2025 Nazioartekotzea

Koreako Jeollanam-do probintziak Euskadi bisitatu du itsas energia eolikoan eta trantsizio energetikoan aukerak aztertzeko

Euskadin programatutako agendarekin amaitzeko, delegazioak Saiteceko instalazioak bisitatu ditu, Euskal Autonomia Erkidegoan sarera konektatutako lehen aerosorgailu flotatzailearen proiektua bertatik bertara ezagutzeko asmoz.

Mikel  Jauregi  Industriako  sailburuak  Satlantis  enpresa  bisitatu  du;  satelite  espazialetan  espezializatutako  enpresa  da
04/09/2025 I+G+B

Mikel Jauregi Industriako sailburuak Satlantis enpresa bisitatu du; satelite espazialetan espezializatutako enpresa da

Satlantisek Leioako campusean du egoitza. Liderra da Lurra behatzeko teknologia miniaturizatuetan, eta handitze-fasean dago; fabrika berri baten proiektua du

Trumpen  muga-zergen  zati  bat  legez  kanpokotzat  jo  du  AEBko  apelazio  auzitegi  batek
03/09/2025 Nazioartekotzea

Trumpen muga-zergen zati bat legez kanpokotzat jo du AEBko apelazio auzitegi batek

Europako Batzordeak ez du epaiaren inguruko iritzirik eman, baina Washingtoni eskatu dio akordioan hitzartutakoa betetzeko eta autoen muga-zergak % 27,5etik % 15era murrizteko.

Wolco,  nazioartekotzearen  aldeko  apustua  egin  duen  ebaketa-erreminta  pertsonalizatuen  fabrikatzailea
28/08/2025 Nazioartekotzea

Wolco, nazioartekotzearen aldeko apustua egin duen ebaketa-erreminta pertsonalizatuen fabrikatzailea

Lemoako enpresak SPRI Taldearen Industria Digitala programaren dirulaguntza jaso du, eta bere negozioaren % 25 esportatzen du dagoeneko

Taldekik  biosentsoreak  garatu  ditu  gaixotasunen  diagnostiko  aurreraturako

Taldekik biosentsoreak garatu ditu gaixotasunen diagnostiko aurreraturako

BereMELISA plataformak hamaika aukera eskaintzen ditu azterketa biomolekularrean

IDEKOk  fabrikazio  aurreratuaren  erronkei  aurre  egin  die  Stockholmen
26/08/2025 Berrikuntza

IDEKOk fabrikazio aurreratuaren erronkei aurre egin die Stockholmen

Euskal zentro teknologikoak nazioarteko posizioa sendotu du mekanizazio robotikoari eta prozesu industrialetako bibrazioen kontrolari buruzko ikerketekin.

Tecnaliak  nazioarteko  merkatuetarako  suteen  eskala  handiko  saiakuntzak  egiteko  gaitasuna  handitu  du
23/07/2025 I+G+B

Tecnaliak nazioarteko merkatuetarako suteen eskala handiko saiakuntzak egiteko gaitasuna handitu du

Ikerketa eta garapen teknologikoko zentroak akreditazioa lortu du suteen eskala handiko saiakuntzak egiteko Kanadako araudiaren arabera. Lehenago Estatu Batuetako edo Erresuma Batuko araudietarako lortutakoei gehitu zaie, eta gaitasun hori duen Europako laborategi bakarra da

Europar  Batasunak  zigor  ekonomiko  eta  energetiko  berriak  onartu  ditu  Errusiaren  aurka
21/07/2025 Nazioartekotzea

Europar Batasunak zigor ekonomiko eta energetiko berriak onartu ditu Errusiaren aurka

Hamazazpigarren neurri-sorta honek Ukrainako gatazkari lotutako ontzi eta erakundeei eragingo die, eta pixkanaka-pixkanaka Errusiako erregai fosilekiko mendekotasuna ezabatzea aurreikusi du

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.