Dibertsifika 2026
Zure enpresaren produkzio-gaitasunak handitzeko, negozio-lerro berriak irekitzeko edo merkatu berrietan sartzeko proiektuak abian jartzen lagunduko dizugu.
Hazkuntzan beste pauso bat eman, jarduera dibertsifikatu edo negozio lerro berriak ireki nahi dituzten industria enpresei laguntzeko pentsatutako laguntza-programa da Dibertsifika 2026.
Badakigu merkatu berrien alde egiteak, ekoizpen-gaitasunak handitzeak edo produktu berriak merkaturatzeak erabaki estrategikoak eta inbertsio-ahalegin handia eskatzen dituela. Horregatik, Dibertsifikak enpresei segurtasun handiagoz aurrera egiteko aukera ematen dieten proiektuak babesten ditu, arriskua murriztuz eta garatzeko funtsezkoak diren inbertsioak erraztuz.
Programak lehiakortasuna indartzen, industria-jarduera gehiago eta hobea sortzen eta hazkunde jasangarria finkatzen laguntzen duten ekimenak babesten ditu.
Enpresei laguntzen diegu beren ekoizpen-eredua eboluzionatzen eta merkatuaren erronka berrietara egokitzen.
Zabalik da Dibertsifika 2026rako aurre-eskaerak egiteko epea
Dibertsifika programaren aurre-eskaerari esker, programaren deialdiaren aurretik hasitako inbertsioak diruz laguntzeko modukotzat jo daitezke 2026ko ediziorako. Horrela, aurre-eskaera aurkeztu eta eskabide formala egin arteko aldian egindako inbertsioak diruz lagundu ahal izango dira programaren deialdia argitaratu ondoren. Beraz, 2026ko urtarrilaren 2tik aurrera aurre-eskaera bat aurkez daiteke esteka honetan dagoen formularioa betez.
Zure enpresa indartzeko eta etorkizun industriala ziurtatzeko behar duzun bultzada
Zure proiektu industriala indartu eta hazarazi nahi duzu?
Euskadin jarduera-zentro bat duten eta inbertsio produktiboen bidez dibertsifikazio- edo hazkunde-proiektuak abian jarri nahi dituzten industria- eta zerbitzu-enpresei zuzenduta dago.
Euskal industria babesten dugu bere bilakaeran, hazkundean eta dibertsifikazioan, egungo eta etorkizuneko erronkei sendoago aurre egin ahal izateko
Inbertsio produktiboak hazkundea bultzatzeko eta negozio-aukera berriak irekitzeko
Dibertsifikak lagundutako proiektuek benetako inbertsio produktiboak ekarri behar dituzte, Euskadiko industria-jardueran eragin zuzena dutenak, eta dibertsifikazio- edo hazkunde-estrategia argi baten parte izan behar dute.
Ez dira jarduera puntualak eta mantentze-lan arrunteko inbertsioak babesten, baizik eta negozioaren bilakaeran eta kontsolidazioan aurrerapen esanguratsua dakarten proiektuak.
Hemen dituzu zure enpresa etorkizunera bultzatzeko beharrezkoak diren ekoizpen aktiboak
Dibertsifikak lagundutako inbertsioak Euskadin gauzatu behar dira, zuzenean lotuta egon behar dute aurkeztutako dibertsifikazio- edo hazkunde-proiektuarekin, eta enpresaren produkzio-gaitasunen benetako hobekuntza ekarri behar dute.
Gainera, onartutako gutxieneko inbertsio-bolumena lortu beharko dute proiektuek, hau da, 200.000 € ETE-entzat eta 1.500.000 € enpresa handientzat, eta diruz lagun daitekeen inbertsioaren % 25 gutxienez baliabide propioen bidez egindako ekarpena izan beharko da.
Atal hau irakurtzea gomendatzen dizugu. Azterketa azkar batek programaren alderdi operatiboak ulertzen lagunduko dizu.
Baldintzak, epeak, dokumentazioa eta prozedura: argitu hemen zure zalantza nagusiak laguntza eskatu aurretik.
Kargatzen...
Zure eskaera aurkeztu aurretik laguntzarik behar duzu?
Bete formularioa eta zure kontsultari modu pertsonalizatuan erantzungo diogu. Zure laguntzak eskatzeko, sartu hemen.
Lortu orain zure enpresa hazi eta dibertsifikatzeko laguntzak.
DIBERTSIFIKA 2026 dirulaguntzak jasotzeko, osa ezazu eskaera.
Zure Finantziazioa-proiektua bultzatzeko laguntza-programak diseinatzen ditugu
Basque Funtsa programa
Bultzada bat enpresa-ideiei eta maileguetarako sarbidea baldintza abantailatsuetan
Inbertsio publikoko tresna berri bat 3 urte baino gutxiago dituzten industria arloko mikroenpresa eta ETEentzat, enpresa-ideia baten heltze-prozesua ahalbidetzeko BIC batean. Eskatu hemen Renove Smart Industry programa
Ekipamendu eta softwarearen erosketa eta berritzea Industria Adimentsurako
75.000 €-rainoko laguntza enpresa bakoitzeko, hardwarea eta softwarea eskuratzeko. Fabrikazio Aurreratua, Fabrikazio Gehigarria, Robotika Aurreratua eta Lankidetzazkoa, Gauzen Interneta, Adimen Artifiziala, sistema ziber-fisikoak, Errealitate Birtuala eta Handitua, Biki Digitalak... Laster Nazioarteko Gauzatu programa
Atzerrian instalazioak irekitzeko, handitzeko edo berritzeko finantzaketa
Kreditu-ildo bat ezarpena egitean edo atzerriko sozietateak erostean eginiko inbertsiorako; atzerrian instalazioak ireki, handitu edo berritzeko… Epea itxita Indartu programa
Ekoizpen-instalazio berriak erosi, berritu eta ekipatzeko programa
Itzuli beharrik gabeko dirulaguntzak Ezkerraldea handitutan eta Euskadiko urteko batez bestekoa baino langabezia-tasa handiagoa duten udalerri batzuetan kokatutako industria-enpresek eginiko inbertsioentzat. Epea itxita Lortu programa
Enpresaren jarraipena eta bideragarritasuna bermatuko duten birfinantzaketa-proiektuentzako laguntza
Itzuli beharrik gabeko 30.000 €-rainoko dirulaguntzak kanpoko profesionalak kontratatzeko, eta haien laguntzarekin abiapuntuko egoeraren diagnostiko bat egin eta negozioaren bideragarritasuna ahalbidetuko duen ekintza-plan bat prestatzeko. Epea itxita Gauzatu Industria programa
Industria-instalazio berriak erosteko, ekipatzeko eta abian jartzeko finantzaketa
Inbertsioaren % 35erainoko aurrerakin itzulgarriak, instalazio berriak erosi edo ekipatzeko edota plantillan talentua sartzeko (jabetza industriala eta patenteak, ekipo eta aplikazio informatikoak, instalazio teknikoak…). Epea itxita Bideratu Berria programa
Krisi-egoeran dauden industria arloko enpresak berregituratzeko eta berrindartzeko laguntzak
0,6 milioi euroko aurrerakin itzulgarriak, krisian dauden enpresek euren bideragarritasuna bermatu dezaten epe ertain eta luzera. Epea itxita Baskeep
