Itsaso Baltikoko off-shore energia eolikoaren sektoreko negozio-aukerei buruzko jardunaldia

Apirilean, SPRI Taldeak Wind Europe azokan parte hartuko du Nazioartekotzeko Euskal Agentziaren bitartez. Urtero antolatzen den ekitaldi horrek Europako sektore eolikoko eragile pribatu eta publiko garrantzitsuenak biltzen ditu, eta aurten Barakaldoko Bilbao Exhibition Center-en (BEC) egingo da.

SPRI Taldea lankidetzan ari da Pomeraniarekin, itsaso Baltikoko off-shore energia eolikoaren inguruko hub gorakor batekin. Pomerania Poloniako eskualde bat da (Gdansk da bertako hiriburua), aurrerantzean oso aktiboa izango dena energia eolikoaren sektorean.  Hala, ekitaldi horretan bertatik bertara aurkeztuko dira Poloniako off-shore proiektuak, inbertsiorako perspektibak, negozio-aukerak eta Pomeraniako plataforma eolikoa. Hizlariez gain, bertan bilduko dira sektoreko 12 enpresa poloniar, eta gune bat antolatuko da enpresen arteko topaketetarako.

Ekitaldi hau bereziki zuzentzen zaie sektore eolikoko euskal enpresei, eta baita ere Polonian bidea egin eta balizko aliatuak bilatu nahi dituzten industria eta zerbitzuetako enpresei. Interesatuek dagoeneko eman dezakete izena ekitaldian.

Nazioartekotzeko Euskal Agentzia eta Energiaren Euskal Klusterra Pomerania eskualdearekin kolaboratzen ari dira energia berriztagarrien arloan eta bi norabidetako nazioartekotzearen sustapenean, eta ekitaldi honetan lankidetza-hitzarmen bana sinatuko dute.

Lotutako albisteak

4 urria, 2022 Ingurumen-jasangarritasuna

Luznorrek eraginkortasun energetiko handiko segurtasun-ekipo elektroniko berritzaileak diseinatu eta fabrikatzen ditu

Irakurri gehiago

29 iraila, 2022 Ingurumen-jasangarritasuna

Ekoin Ingeniaritzak ekonomia zirkularra era guztietako enpresetan egotea du helburu

Irakurri gehiago

26 iraila, 2022 Basque Trade & Investment

Geopolitika eta Inbertsio Iraunkorrak Euskadiko VII Kontabilitate Foroan

Irakurri gehiago

23 iraila, 2022 Basque Trade & Investment

Tapiak energiari buruzko “herri-akordio zintzo bat” eskatu du

Irakurri gehiago

21 iraila, 2022 Ingurumen-jasangarritasuna

Gasteizek Hiri-eredu Jasangarrien Gailurra ostatatuko du hil honetan

Irakurri gehiago

Joan blog-era