Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
- Energian intentsiboak diren industria-sektoreak deskarbonizatzeko Euskadiko erakundeek hartutako konpromisoaren harira egin du bisita. Konpromiso hori betetzeko pizgarri fiskalak, laguntza espezifikoak eta proiektu estrategikoak proposatu dira. Hidrogenoaren Euskal Korridorea da proiektu horietako bat: Bilboko Portuaren eta Aiaraldearen artean 70 km-ko hidroduktu bat eraikitzea aurreikusi da, herrialdeko industria-sareari hidrogeno berdea emateko
- Imanol Pradales: “Industria da gure herrialdean elektrizitate-kontsumitzaile nagusia (% 53). Premiazkoa da sarearen gaitasuna eta erresilientzia handitzea”
Beirazko ontzien fabrikazioan liderra den Vidrala Taldearen Laudioko egoitzara bertaratu dira gaur Imanol Pradales lehendakaria, Iranzu Allende Trantsizio Energetikoko sailburuordea eta Andoitz Korta Industria Sustapeneko sailburuordea, eta Aiala Vidrioko ekoizpen-instalazio berriak bisitatu dituzte. Vidrala enpresaren Laudioko labe berria inauguratu du lehendakariak, Carlos Delclaux Vidralako presidentearekin eta Raúl Gómez taldeko CEOarekin batera. Erakundeetako ordezkariei helarazi dietenez, Aialako labe berria etorkizunaren sinonimoa da, bai taldearentzat, bai Arabarentzat. Bisitan zehar, Pradalesek nabarmendu ditu enpresaren nazioarteko proiekzioa eta Euskadi eta Aiaraldea erreferente industrial gisa kokatzeko duen ahalmena.
Lehendakariaren hitzetan, jasangarritasunaren eta ekonomia zirkularraren alde Vidralak egindako apustu irmoa azpimarratu du, eta honako hau nabarmendu: “Industria deskarbonizatzeko erritmo azkarragoa behar dugu, eta funtsezko faktore bat dugu, berebizikoa, lehiakortasuna bermatzeko: energia-hornikuntza. Asteleheneko itzalaldi masiboak bete-betean gogorarazi digu hori”. Halaber, Pradalesek nabarmendu duenez, “85 milioi euro baino gehiago inbertituko dira labeak eta lehengaien arloa modernizatzeko eta autosorkuntza fotovoltaikoko instalazio bat abiarazteko. Hala, jarduera eta enplegua sustatuko dira Laudion”.
Pradalesek gogorarazi du euskal industriak argindarraren kontsumoaren % 53 bereganatzen duela, eta adierazi du sare elektrikoaren ahalmena eta erresilientzia handitzeko premia larria dagoela. Ildo horretan, berretsi du erakundeek konpromisoa dutela energia intentsiboko industria-sektoreak deskarbonizatzeko, bereziki zaurgarriak baitira erregai fosilen prezioen aldakortasunaren ondorioz. “Euskal erakunde guztiak horretan ari gara”, esan du.
Era berean, trantsizio energetikoan inbertitzen duten enpresentzako pizgarri fiskalak hobetuko dituztela iragarri du, laguntza zuzenak eta espezifikoak barne. Sustatutako proiektuen artean, Hidrogenoaren Euskal Korridorea azpimarratu du: 70 kilometroko hidroduktu bat eraikiko da Bilboko Portuaren eta Aiaraldearen artean, eskualdeko industria-sarearentzako hidrogeno berdea garraiatzeko.
Azkenik, lehendakariak aurreratu du Euskadi lanean ari dela bere industria-plana Clean Industrial Deal planarekin lerrokatzeko, eta azpimarratu duenez, “aurrera egiteko unea da, gure industria-potentzia sendotzeko eta zabaltzeko”.
Lotutako albisteak
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute