Zibersegurtasuna, 4.0 Industria, startup-ak eta enpresa eta BRTA-etako standak, Basque Industry 4.0 kongresuko protagonistak, azaroaren 20an eta 21ean, BEC-en
Basque Industry 4.0-k eta Basque Cibersecurity Day-k bate gin eta beren helburuak berritu dituzte, erakustokiaren espazioari protagonismo handiagoa eskainiz, izan ere, enpresek, zentro teknologikoek eta BIND 4.0-ko startup-ek geroz eta eskari handiago egiten baitute
Seigarren edizio hau, arloko eragile nagusien aldetik -instituzio publikoak, enpresak, klusterrak, zentro teknologikoak eta unibertsitateak-, 4.0 industriaren inguruko hausnarketarako urteroko data moduan kontsolidatu da
Zibersegurtasuna, industrian teknologia digitalak aplikatzen ari direnean aintzat hartu behar diren arrazoietako bat da. 4.0 Industriaren inguruko ezagutza partekatu nahi duen jardunaldiak, sareetako segurtasunaren parametroari so egin behar dio bere programaren barruan
Erakustokia 180 standetara areagotuko da eta bertan izango dira Basque Research & Technology Alliance-n (BRTA) zentro teknologikoak, 4.0 euskal Industriaren punta-puntako enpresak eta aurtengo eta aurreko BIND 4.0 edizioetako dagoeneko aipatutako startup-ak.
Euskadin 4.0 Industriaren eta Zibersegurtasun industrialaren erreferentziazko ekitaldiak bat egingo dute aurten, SPRI taldeak azaroaren 20an eta 21ean BEC-en 2 pabilioian egingo den “Basque Industry 4.0-The Meeting Point” kongresuan. Gauzak honela, orain arte elkargune izan diren Basque Industry 4.0-k eta Basque Cibersecurity Day-k bat egin eta beren helburuak berritu dituzte, enpresa, zentro teknologiko eta BIND 4.0-ko startup-en geroz eta handiagoa den eskaerari erantzuna emate aldera, erakustoki espazioari garrantzi handiago emanez. Gainera, Euskadi, etorkizun hurbilera begira, bi gako hauen alorrean, zibersegurtasun eta 4.0 Industrian, alegia, europar erreferente izan dadin lan egingo du.
Gainera, azken urteetako ibilbidearekin jarraituz, startup teknologikoen BIND 4.0 azeleratzaileak bat egingo du kongresu honekin, erakustokiko standetan bere espazio okupatzeko edo eta programaren 2019ko edizioan parte hartzen duten startup eta industria teknologikoen arteko topaketentzako eskenatoki moduan erabiltzeko.
Zehatz mehatz, erakustokia 180 standetara areagotuko da eta bertan izango dira Basque Research & Technology Alliance-n (BRTA) zentro teknologikoak, 4.0 euskal Industriaren punta-puntako enpresak eta aurtengo eta aurreko BIND 4.0 edizioetako aipatutako startup-ak. Erakustokiko parte-hartzaileek euren espazio propioa izango dute bertaratutakoei euren eskaintza teknologikoa eta zerbitzu eskaintza aurkeztu eta enpresa-lankidetzarako kontaktuak ezartzeko.
“Basque Industry 4.0-The Meeting Point” bere seigarren ediziora heldu da, arloko eragile gakoen aldetik – instituzio publikoak, enpresak, klusterrak, zentro teknologikoak eta unibertsitateak- 4.0 Industriaren inguruan hausnarketa egiteko urteroko data bihurtuta. Maila internazionalean ospe handiko ekitaldia da eta edizio honetan, bere eragina biderkatu egingo du mugaz haratago, zibersegurtasun industrialaren inguruko kongresua bere gain hartzean. Kongresuaren lehen edizioa iragan urtean egin zen, Zibersegurtasunaren Euskadiko Zentroaren (BCSC) sorrerari esker eta Basque Cybersecurity Day-n nazioarteko parte-hartzaile eta txostengile kopuruaren aldetik arrakasta handia suposatu zuen.
Bi ekitaldiek bat egitearen arrazoiak, hauek dira; lehenengo, zibersegurtasuna, industrian teknologia digitalean aplikatzen direnean aintzat hartu beharreko funtsezko arrazoietako bat da. 4.0 Industriaren inguruko ezagutza partekatu nahi duen jardunaldi batek, bere programaren barruan sareetako segurtasunaren parametroa izan behar du. Horrez gain, Euskadi, denbora gutxian, Zibersegurtasunaren Euskadiko Zentroak (BCSC), euskal enpresa zibersegurtasunaren elkargune eta Europako erreferente gisa burutzen ari duen lanari esker, zibersegurtasunaren alorrean nazioarteko erreferente bihurtu da. Europar buruzagiak, Euskadin eta ere Zibersegurtasun eta 4.0 Industriako estrategietan arreta jarri dituztenak dira, beti ere presente egon behar herri gisa.
