Lehiakortasunari buruzko Biltzarra datorren azaroaren 20an izango da, Donostian

Lehiakortasunari buruzko Txostenak aukera ematen digu, urtero, Euskal Autonomia Erkidegoko lehiakortasuna aztertzeko eta erronkak identifikatzeko; joerak, aukerak eta mehatxuak antzemateko; eta eztabaidetan eta erabakiak hartzeko prozesuetan eragiteko. Datorren azaroaren 20an, Orkestra-Lehiakortasunerako Euskal Institutuak Lehiakortasunari buruzko 2023ko Biltzarra egingo du eta SPRI Taldearen laguntzaz prestatu duen txostenaren ondorio nagusiak aurkeztuko ditu.

Aurten, trantsizio iraunkorraren eta ongizaterako lehiakortasunaren arteko lotura ulertu nahi du azterlanak, baita bi kontzeptuak modu sinergikoan nola bateratu eta indartu daitezkeen ere. Horretarako, Euskal Autonomia Erkidegoko lehiakortasunaren eta ongizatearen egungo emaitzak aztertzen ditu, datozen urteetan trantsizio iraunkorrean aurrera egiteko abiapuntu gisa, eta sei palanka aztertzen ditu, emaitza hobeak lortzeko.

Beste eskualde industrial batzuk trantsizio jasangarriari nola aurre egiten ari zaizkion ikasteko, Stefan Lechtenböhmer irakaslearen hitzaldia izango da ekitaldian. Alemaniako Kassel Institute for Sustainability-ko kidea da Lechtenböhmer.

Biltzarra Kursaaleko 1+2+3 aretoetan izango da, 16:00etan. Ekitaldian parte hartzeko, esteka honetan eman behar da izena: https://labur.eus/OER1o

Egitaraua

16:00 • Ongi etorria: Iván Martén, Orkestrako presidentea

16:10 • Decarbonisation of European heavy industries: Challenges and chances for long term competitiveness. Nazioarteko hitzaldia Stefan Lechtenböhmer-en eskutik. Alemaniako Kassel Institute for Sustainability-ko irakaslea eta Lundeko (Suedia) Unibertsitateko irakasle laguntzailea da Lechtenbömer eta bere ikerketak energia- eta klima-politika ditu ardatz, batez ere maila nazionalean eta azpinazionalean.

16:30 • Lehiakortasunari buruzko 2023ko Txostenaren aurkezpena. Parte hartzaileak:

• James Wilson, Orkestrako ikerketa zuzendaria
• Susana Franco, Orkestrako ikertzaile seniorra
• Macarena Larrea, Orkestrako ikertzailea
• Olga Martín, ACLIMAko zuzendari nagusia
• María García, Ihobeko estrategia eta berrikuntzako zuzendaria
• Miren Estensoro, Orkestrako ikertzaile seniorra
• Garbiñe Manterola, Basque Research & Technology Alliance-ko (BRTA) ezagutza transferitzeko arduraduna

17:30 • Ondorioak: Jorge Fernández, Orkestrako ikertzaile seniorra eta Energia eta Ingurumen arloko koordinatzailea

Lotutako albisteak

16 maiatza, 2024 Ingurumen-jasangarritasuna

Aclimak eta bere 21 bazkidek euskal ingurumen-sektorea aurkeztu dute IFAT 2024an ingurumen-teknologien garapenean erreferente gisa

Irakurri gehiago

16 maiatza, 2024 Ekintzailetza

«Uraren balioa», Kuartango LAB-en topaketa

Irakurri gehiago

15 maiatza, 2024 Berrikuntza

Saizarlan, kartoizko kaxen plastikozko heldulekuak biodegradagarriak izateko proiektu berritzailea garatzen ari den ETEa

Irakurri gehiago

14 maiatza, 2024 Azpiegiturak

Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez

Irakurri gehiago

13 maiatza, 2024 Ingurumen-jasangarritasuna

OnEin Kontserbak, Euskadin egindako kontserba ekologikoak

Irakurri gehiago

Joan blog-era