Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 25 ekaina, 2021 Berrikuntza Digitalizazioa Ekintzailetza Finantziazioa Zibersegurtasuna Araudia Basque Cybersecurity Center (BCSC) Fast Track Innobideak programa Industria adimenduna Smart Industry Programa Start up UP Euskadi

Eusko Jaurlaritzak 28 milioi eskainiko ditu ETE berritzaileak sortu eta bultzatzeko

Urrira arte zabalik egongo den Gauzatu programak inbertsioaren % 35erainoko laguntza itzulgarriak banatuko ditu

 

Eusko Jaurlaritzak 28 milioi euroko laguntzak emango ditu ETE berritzaileak sortu eta bultzatzeko. SPRI Taldeak (enpresen garapenerako euskal agentziak) kudeatzen duen Gauzatu programa ekainaren 29tik aurrera (asteartea) zabalduko da eta eskaerak egiteko epea urriaren 15ean amaituko da.

 

Dirulaguntzak itzulgarriak dira eta inbertsioaren % 35eraino irits daitezke. Gehienez 200.000 euro emango dira sortutako enplegu berri bakoitzeko, eta 150.000 euro mantentzen den lanpostu bakoitzeko. Dirulaguntzak bost urteko epean itzuli beharko dira.

 

Helburua da enplegua sortzen duten inbertsioak bultzatzea eta enpresei hazten laguntzea, suspertze ekonomikoaren, enplegua berreskuratzearen eta kalitatea hobetzearen aldeko apustua eginez, hazkundearen bidera itzultzeko.

 

Gauzatu programaren helburua da oinarri teknologikoa duten edota berritzaileak diren ETEak sortzen eta garatzen laguntzea etorkizunerako lehiakortasun-estrategia gisa.

 

Enpresa onuradunak izango dira erauzketa, ekoizpen eta eraldaketa arloetako eta produktu-prozesu industrialari lotutako zerbitzuetako industri arloko ETEak, oinarri teknologiko edo/eta berritzailekotzat jotzen badira. Horiez gain, onuradun izan daitezke baita ere jarduera nagusitzat ondoko hau duten konpainiak: Zibersegurtasuneko Euskal Zentroaren (BCSC) zibersegurtasun-katalogoan erregistratutako enpresa industrialen IT/OT (Information Technology / Operational Technology) inguruneak zibererasoetatik babesteko sistemen konbergentzia eta integrazioa.

Programa honen bidez, enpresek aukera izango dute lursail eta eraikuntza berriak erosteko, makina, tresna edo instalazio elektrikoekin ekipatzeko, gailu eta programa informatikoak erosteko eta jabetza industrialarekin eta patenteekin lotutako gastuak ordaintzeko.

 

Gauzatu programak % 35eko dirulaguntzak emango dizkie teknologi arloko enpresa txikiei, eta % 30ekoak enpresa berritzaileei. Konpainia ertainen kasuan, teknologi arloko enpresentzako laguntzak % 30ekoak izango dira, eta enpresa berritzaileen kasuan, berriz, % 25ekoak.

 

Lotutako albisteak

14 Marzo, 2024 Berrikuntza
Alkizabalgo plataforma jasotzaile elektriko berria jasangarriagoa da: zero gas-isuri eta zarata murrizketa
Irakurri gehiago
11 Marzo, 2024 Berrikuntza
Stay Bigelek hezkuntzaren arloko metodologia berritzaileen aldeko apustua egiten du
Irakurri gehiago
22 otsaila, 2024 Berrikuntza
FVEMek 2.100 ikasle baino gehiagori industria hurbildu die ‘Industria Erronka’ proiektuaren bidez 23-24 edizioan
Irakurri gehiago
SACEN San Jorge Placas Energía Solar 20 otsaila, 2024 Berrikuntza
Sacenek telekomunikazioetarako bere lehen kabina adimenduna instalatu du
Irakurri gehiago
15 otsaila, 2024 Berrikuntza
TokenTrotter-rek bidaiez beste ikuspuntu batetik gozatzeko aukera ematen du
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak