Euskal enpresaren blog-a Zure enpresarentzat garrantzitsua den eguneroko informazioa

1 urria, 2020
SPRI Taldeak Euskadiko automozio sektorean inbertitzeko aukerak aurkeztu dizkie enpresa britainiarrei

Jardunaldi telematiko batek elkarrekin batu ditu Erresuma Batuko eta Euskadiko adituak

 

SPRI Taldeak, enpresen garapenerako euskal agentziak, Euskadin ezartzeko interesa duten enpresa britainiarrei jakinarazi die zeintzuk diren Euskadik “Invest In The Basque Country” ekimenaren bidez eskaintzen dituen inbertsio-aukerak automozio sektorean. Aurkezpen-ekitaldia astearte honetan egin da, Erresuma Batuko Santander Bankuarekin batera antolatutako jardunaldi telematiko batean.

 

“Nazioarteko hazkundea: Euskadiko automozio sektoreari buruzko mintegia” jardunaldiak hainbat aditu bildu ditu, besteak beste, Paul Brooks, fabrikazio aurreratu, automozio eta itsas sektoreko arduraduna Erresuma Batuko Santander Bankuan; Jihane Al Maydki, Santander Bankuko espezialista Espainia, Portugal eta Marokon; Frances Woodman, Erresuma Batuko Motor Fabrikatzaile eta Merkatarien Elkarteko nazioarteko zuzendaria; Nick Greenwood, Britainia Handiko kontsula Espainia iparraldean; Marian Ibarrondo, SPRI Taldeko “Invest in the Basque Country”-ko arduraduna; eta Raquel Piñan, ACICAEko (Euskadiko Automozio Klusterra) nazioartekotze arduraduna.

 

Jardunaldi horretan hainbat gai sakondu dira: zergatik interesa dakiokeen enpresa britainiar bati Euskadiko automozio sektoreko balio-katea negozioak egiteko, zein euskal enpresa hartu beharko lituzketen kontuan enpresa britainiarrek, eta nolako laguntasuna ematen duten Euskadiko balio-kateak eta ekosistemak, parte-hartzaileek euren aukera potentzialak ustiatu ditzaten.

 

Orobat aztertu da zeintzuk diren Euskadin balioa sortzeko aukera edo nitxo egokienak enpresa britainiarrentzat eta nolako eragina izan duen Covid-19ak automozioko ekoizpenean eta salmentetan; bestalde, ezagutzera eman dira atzerriko inbertitzaileek Euskadin izandako kasu arrakastatsuak, hala nola, GKN eta Tenecco.

 

SPRI Taldeko arduradunak azaldu zein den Eusko Jaurlaritzak automozioko enpresa atzerritarrekin jarraitzen duen politika eta zein erraztasun eskaintzen diren Euskadin ezartzeko.

 

FEV Consulting” enpresa alemanak operazio-zentro bat ireki du Bilbon

FEV nazioarteko zerbitzu-hornitzaile independente bat da, liderra ibilgailuen garapenean eta...Leer más

La multinacional japonesa SMC inicia una inversión de 20 millones para duplicar el tamaño de su sede de Vitoria
SMC multinazional japoniarrak 20 milioiko inbertsioa hasi du bere Gasteizko egoitzaren tamaina bikoizteko

SMC Corporation multinazional japoniarrak 30 urte daramatza Gasteizen, Jundizko industrialdean....Leer más

Basque Trade Chequia Praga
Eusko Jaurlaritzak zibersegurtasuneko euskal ekosistema aurkeztu du Txekian

Eusko Jaurlaritzak “zibersegurtasuneko euskal ekosistema” aurkeztu du Txekian, SPRI Taldeak...Leer más

Arantxa Tapia: “Aurrera egin behar dugu, ez da inbertsioak atzera botatzeko momentua”

Eragile guztiekin lanean ari gara etorkizuneko Industria Plana prestatze aldera. Industria...Leer más

Invest in the Basque Country 29 maiatza, 2020
Elkarrizketa Mariano Arconadari, Gasteizko Michelin lantegiko zuzendariari

Automozioaren sektorea txakalaldi betean dagoen honetan, Arabako lantegiko (taldeak Europan daukan...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?