Eusko Car Sharing ekimenak mugikortasun partekatua sustatzen du udalerrietan
Autoaren erabilera partekatua, “car sharing” bezala ezagunagoa dena, mugikortasun eredu oso zabaldua da, batez ere Europan. Euskadin sustatzeko asmoz, 2008an Eusko Car Sharing Elkartea sortu zen Bilbon, hainbat ekimenen bidez autoaren erabilera zentzudunagoa eta arduratsuagoa bultzatu nahi duen erakundea. Gaur egun, gero eta jende gehiagori zerbitzua ematen dioten hiru ekimen ditu martxan: Ibilkari Car Sharing, Ukanauto eta Auzokar.
“Autoari lotutako ohiturak aldatzeko beharraz jabetuta, gure helburua da norbanakoari ibilgailuaren erabilgarritasuna eskaintzea, jabetzaren ordez. Kontua mugikortasunean atzera egin gabe, aukera malguak eskaintzea da, eta hori gizartearen ikuspegitik egitea, autoa modu eraginkorragoan erabiliz, bizi-kalitatearen eta ingurumenaren mesedetan”, azpimarratu du Iker Maguregik Esko Car Sharingeko zuzendariak.
Hori horrela, 2009an Ibilkari Car Sharing ekimena sortu zen, egunero autoa behar ez duen edonori zuzendutako aukera. “Banakako mailan, dirua aurrezteko modu bat da; izan ere, ibilgailu baten jabetzak dakartzan kostu finkoen ordez (erosketa, mantenua, zergak, etab.), egindako orduaren eta distantziaren arabera ordaintzeko aukera ematen du. Baina, horrez gain, erregai fosilekiko mendekotasuna murrizten laguntzeko, CO2 emisioak saihesteko eta klima-aldaketari aurre egiteko aukera ere bada, eta, horrela, udalerri iraunkorragoak sortuko dira”, ziurtatu du Maguregik. Zerbitzua baliatzeko, erabiltzaileak mugikorrerako aplikazioaren bidez autoa erreserbatu behar du edozein ordutan, ibilgailua eguneko 24 orduetan egongo baita erabilgarri.
Bi urte geroago, 2011n, Ukanauto iritsi zen, Uribe Kostako Mankomunitatea osatzen duten udalerrien ekimena. “Hasieratik argi ikusi zuten, bizikleta partekatzeko ekimenarekin batera, autoa partekatzea garraio kolektiboaren osagarri izan zitekeela, eta autoaren erabilera esklusiboaren alternatiba. 12 urte igaro dira zerbitzua hasi zenetik, eta herritarren oniritzi orokorraz gain, urtez urte zerbitzu horren erabilera handituz joan da. Zehazki, 2022an 30.000 kilometro baino gehiago pilatu zituen, 2021ean baino bi aldiz gehiago”, zuzendariak zehaztu duenez.
Hedapena erronka gisa
Eusko Car Sharing irekita dago beste edozein udalerri edo eskualdetan horrelako ekimenak garatzen laguntzeko. “Benetan uste dugu Euskadi osora zabal daitekeela”, ziurtatu du Maguregik. “Urteak igaro ahala, gero eta konbentzituago gaude ‘car sharing’ -a udalerri askoren parte izango dela datozen urteetan. Kezka eta helburu klimatikoek, mugikortasun aukera ezberdinak eta iraunkortasunarekin lerrokatutako gizarte baten beharrak eszenatoki horretara garamatzate”, gehitu du. Hala ere, elkarteak zalantza bat planteatzen du zentzu horretan: “zein erritmotan nahi dugu hau errealitate bihurtzea? Bide horretan funtsezkoa da laguntzeko borondatea, eta hedapen-helburu hori lortzea, hein handi batean, horren mende egongo da”.
Gaur egun, Estatu osoan sektore honetan urte gehien daramatzan ekimena da, eta bere ibilbideak ondorio batzuk ateratzeko balio izan dio, hala azaldu du Maguregik: “Alde batetik, espero baino gehiago kostatzen da gure bizimodua aldatzea; eta, beste alde batetik, hori lortzeko beharrezkoa ikusten dugu lurralde-mailan ‘car sharing’-a ikuspegi estrategiko batetik integratzea. Horrek esan nahi du udalerrien arteko sinergia-sareak sortzea eta garraio publikoaren osagarri gisa ezartzea, denboran iraun dezan eta epe luzerako emaitzak izan ditzan. Europako ekimenik arrakastatsuenak horrela garatu dira, eta orain ereindakoa jasotzen ari dira”.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
Lotutako albisteak
Mikel Jauregi: “deskarbonizazio adimentsuaren aldeko apustua egiten dugu, eta bide desberdinetatik hel gaitezke horretara”
Sailburuak adierazi duenez, Euskadi, azken hilabeteotan, ahalegintzen ari da bertako industriak eta bertan ezarri nahi diren enpresa-proiektu berriek eskatzen duten potentzia lortzen
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”