Net-Zero Basque Industrial Super Clusterrek All4Zero eta Alianza Q-Cero aliatuek deskarbonizazioarekin lotuta egindako aurrerapenetan hartu du parte
Ekainaren 20an, ostegunean, SPRIk All4Zerok Repsol Technology Center-en antolatutako Tech Solutions Day ekimenean parte hartzeko aukera izan zuen. Bertan, industriaren deskarbonizazioa lortzen laguntzeko asmoz abian jarritako 5 erronkei erantzuna emateko hautatutako 12 soluzio teknologikoak ezagutarazi zituzten. Repsolek, ArcelotMittalek, Holcimek eta Iberiak osatutako berrikuntza teknologiko industrialeko hub honek deialdi honen bidez erantzuna eman nahi zieten bost erronka komun identifikatu zituzten. Erronkak honako hauek lotutakoak ziren: karbonoa jasotzea, baliabide hidrikoak, hidrogeno berdea, SAF erregaiak eta CO2-aren mineralizazioa, eta hondakinen kudeaketa.
Deialdiak 186 proposamen bildu zituen (horien artean, nazioartetik iritsitako 60). Bestalde, euskal agenteek egindako 17 proposamen bildu ziren. Ondorioz, jasotako proposamen guztietatik % 9 izan ziren Euskaditik iritsitakoak eta teknologia-zentroek, ETE-ek eta startupek bidalitakoak izan ziren.
Bazkideen talde teknikoek ebaluazioa egin ostean, erronkei erantzuteko 12 soluzio teknologiko aukeratu dituzte eta horien artean daude Euskadiko parte-hartzea duten 3 soluzio (karbonoa jasotzeko Tecnaliaren soluzioa, SAF erregaietarako Aimplasen soluzioa eta CO2-ren mineralizazio-erronkarako SBS Thermal en soluzioa). Hurrengo hilabeteotan, enpresekin lan egiteko asmoa dugu, bazkideen premiei beharren araberako soluzioak zehazteko eta 2025ean zehar emaitzak lortzea ahalbidetuko duen lan-plan zehatza definitzeko.
Bestalde, Espainia mailan industrian eta eraikinetan energia termikoaren eskariarekin lotutako deskarbonizazioa bizkortzeko asmoz Iberdrolak abian jarritako Alianza Q-Cero ekimenak ere aurrera egin du azken hilabeteotan bere egitura indartzen. Horretarako, parte-hartzaile berriak gehitu eta lanean hasi ahal izateko hainbat lantalde prestatu ditu arretagunea politiketan, erabilera-kasuetan eta elikadura-industrian jarrita. Bestalde, “Q-Cero Gosariak” ekimena jarri du abian. Bertan, aldizkakotasunez, saio monografikoak antolatzen ditu, eta horiek energia termikoaren eskaintzaren eta eskariaren arloan lantzen ari diren erronka nagusiak eztabaidatzeko eta soluzioak erakusteko baliagarriak diren topagune bihurtu dira.
Zehatzago esanda, asteartean, ekainaren 25ean, Cristina Oyónek, SPRIko Teknologia, Berrikuntza eta Jasangarritasun arloko zuzendariak, deskarbonizaziorako palanka gisa berrikuntzara eta garapen teknologikora zuzendutako Q-Cero gosarian bitartekaritza-lanak egin zituen. Net-Zero Basque Industrial Super Cluster izenekoa abian jartzen SPRIk metatutako esperientziatik abiatuta, Cristinak Garapen Teknologikorako eta Berrikuntzarako Zentroko (CDTI) zuzendariarekin, José Moisés Martínekin, eztabaidatzeko aukera izan zuen hainbat gairen inguruan: Europako Batasuneko Net Zero Industry Actek eskaeratik abiatuta garapen teknologikoa bultzatzeko planteatzen dituen aukerak eta deskarbonizazio arloko aurrerapenerako soluzioen eskariaren eta eskaintza teknologikoaren arteko elkarlanaren garrantzia. Elkarrizketaren bigarren zatian, Cristinak mahai-ingurua moderatu zuen eta, bertan, Jorge Fabregatek (Porcelanosako Kalitate eta Ingurumen arloko arduraduna) bere produkzio-prozesua deskarbonizatzeko garaian Porcelanosaren moduko enpresa batek aurre egin beharreko erronka teknikoen eta finantzarioen berri eman zuen (izan ere, 1.200 inguruko tenperaturatan egindako egosketako prozesu kritikoa da bere lanaren ezaugarrietako bat). Mahai-inguruan parte hartu zuten beste batzuk izan ziren Lidia Roca Canales (Magnon-Ence Servicios Energéticoseko CEOa) eta Nicolás Martínez (New Heateko Business Development Manager Iberia). Mahai-inguruan landutako gai nagusiak era horretako produkzio-beharrei erantzuna emateko erabilgarri dauden soluzio teknikoak izan ziren eta, horien artean, hauek biak azpimarratu behar dira: teknologien hibridazioa eta baliabideen plangintza.
Bi erronka horiek lotuta daude Net-Zero Basque Industrial Super Clúster klusterrarekin. Euskadiko industrian isuri garbietarako trantsizioa bizkortzea da haren helburua, industria arloan kontsumo eta eraginkortasun energetikoaren deskarbonizazioa bultzatuz eta, aldi berean, garapen teknologikoan eta berrikuntzan oinarritutako merkatu-aukerak sortuz.
Ekimena Eusko Jaurlaritzako Industria, Trantsizio eta Jasangarritasun Sailak bultzatu du SPRIren (Enpresen Garapenerako Euskal Agentzia) bidez eta Euskadiko bi energia-enpresa nagusiek hartu dute bertan parte: Iberdrolak eta Petronor Repsolek. Gainera, negutegi-efektuko gasen isuri handienak dituzten Euskadiko industriak biltzen dituzten kluster industrialen (Aclima, Siderex, AFV, paperaren klusterra) eta deskarbonizaziorako konponbideak eskain ditzaketen balio-katea ordezkatzen duen Energia Klusterraren babesa jaso du.
Net-Zero Basque Industrial Super Cluster ekimenarekin lotutako aurrerapen nagusiak dokumentu honetan daude ikusgai.
Lotutako albisteak
Euskadiko Mugikortasun eta Logistika Klusterreko bazkideen kopurua % 20 hazi da
131 bazkiderekin, Klusterrak % 20 handitu du bere bazkide multzoa azken ekitaldian.
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”