Unilever-ek bere lantegien eraldaketa digitalean aurrera egin du BIND 4.0 plataformako startup-en bidez
Industria adimenduneko berrikuntza irekiko BIND 4.0 plataformaren lankidetza publiko-pribatuaren ereduak aurrerapen handia ekarri du sektoreko konpainia handien eraldaketa digitalean, haren bost edizioetan. Horixe izan da kontsumo-ondasunak banatzeko Unilever konpainia globalaren kasua. Izan ere, konpainiak egiaztatu du, hainbat startup teknologikorekin konektatuta eta batera lan eginda, 4.0 industriaranzko prozesua bizkortzeko gaur egun enpresek aurre egin beharreko erronka asko konpontzeko gai diren tresna disruptiboak sortu ahal izan dituela.
Ekonomiaren Garapen, Jasangarritasun eta Ingurumen Sailaren ekimen publiko-pribatua da BIND 4.0 —SPRI Taldearen eta ekintzailetzako euskal ekosistemaren UpEuskadi plataformaren bidez kudeatzen da—, eta mundu osoan 4.0 industriaren berrikuntza irekiaren eta azelerazioaren erreferente bihurtu da. Gaur egun, Euskal Autonomia Erkidegoan egoitza duten fabrikazio aurreratuaren, energiaren, osasunaren eta elikaduraren sektoreko erreferentziako 57 enpresaren lankidetza du.
Bi deialditan, BIND 4.0 plataforman parte hartzeak dakartzan onuretako asko baliatu ahal izan dituzten lehen mailako enpresa handi horietako bat da Unilever. Abantaila horien artean dago berrikuntza- eta lankidetza-ingurune bat sortzea. Ingurune horretan, startupek beharrezkotzat jotzen dituzten proba guztiak egin ditzakete, beren prozesuak hobetzeko konponbide biribila eta pertsonalizatua aurkitu arte. Hala dio Alain Ibañez Unileverreko hornidura-kateko Eraldaketa Digitaleko kudeatzaile eta lankidetza-proiektuetan esperientzia handikoak. “Startup baten proiektu pilotu bat garatzeko prozesuan, bi aldeek beren itxaropenei uko egin behar diete, eta eskalatzeko, egokitzeko eta konpromisoa hartzeko prest egon behar dute. Startup-ekin lan egiten dugunean, gaitasunak eta malgutasuna dituzten taldeak bilatzen ditugu, elkarrekin aurkitzen baitugu aukerarik egokiena”, gehitu du.
Lehen mailako konpainiei hainbat abantaila ematen die BIND 4.0 plataforman parte hartzeak. Lehenik eta behin, BIND 4.0 plataformak munduko startup onenak detektatzen, ezagutzen eta horiekin harremanetan jartzen laguntzen du, baita enpresa traktoreen erronka teknologikoei aurre egiteko gai diren kalitate handieneko enpresa berrien scouting-a egiten ere. Era berean, proiektu berritzaileen garapena bizkortzen du (epe laburrean emaitza ikusgarriekin), eta enpresa traktoreei laguntza ematen die gaitasun berriak gara ditzaten, startup berritzaileekin lan egiteari ahalik eta etekin handiena ateratzeko. Azkenik, partner-ak Berrikuntza Irekiko eta 4.0 industriako lider eta adituekin harremanetan jartzen ditu.
Teknologia berrien azeleratzailea
Unilever Hodeia Digital startup-arekin, besteak beste, ari da lanean BIND 4.0 plataformaren edizio honetan. Big Datan eta Advanced Analytics-en espezializatutako enpresa da, eta BuildApp sortu du, hainbat arlotako informazioa —hala nola produkzioa, kalitatea eta mantentze-lanak— digitalizatzeko eta zentralizatzeko gai den aplikazioa. “Unileverren filosofia tokiko startupei laguntzea da, beren fabriken beharrei erantzuteko gai izango diren irtenbide teknologiko berriak aurki ditzaten. Lankidetza horri esker, gure BuildApp plataforma funtzionaltasunean eta erabilgarritasunean hazten ari da”, adierazi du Eder Berceruelo Hodeia Digitaleko product managerrak. Unilever-eko elikagai-fabrikak digitalizatzeko Europako zuzendari eta Poznango elikagai-fabrikako zuzendari Mikel Tejadasen hitzetan: “Honelako lankidetzak zuzendaritza berezi bat eta enpresako ‘aingeru zaindari’ bat behar ditu 4.0 industriaren proiektuak seguru mantentzeko, denbora emateko eta frogetarako, akatsetarako eta hazkunderako ingurune seguru bat ahalbidetzeko”.
