Ekonomia zirkularraren eredua eta eredu horrek industriaren lehiakortasunean duen inpaktua izango dira Basque Circular Summit 2022ren ardatzak

• Euskal enpresek ekonomia zirkularreko irizpideekin fabrikatutako berrogeita hamar produktu baino gehiagoren erakusketa aurkeztuko da.

Ihobe sozietate publikoak Basque Circular Summit 2022 antolatuko du azaroaren 23tik 25era Ficoba erakustazokan, Irunen, “Walking the talk” (Praktikan jartzea) lelopean. Europa osoko 500 espezialista bilduko ditu biltzarrak, eredu ekonomiko zirkularreranzko trantsizioak industriarako zer inplikazio dituen aztertzeko eta eredu horrek industria-sektore desberdinei eskaintzen dizkien negozio-aukerei eta enpresa-lehiakortasunaren hobekuntzari buruz eztabaidatzeko.

SPRIren lankidetzarekin antolatutako Basque Circular Summit 2022ren (“Walking the talk”) helburuak hauek dira: Europako Itun Berdeak bultzatutako Ekonomia Zirkularraren erronka eta aukera berriak euskal enpresei hurbiltzea; euskal enpresek ekonomia zirkularraren arloan lortutako emaitza berritzaileak partekatzea; eta Eusko Jaurlaritzak euskal enpresei ekonomia zirkularrean oinarritutako ekoizpen-moduetarako trantsizioa errazteko garatu dituen tresnak, gidak eta eskuliburuak aurkeztea.

Basque Circular Summit 2022- “Walking the talk” da Basque Ecodesign Meetingen (BEM) izen berria. Orain arte BEMen lau edizio egin dira Euskadin, arrakasta handiz. Edizio berri honek ekodiseinutik ekonomia zirkularrera doan bilakaera egiten du, eta zuzenduta dago, besteak beste, enpresa ekoberritzaileen garapen arrakastatsuak ezagutzeko eta aplikatzeko interesa duten euskal enpresei; Euskadin ekonomia zirkularra bultzatzeko ahalmena duten erakunde eta administrazio publikoei; Euskadiko eta nazioarteko klusterrei eta enpresa-elkarteei; edo Euskadiko eta nazioarteko ezagutza eta berrikuntzako eragileei.

Izen-emateak zabalik daude basquecircularsummit.eus webgunean

Produktu zirkularren erakusketa

Euskadin fabrikatutako produktu zirkularren erakusketari esker, Basque Circular Summit 2022n aurkeztuko diren ekonomia zirkularreko metodologia berritzaileak aplikatzearen efektuak eta emaitzak zuzen-zuzenean ezagutu ahal izango dira. Erakusketa publiko orokorrari irekita egongo da nazioarteko ekitaldiak irauten duen bitartean (asteburuan ere bai).

Euskadiko industria-sektore desberdinetako 150 produktu zirkular baino gehiago ikusi ahal izango dira erakusketan: industria-makineria, ontziak, ehunak, zurak, etab., eta produktuek eragindako ingurumen-hobekuntzak xehetasunez ezagutu ahal izango dira. Basque Circular Summit 2022tik pasatu ondoren, erakusketa ibiltari bihurtuko da, eta Euskadiko hainbat kokaleku bisitatuko ditu.

Lotutako albisteak

5 abendua, 2023 Ingurumen-jasangarritasuna

Vascoplast, 30 urte baino gehiago industria-segurtasuna zaintzen Euskadin

Irakurri gehiago

4 abendua, 2023 Ekintzailetza

Jasangarritasuna abian: Etorkizun Hobe baten alde konektatzen Ekoetxea-Urdaibain

Irakurri gehiago

29 Azaroa, 2023 Ingurumen-jasangarritasuna

Aclimak ingurumen berrikuntza teknologikorako 16 proiektu aurkeztu ditu III. Basque Greentech Foroan

Irakurri gehiago

29 Azaroa, 2023 Ingurumen-jasangarritasuna

Loraontechek nekazaritza adimendunean sakondu nahi du prozesuak monitorizatuz

Irakurri gehiago

23 Azaroa, 2023 Ingurumen-jasangarritasuna

Titán Eco Sostenible enpresak landare-jatorriko packaging malguko soluzioak eskaintzen ditu, guztiz konpostagarriak

Irakurri gehiago

Joan blog-era