60 herrialde baino gehiagoko laborategiek IDM Testen teknologia erabiltzen dute
2005. urteak IDM Testen abiatzea markatu zuen, laborategiko ekipoen garapenean espezializatutako profesionalek beren bideak batu, eta saiakuntzako eta kalitate-kontroleko ekipo aurreratuak diseinatu eta fabrikatzen hasi zirenean. Ia 20 urte geroago,
Ia 20 urte geroago, enpresak Kolonbian (Cali) eta Mexikon (Veracruz) ditu egoitzak, Donostian duen egoitza nagusiaz gain, eta Afrikan, Amerikan, Asian eta Europan zehar banatutako ordezkaritza-sare zabala du, mundu osoko 60 herrialde baino gehiagotara heltzea ahalbidetzen diona. Horrez gain, liderra da tisu sektorerako laborategien salmentan (erabilera sanitario eta higienikora zuzendutako papera); eta I+G+b arloan inbertitzen du sektorearen behar eta aukera berriei teknologia propioarekin heltzeko.
“Gure ibilbideak marka-irudi bat sortzen lagundu digu urtez urte, produktuaren fidagarritasuna ezaugarri duen ibilbidea. Hori, aldi berean, ekipoen diseinuaren eta muntaketaren kalitatearen ondorio da”, dio Rafael Irigoyen IDM Testeko zuzendari nagusiak. Horretan, berrikuntzak funtsezko zeregina du, hala azaldu du: “Berrikuntza, zalantzarik gabe, funtsezkoa da gure enpresarentzat eta gure bezeroari balio handiena ematen dion alderdia da. Merkatuarekin harreman zuzena izateak beharrak eta aukerak arintasunez identifikatzea, horietara egokitzea eta aprobetxatzea eragiten digu. Aukera horiek, ia kasu guztietan, ahalegin berritzailea eskatzen dute, kualifikazio tekniko handiko eta sektorean urte askotako esperientzia duen talde batek gidatuta”.
Horrela, konpainiak bezeroak bere ekoizpena optimizatzeko behar izan ditzakeen parametroak neurtzeko gai diren ekipoak garatu ditu, hala nola porositatea, lisotasuna, gramajeak, erresistentzia… “Gure produktuen katalogoa zabala da, 120 erreferentzia baino gehiagorekin, eta etengabe eguneratzen da; izan ere, gure helburua laborategi osoak hornitzea eta muntatzea da, ekoizpena beti optimoa eta eraginkorra izan dadin, funtsean, lehengaien kontsumoari dagokionez, gero eta garestiagoa baita”, azaldu du Irigoyenek. Esate baterako, komuneko papera behar bezala desintegratzen dela frogatzeko ekipo baten diseinua hobetu eta eguneratu du duela gutxi, komunen agitazioa simulatuz. Hobekuntza horrek “azkartasuna eta erabiltzeko erraztasuna ematen du, eta % 100era egokitzen da saiakuntzaren araura”, esan du zuzendari nagusiak.
Baina IDM Testek paperaren sektorerako ekipoak fabrikatzeaz gain, kartoiaren, plastikoaren, metalaren, suaren edo zuraren eta altzariaren industrietara ere iristen da, besteak beste. Horietan guztietan, “parametro desberdinen neurketak funtsezkoak dira, batetik, eskatutako kalitate-arauak betetzeko, eta, bestetik, ekoizpen optimorako”. Beraz, bere ekipoak paper-fabrika multinazional handietan aurki daitezke, hala nola Smurfit Kappa, Saica, Ds Smith edo Papelera Nacional; baita beste bezero mota batzuetan ere, hala nola Diruaren eta Tinbrearen Fabrika Nazionalean (FNMT) edo banaketa-sektorean (Coca-Cola, Danone, HP, Freixenet, Repsol, Telefónica, Estrella Galicia, Vichy Catalán…), izan ere, bere fakturazioaren % 75 esportazioak dira.
Ildo horretan, IDM Testek nazioartean egiten duen merkataritza-lana azpimarratu du Irigoyenek. “Batez ere, gure taldearen etengabeko bidaien bidez egiten dugu. Horri gehitzen diogu kalitate handiko produktu bat prezio lehiakorretan eta saldu osteko zerbitzu oso on bat, bezeroek asko baloratzen dutena”. Ildo beretik, IDM Testek markaren irudia sendotu nahi du, eta, beraz, gaur egungo merkatuetan duen presentzia. “Zalantzarik gabe, berrikuntzaren bidetik jarraitzea da gure apustua, hori baita enpresaren balio erantsi nagusia eta bezero, sektore eta merkatu berrietara iristeko aukera emango diguten garapen berriak abiarazteko abiapuntua”.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz