Enpresa-baratzerik handiena Bilboko Portuan dago
BilbaoTruck enpresa bizkaitarrak, Vulcanizados Retuerto izenez ezagutzen denak, 3.000 m2-ra arteko birika berdea sortu du (futbol-zelai baten erdia, gutxi gorabehera) Bilboko Portuaren bihotzean, ingurune erabat industrialean eta ia berdegunerik gabean. “Jakin ahal izan dugunaren arabera, enpresa-zentro bateko Espainiako baratzerik handiena da”, adierazi du David Fernández BilbaoTruckeko gerenteak.
Pentsa liteke enpresa honen jarduerak nolabaiteko lotura duela lorezaintzarekin, baina ez da kasua. Izan ere, enpresak 30 urte baino gehiago daramatza kamioien atoiak, erdi-atoiak, zisternak eta bainuontziak konpontzen. Hare gehiago, sektoreko tailerrik handiena da Espainiako iparraldean.
“Dena 2019an hasi zen, kasualitatez”, azaldu du Fernándezek. “Urte horretan, aitak, tailerreko bi langilerekin batera, enpresaren inguruko lursail batean baratze txiki bat sortzea erabaki zuen. Bertan, ia ez zegoen berdegunerik, panpako luma-lumaren izurritea izan ezik, espezie inbaditzailea, bertako landareak suntsitzen dituena eta arnasketa-arazoak dituztenentzat arriskutsua. Urtebete geroago, 2020an, baratze txiki hori hazi egin zen, eta dagoeneko 360 m2 hartzen zituen; 2021ean, 670 m2; eta 2022an, 3.000 m2. Horrela, izurrite osoa desagerrarazi da inguruetan, eta grisaren artean espazio berde bat sortu da”.
Gaur egun 250 fruta-arbola baino gehiago ditu, eta 50 barazki mota, horien artean, tomateak, Bruselako azak, limoiak, piperrak eta abar. Fernándezen arabera, “irabazi asmorik gabeko erakundeei banatuko dizkiegun fruta, barazki eta barazki tonak biltzea espero dugu. Bezeroentzako opari-txartelak egiteko ere erabiliko ditugu, edo langileentzako aperitibo osasungarriak egiteko, besteak beste”.
Ekimenak hainbesteko garrantzia hartu duenez, enpresak lorezain bat kontratatzea erabaki du, zainketetan parte har dezan. Baina ez hori bakarrik, CEPYME 2022 saria ere eskuratu du Jasangarritasun eta Eraginkortasun Energetikoaren kategorian.
Iraunkortasunarekiko konpromisoa
Proiektu horri energia-eraginkortasunaren arloko beste ekimen asko gehitu behar zaizkio, eta horiek ere lagundu dute Enpresa Txiki eta Ertainen Espainiako Konfederazioak (CEPYME) urtero ematen duen sari hori lortzen.
Horietako bat 165 eguzki-plaka jartzea da. Horiek enpresaren energia-premia guztiak estaltzen dituzte, eta, gainera, merkatuan saltzeko energia berdearen % 6,5eko soberakina sortzen dute. “Plaka horiek paratxoke handia ekarri dute azken aldiko prezioen igoeraren aurrean”, Fernandezen esanetan.
2022ko erdialdetik, Bizkaiko Foru Aldundiarekin ere lankidetzan dihardu berrikuntza-proiektu batean. Proiektu horri esker, nitrogeno propioa sortzen du % 99ko purutasunean zerbitzu diferentzial hori egiteko, eta kostuak nabarmen aurrezten ditu, bai erakundearentzat, bai bezeroentzat. “Gas garbiak dira eta ingurumena erabat errespetatzen dute”, azpimarratu du gerenteak.
Era berean, guztira 135.000 litroko edukiera duten hiru erregai-zisterna birziklatu dituzte, 2022an 2 milioi litro inguru bildu dituzten ur-andel erraldoi bihurtzeko. Horiek baratzea ureztatzeko eta lantegian proba hidraulikoak egiteko erabiltzen dira.
Eta, azkenik, urtaro desberdinetako karpak eta loreak hartuko dituen urmael bat du, ekosistemarentzat onuragarriak diren intsektuak erakartzea lortuz, izurriteak saihesten lagunduko dutenak.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
Lotutako albisteak
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
Mikel Jauregi sailburuak eta PepsiCo-ko presidenteordeak enpresak Etxabarri-Ibiñako instalazioa “zero emisioko” munduko lehena izateko egin duen apustua aztertu dute
Elikagaien eta edarien multinazionalak Arabako Parke Teknologikoan instalatu du bere Hub Digital Globalaren zati bat, datuetan eta adimen artifizialean espezializatua.
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Euskadi agenda 2030 sariak 60 erakunde aintzatetsi ditu, garapen jasangarriaren helburuekin duten konpromisoagatik
SPRIk eta Euskadiko Parke Teknologikoak konpromiso-diploma lortu dute
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.
Araniak hazkundea bizkortu du berrikuntzaren, iraunkortasunaren eta eraldaketa digitalaren bidez
Konpainiak Ipar Amerikan duen presentzia sendotu eta merkatu estrategikoetan lidergoa berretsi du