Elikagaien sektoreko liderra maila globalean
Izan ere, Unileverrek badaki nola lortu arrakasta. Mundu osoan 400 elikagai-marka eta 100 fabrika baino gehiagorekin, konpainia sektoreko liderra da eta ondo ezagutzen ditu bere negozioaren beharrak. Horregatik, badaki garrantzitsua dela abangoardiako teknologietan inbertitzea eta startupen bidez irtenbide berriak modu arin eta seguruan gara daitezkeela. Zehazki, Unilever 2020an hasi zen lanean, BIND 4.0ren laugarren edizioan, BIND 4.0ren adimen artifizialeko Bleenco startup alemaniarrarekin, enplegatuen bideoei buruzko analisian oinarritutako proiektu pilotu batean, ergonomia, trebakuntza eta segurtasuna hobetzeko.
Gainera, Unileverrek Bleencoren EHS automatizazio-soluzioak egokitzeko gaitasun handia ikusi zuen bere produkziorako, maila globalean. “Etengabe harremanetan egon ginen Unileverreko Eraldaketa Digitaleko kudeatzaile Alain Ibañezekin, proiektu pilotua garatzeko ingurunerik onena aurkitzeko. Lankidetza haren nazioarteko fabriketara zabaldu genuenean, tokiko kontaktu egokien aurkezpena lortu genuen. Horiek laguntza handia eman ziguten eta egikaritze arrakastatsua erraztu zuten”, adierazi du Bleencoko Negozio Garapeneko Julian Hettich-ek. Baina, azkenik, COVID19aren ondorioz osasun-krisia iritsi zenean, Bleencoren adimen artifizialeko teknologiak segurtasun-arau berriak betetzea ahalbidetu zion Unileverri, eta, ordutik aurrera, bere teknologia segurtasun-baldintzak betetzera bideratu zen proiektua. Horrela, Unileverrek, besteak beste, bideo-analitika erabili zuen bere enplegatuei tenperatura neurtzeko eta segurtasuna bermatzeko.
Izan ere, enpresa handiek, batzuetan, zisterna-ontzi gisa funtzionatzen dute, hau da, astiro mugitzen dira, baina modu metodiko eta ondo kalkulatuan. Bestalde, sortzen ari diren enpresak txalupa azkarrak bezalakoak dira. Hala uste du Unileverreko elikagai-fabrikak digitalizatzeko Europako zuzendari eta Poznango elikagai-fabrikako zuzendari Mikel Tejadasek, analogia hori erabili baitzuen enpresen eta startupen arteko lankidetza-prozesua azaltzeko. “Txalupa azkar ugari eraikitzen ari gara, lantegi batean hainbat proiektu egiten ‘akats azkarrak egin eta azkar ikasi’ lelopean, irtenbideak probatzen, proiektuak ezabatzen behar diren heinean, eta berriro ere saiatzen. Probatu eta hobetu ondoren, Unileverrek teknologia horiek ezar ditzake bere fabrika eta lantegi guztietan”.
Startupen arteko lankidetza eta irtenbideen integrazioa
Lankidetza-proiektuak hazten jarraitu zuen, errealitate areagotuko Neosentec startupa kontratatzeari esker. Neosentec AR (Onirix) plataformaren sortzailea da, erabiltzaileei bere instalazio guztietan bildutako datuak erraz ikusteko aukera ematen diena. Carlos González Neosenteceko COOak azaldu duenez, “Onirixi esker, operadoreek hainbat lan egin behar dituzten makinei buruzko informazioa ikusi ahal izango dute: mantentze-lanak, konponketak, garbiketa, etab. Onirixekin, operadorea bere zereginaren hurrengo puntura gida daiteke, bisualki, edo fabrikaren barruan elementu fisikoei buruzko trebakuntza-bideo bat jar dezake”. Neosentec eta Unileverren arteko harremana proiektu pilotu batetik sortu zen. Proiektu horretan, Unilever errealitate areagotuaren aukerak probatzen hasi zen. Proiektu txiki batekin hasten den istorio ederra, 2022rako Unileverren 100 bat lantegitan Onirix eskuragarri izateko eboluzionatzea helburu duena.
Horrela, Bleenco eta Neosentecetik eta abian dauden beste startup proiektu pilotu batzuetatik bildutako informazioa bateratu egiten da Hodeia Digital startuparen BuildApp plataformaren bidez, erraz irakurri eta kokapen bakoitzera egokitu daitekeen taula bisual batekin. Hodeia Digitaleko product manager Eder Berceruelok azaldu duenez: “Gure produktua jaio zen Unileverri esker eta BIND 4.0 programaren bosgarren edizioan sortu zen aukerari esker. Izan ere, mundu osoko 100 fabrika baino gehiagorentzat gure irtenbidea estandarizatzea proposatu ziguten edizio horretan. Proiektuaren helburua hedapen planifikatu bat egitea da, fabrika bakoitza inplikatzeko eta horren beharrak Unileverren eskakizun orokorretara egokitzeko”.
