Kitu Foods, snack osasungarriak fabrikatzen dituen mikroETE bizkaitarra
Snack osasungarriak fabrikatzen dituen mikroETE bizkaitarra da Kitu Foods, eta aurten 60 tonatik gora merkaturatzea aurreikusten du. Olio kantitate erdia behar duen teknologia erabiltzen du enpresak, eta merkatuan existitzen ez diren fruta-snackak eskaintzen ditu. Informazio hau “Zutaz mintzo gara” egitasmoaren bidez sortu da. Horren bidez, euskal enpresei haien proiektuak ezagutzera emateko aukera ematen die SPRI Taldeak, bere plataformaren bidez.
Enpresa 2017an sortu zen Ernesto García Marquésen ekimenez. Enpresaren fundatzailea eta CEOa da, eta enpresen zuzendaritzari buruzko master batean ezagutu zuen bere beste bazkidea, Luis Santos. “Hondurasetik zetorren, eta ezagutzen zuen aperitiboen sektorea. Aperitibo jasangarriagoak eta osasungarriagoak merkaturatzea pentsatu genuen, tonu exotiko batekin. Merkatua aztertu genuen, eta egingarria zela ikusi genuen”.
Snacken fabrikazioa Ekuadorren hasten da. Hango klima eta altitudea ezin hobeak dira produktuarentzat. “Dena den, diseinua europarra da”. 2018aren hasierarako, landare exotikoen snackak eskaintzen zituzten belar-dendetan eta alergenoen dendetan, “eta ostalaritzara eta publiko gourmetarengana zabaltzen joan ginen”. Era berean, hainbat herrialdetara esportatzen hasi ziren, hala nola Italiara, Finlandiara, Danimarkara, Frantziara edo Ingalaterrara. “Orduan pandemia etorri zen eta esportazioak gelditu egin ziren, baina Espainian eta Italian hazten jarraitu genuen”.
Pandemia lehertu zenean, bazkidea enpresatik eta herrialdetik irten zen. Une zaila izan zen hura. “Proiektuari jarraipena emateko egoera zailean geratu nintzen, bakarrik”.
Iaz, Ekuadorren fabrikazio propioa egiten hasi zen Kitu Foods, eta teknologia berri bat erabiltzen hasi zen. “Hutsean frijitzen dugu: produktu zaporetsuagoa eta osasungarriagoa egiten dugu, olioaren erdiarekin. Hala, merkatuan ez dauden snackak eskaintzen ditugu, frutaz eginak: sagarra, banana edo anana. Horrekin negozioa handitu dezakegu. Hain zuzen ere, merkatua Asiara irekitzeko aukera sakon aztertzen ari gara”.
Dendan saltzeko snackak eskaintzen dituzte, eta ostalaritzako formatuetan ere bai, entsaladetan, hanburgesetan eta postreetan erabiltzeko. “Orain Corte Inglésen, NH Hotelen, Kanarietako Dinosol supermerkatuen, Carrefourren edo Healthy Poke katearen hornitzaileak gara. Azken horrek 30 denda baino gehiago ditu Espainian”. Batez ere, sektore hauentzat egiten dute lan: dendak, ostalaritza eta vending makinak.
Produktu naturala
Latinoamerikan Espainiarako landare-snackak ekoizten dituzten bakarrak dira, produktu latinoamerikarren nitxotik kanpo, eta hori da beste ekoizle batzuengandik bereizten dituena. “Hemen kalitatea askoz ere industrialagoa da, ez da hain jasangarria. Landare-snacketan espezializatuta gaude, eta lehiakideek erabiltzen duten olio kantitatearen ia herena erabiltzen dugu. Produktu natural baten zaporea eta testura ditu snackak”. Euskadin ez dute lehiakiderik.
Urtean 30 tona baino gehiago merkaturatzen dituzte gaur egun, eta aurten ekoizpena bikoiztea aurreikusten dute. 2024a ia milioi bat euroko fakturazioarekin ixtea espero dute. Gaur egun ekoizpenaren % 5 esportatzen dute, baina ekitaldi honetan zifra hori laukoiztea aurreikusten dute.
Enpresak hiru langile ditu, eta Bizkaian ontziratze-zentro bat sortzea da asmoa, produktua soltean ekarri eta eraginkorragoak izateko.
I+G arloa garrantzitsua da proiektuan, eta makina bat garatzeko balio izan du. Makina horrek “90 gradutan frijitzen eta liofilizatzen du. Hala, akrilamida sortzea saihesten du, olioa tenperatura altuan erretzean sortzen den toxina bat. Lehiakideek erabiltzen duten olio kantitatearen erdia erabiltzen du”.
Honako erronkak ditu: Euskadiko eta Espainiako saltoki handietan sartzea; Europako hainbat herrialdetarako esportazioa handitzea, hala nola Portugal, Frantzia, Alemania eta Erresuma Baturakoa; eta Bizkaian ekoizpen-fabrika bat muntatzea. “Eta lantaldea handitu nahi dugu, marka ezagun gisa presentzia handiagoa izateko eta, hala, aperitiboen sektoreko erraldoiekin lehiatzeko”.
Kitu Foods Basque Food Clusterrera batu da. “Horiek digitalizazioarekin laguntzen digute”.
Lotutako albisteak
Mikel Jauregi: “deskarbonizazio adimentsuaren aldeko apustua egiten dugu, eta bide desberdinetatik hel gaitezke horretara”
Sailburuak adierazi duenez, Euskadi, azken hilabeteotan, ahalegintzen ari da bertako industriak eta bertan ezarri nahi diren enpresa-proiektu berriek eskatzen duten potentzia lortzen
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko