Undersat, teknologia berriak ‘azken miliako’ soluzio logistikentzat
4.0 Logistika hertsiki lotuta dago 4.0 Industriarekin eta biltegiratzearen eta produktu eta ondasunen banaketaren hobekuntzarako teknologia berrien aplikazioan oinarritzen da. Logistikaren erronka nagusietako bat, eskaria bere erosleari ematearen muturreko prozesua da, ‘azken milia’ deiturikoa. 2014an eratutako eta BIC Bizkaia Ezkerraldean egoitza duen Undersat Mobile Computing IT enpresa tankera honetako zerbitzuetan berezitu da. Undersat Mobile Computing ITko Zuzendari Tekniko Eduardo Luis Sirgo eta Zuzendari Komertzial Inés Cejudorekin hitz egin dugu.
Zer nolako soluzioak garatzen dituzue Undersat Mobile Computing IT-en?
Enpresei, bulegotik kanpora lan egiten dutenen, hala nola, banaketa zerbitzuetan, distribuzioetan edo berrikuspen teknikoetan dihardutenen mugikortasunaren inguruko informazioa eskaintzen duen ‘cloud computing’ zerbitzua sortu dugu. Gure bezeroek, gure zerbitzua, mugikorraren bitartez euren enplegatuen jarduerak monitorizatzeko erabiltzen dute. Orain dela urte batzuk, langile hauek paper eta bola lumaz euren parteak bete beharra zuten bitartean, orain, mugikorraren bitartez egiten dute, denbora errealean, horrexek dakartzan abantailekin. Langile hauetariko batzuek, barra-kodearen irakurgailuak erabili behar zituzten fardel bat entregatzeko orduan. Orain, mugikorretako argazki kamerek lan bera egiteko gai dira, Undersat deituriko gure ‘softwareari’ esker.
Zein esparru motatan ari da erabiltzen Undersat?
Aplikazio nagusia mezularitza zerbitzura, etxez etxeko erosketa ematera edo banaketara bideratuta dago. Fardela etxera ekartzen dizutenean, lehen, banatzaileek, datuak bete eta sinatu eta ematea erregistratzen zuen PDA horiek eramaten zituzten.
Oraintxe bertan, banatzaile askok mugikorra besterik ez daramate, telefonoko pantailan ukipen- arkatz batez baliaturik ematea sinatzeko aukera ematen duena; baina, heldu baino lehen, abisu SMS bat bidal diezazukete, edo etxean ez bazaude, ematea gauzatzeko aukerarik izan ez dela zentralera abisatu ere. Horrez gain, argazki kamera erabil dezake, entregatutako produktua baldintza txarretan dagoela erregistratzeko.
Bezeroak denbora errealean, emandako eskaeraren, balizko gorabeheren, jasotzailearen sinaduraren eta abar luze baten inguruko informazio osoa izango luke.
Undersaten erabileraren beste adibide bat, QR kodeen irakurketarekin eta geokokapenerako GPSaren erabilerarekin erlazioantuta dago. Gure bezeroetako bat, Espainia osoan zentroak dituen elektronika denda kate ezagun bateko produktuen banaketaz arduratzen da. Biltegiak hornitzeko produktuak kamioietan garraiatzen dira eta zenbait bidalketek hiri desberdinetan ematen dira. Paleak non diren inguruko ‘tracking’ hori guztia, monitoriza daiteke, pale bakoitzak QR kode bat daramalako eta gure sistema, denbora errealean, hots, ematea egiten ari den neurrian irakurtzeko gai da. GPS sistemadun mugikorrak izateari esker, uneoro banaketarako kamioia non den edo produktuen zama lanetan zenbat denbora eman duen jakin dezakegu.
Eskaerak ematearen inguruko informazioaz haratago, zuena bezalako erreminta batek eragin nabarmena izango luke ere bai, 8/2019 Errege-Dekretu-Legea indarrean sartzearekin erlazionatutako enplegatuen lan jardunaldiaren kontrolarengan?
Undersat, mugikorraren bitartez eta modu errazean ordutegiaren kontrola egin ahal izateko garatzen ari gara. Bere erabilerari eta mugikorreko bertako GPSari esker, posible litzateke islatzea, jardunaldia noiz hasi den, noiz bukatzen den, egindako etenaldiak edo jardunaldiak iraun bitartean non izan den. Hau guzti hau, erloju eta txartelik Gabe, bulegotik kanpo lan egiten duzunean ezer gutxirako balio baitute. Esaterako, etxe desberdinetako azpiegituren berrikuspena egin behar baduzu, gure sistemari esker, etxe bakoitzean zenbat denbora eman duen jakin dezakezu, beti ere geolokalizazioari esker. Ez genuke bakarrik zenbat ordu eman dituen lanean, baizik eta, jarduera bakoitzari eskainitako denbora zehatza ere ezagutuko genuke.
Enpresen aldetik sistema mota honen eskaririk ba al da, langileen ordutegien kontrolerako?
Enpresen aldetiko sistema mota hauenganako eskari eta beharra izan bada, serioski hartzen ari baitira. Horietako asko ordutegien erregistroa paper eta bolalumaz edo Excel baten bitartez egiten ari dira. Gure sistema mugikor bat erabiltzea bezain erraza da, hodeien dago eta langilea non dagoen esateaz gain, txostenak eta bestelako estatistikak eskaintzen ditu. Arazoa, langile guztiek enpresako mugikorrik ez dutela da, eta bere beharrean mugikor pertsonala erabiltzen dutela, eta baliteke gai hauetarako erabili nahi ez izatea. Bestalde, markatzea eta ordutegiaren kontrola mehatxutzat jo dezaketen pertsonak izan badira. Enpresari batek aparteko ordu gehiegi ateratzearen beldur izan dezake eta langile bati, bere lan jardunaldiaren kontrol zorrotz batek, bere kokapenaren arabera, noiz hasi den edo kafea noiz hartu duen jakiteak mesfidantza eragin diezaioke.
Araudi hori bete beharraz eta gure bezalako sistema batek mehatxurik eragiten ez duela baizik eta gauzak erraz ditzakeela jakinaraztea asko kostatzen zaigu.
GPS edo QR kode irakurgailuaz gain, zer nolako beste teknologiek esku hartzen dute Undersat-en?
Azken modan izan behar gara beti, gure bezeroek exijitzen dizkiguten erremintak integra ditzagun. Undersat HTML5-n garatutako web aplikazio progresiboa da, eta horregatik web nabigatzaile batetik erabil daiteke eta horrek, argazki kamera edo GPSra sartzeko aukera errazten digu. Abantaila nagusietako bat, honela, Sistema operatibo bakoitzerako aplikazio berezirik garatu beharrik ez dugula da, Android edo Apple-eko iOS izan. Bero-beroan beraien gainean lan egin dezakegu, eta akatsen bat aurkitzekotan, zuzenean zuzen dezakegu hodeietan bertan. ‘App’ tradizional batekin, akatsen bat atzematean, aplikazioa eguneratzerakoan denbora gehiago ematen dugu, Sistema operatiboaren arabera. HTML5-eko garapenari esker, denbora tarte laburrean gure bezeroen edozein behar egoki dezakegu.
Zeinek izango dira Undersat-ek eman beharreko hurrengo urratsak?
Gaur hasi eta urte bukaera bitartean aplikazioa hizkuntza desberdinetan eskuragai izan dadila nahi dugu, hala nola ingelesez, gure merkatua beste herrietara zabaltze aldera. Guretzat oso garrantzitsua da gure bezero zorroa areagotzea.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.