4.0 Industria
2014 urteaz geroztik egiten ari den bezala, Euskadin 4.0 Industriako zati diren guztiek, ekitaldi honetan eztabaidatzen dute, erreminta digitalak aplikatzeko moduaz, prozesu industrialak optimizatzeko elektronika, informazioa eta komunikazioaren teknologien inguruan eta beti, formatu desberdinak erabilita. Diseinu, garapen, ekoizpen, logistika eta fabrikazioaren kudeaketa integratuaren euskarrirako erreminta adimendunak dira.
Basque Industry 4.0-n teknologia eta ikerkuntzaren etorkizunerako begirada bat eskaintzen da, izen bereko teknologien bitartez. Hauek dira:
- Fabrikazio aditiboa
- Robotika kolaboratiboa
- Sistema ziberfisikoak
- Errealitate areagotua
- Cloud computing-a
- Bigdata
- Errealitate birtuala
- Zibersegurtasuna
Formatu desberdinak uztartzen dituen ekitaldia da, hala nola, lehen mailako mintzaldiak, kasuen aurkezpenak, tailerrak, elkarrizketak, mahai inguruak, erakusketak eta frogantza gunea.
Kongresua, osoko sesio, sesio paraleloek, 4.0 teknologiak eskaintzen dituzten enpresei zuzendutako erakustoki zabal bat, 4.0 industriarentzako, zibersegurtasunerako soluzioen “gamifikazioaren” inguruko tailer eta esperimentazio txoko bat eta networking- txoko bat osatzen dute.
Gainera, Basque Industry 4.0 topagunea, ezagutza partekatzeko formula onenetan pentsatzen jarraitzen du, horregatik, programako eskenatoki desberdinek, mintzaldia, iritzi trukaketa, entzute aktiboa, enpresa-lankidetza eta networking-a ahalbidetuko dute.
Zibersegurtasuna
Seigarren edizio honetan, Basque Industry 4.0 The Meeting Point haratago doa eta erronka berriei aurre egiten die, azken urteetako errealitate industrialak aurrez aurre jartzen diguten eta gure jardueren segurtasunarekin erlazionatuta dauden horiei. Jarduera industrialak, 4.0 industriak, aurreratutako industriak eta industria teknologiko eta digitalizatuak modu seguruan eta babestuan erabili behar dira eta horregatik, ekitaldia hazi egin da, zibersegurtasun arloko ezagutza eta esperientziak eskaintzeko asmoz.
Aurten ekitaldira batzen den beste bat Basque Cybersecurity Day-a da, eskaeran hasi eta ekoizpenera, ematera, euskarrira, mantentzera eta amaierako birziklatzera bitarterako antolakuntza eta kontrol maila berriaren barruko 4.0 Industriako teknologia saihetsezin eta beharrezko teknologia gisa.
Berez, ekitaldi honen funtsezko ospakizunen testuinguruan, zehazki azaroaren 20an, FIRST-eko, hots, zibersegurtasun jazoerei erantzuna emateko taldeen mundo mailako foroko kideen eztabaidarako tailerra hartuko du. FIRST Bilbao Technical Colloquia deituriko tailer hau, Basque Industry 4.0-The Meeting Point-en egingo da, Zibersegurtasunaren Euskal Zentroa bertako kide delako, eta bertan, jazoeren erantzun eta segurtasun taldeen operazioari eragiten dioten kalteberatasun, gorabehera, erreminta eta bestelako arazo guztiei buruzko informazioa partekatzen da.
Basque Cybersecurity Center-ek (BCSC) Technical Colloquia honetarako aukeratutako modalitatea 10 sesio irekitako formatua da, segurtasunean aditutakoengatik zuzendutakoak, zeinek, bertaratutakoen talde txikiekin, arlo teknikoak landuko dituzten . FIRST-eko Kideek eta profil teknikoa duten pertsonek zuzendutako tailer hauetako parte-hartzea, 100 pertsonetara mugatuko da. Gainera, jazoeren eta sektore gakoetako kudeaketaren inguruko industria zibersegurtasunari buruzko bestelako tailer praktikoak egingo dira.
Era berean, Flandeseko zibersegurtasunaren klusterrak Bilbon 2019ko Cybersecurity for Robotics Conference ospatzea sustatu du, Basque Cybersecurity Day-arekin bat egin dezan, eta bertan parte hartuko duten batzuek gainera, SPRI Taldeak antolatzen duen ekitaldian ere txostengile izango dira.
BIND 4.0
Azken edizioetan egin den bezala, Basque Industry 4.0-n BIND 4.0 programako 2018-2019 edizioko lau kasuei dagozkien emaitzak aurkeztuko dira. Aurkezpenek, 4.0 Industriarentzako antolatutako teknologien aplikazioaren proiektuen bitartez, trakzio- enpresen eta startup-en arteko zenbait lankidetza errealitate erakustea dute helburu, baita BIND 4.0 programa eta eredua zabaltzea eta azpimarratzea ere.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.