Hainbat teknologia konbinatu eta horiek erabilerraza den plataforma batean sartzean, Unileverrek arrakasta handiko lankidetza-ingurune bat sortu du. Unileverreko Alain Ibañezek dioenez: “Proiektu bakoitza bata bestearen gainean eraikitzen da teknologia desberdinak integratzeko”. Hainbat startupen irtenbideak plataforma bakar batean sartzen direnez, haien lankidetzaren emaitza neurrira eraikitzen da eta, eraikuntza-bloke gisa, teknologia horiek lantegi guztietan gehitu, doitu, ezabatu, pertsonalizatu eta inplementatu daitezke. Unileverrek datuak biltzen jarraitzeko asmoa du, bere tresnak eta softwarea are gehiago garatuz, operadorea buruan duela. “Langileen bizitza sinplifikatu nahi dugu, eta plataforma hori Europa osoan eta mundu osoko 100 lantegi baino gehiagotan ezartzeko asmoa dugu”, esan du Unileverreko Mikel Tejadasek.
BIND 4.0k eta Unileverrek helburu berberak dituzte: teknologia egokitzea eta hazaraztea, industriaren lana eta lehiakortasuna errazteko. Horregatik, Unileverrek azkartu eta inplementatu dituen 4.0 industriako proiektuak —besteak beste, Neosentec, Bleenco eta Hodeia Digital startupekin—, elkarlanaren eta lankidetzaren adibide bikaina izan dira, eta gauza izan dira lankidetza-inguruneak sortzeko, startup disruptiboekin berritzeko eta irtenbide adimendunak inplementatzeko.
De esta forma, la información recopilada de Bleenco y Neosentec, así como de otros proyectos piloto de startups en marcha, se unifica a través de la plataforma de BuildApp de la Startup Hodeia Digital, con un tablero visual que se puede leer y adaptar fácilmente a cada ubicación. El Product Manager de Hodeia Digital, Eder Berceruelo, explica que “Nuestro producto nació gracias a Unilever y a la oportunidad que surgió en la quinta edición del programa BIND 4.0, donde nos propusieron estandarizar nuestra solución para más de 100 fábricas en todo el mundo. El objetivo del proyecto es llevar a cabo un despliegue planificado que involucre a cada fábrica y adapte sus necesidades a los requisitos globales de Unilever ”.
Al combinar diferentes tecnologías e integrarlas en una plataforma fácil de usar, Unilever ha creado un entorno colaborativo de gran éxito. Alain Ibañez de Unilever afirma que “cada proyecto se construye uno encima del otro para integrar diferentes tecnologías”. Al incorporar las soluciones de varias startups en una única plataforma, el producto de su colaboración se construye a medida, como bloques de construcción, pueden agregar, ajustar, eliminar, personalizar e implementar estas tecnologías en todas sus plantas. Unilever planea continuar recopilando datos, desarrollando aún más sus herramientas y software con el operador en mente. “Queremos simplificar la vida de los trabajadores y planeamos implementar esta plataforma en nuestras plantas en toda Europa y en más de 100 fábricas en todo el mundo”, Mikel Tejadas, de Unilever.
BIND 4.0 y Unilever comparten los mismos objetivos: adaptar y hacer crecer la tecnología para facilitar el trabajo y la competitividad de la industria. Por eso, los proyectos de Industria 4.0 que Unilever ha acelerado e implementado con startups como Neosentec, Bleenco y Hodeia Digital, entre otras, han sido un excelente ejemplo de colaboración y cooperación, con el que han sido capaces de crear entornos colaborativos, innovar con startups disruptivas e implementar soluciones inteligentes.
Lotutako albisteak
Digitalizazioa eta pentsamendu kritikoa: honela bizi izan da CodeOKen 1. edizioa Euskadiko ikasgeletan
280 ikastetxetako, 12 eta 16 urte arteko ia 5.000 ikasle eta 600.000 jarduera baino gehiago bildu ditu CodeOK 2024-2025en lehen edizioak. Hezkuntza Sailak eta GAIA Klusterrak bultzatutako ekimenak digitalizazioa eta pentsamendu konputazionala Euskadiko ikasgeletara eraman ditu, erronketan, gamifikazioan eta benetako problemak ebazten oinarritutako metodologia berritzailearekin.
Garaia Parke Teknologikoa, berriro ere ekintzailetza eta inbertsiorako topagune ekainaren 3an
Debagoiena euskal ekintzailetzaren epizentroa izango da berriro, ekosistema enpresarial eta berritzailea indartzea helburu duen topaketarekin.
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak