SPRI Taldeko zuzendariak Cannes-en jaso du Financial Times-en aitortza, zeinaren arabera Euskadi lurralde erakargarria baita atzerriko inbertsioarentzat
SPRI Taldeak eta Eusko Jaurlaritzak bultzatutako Invest in the Basque Country estrategiaren lau alderdi saritu dira
SPRI Taldeko zuzendari nagusi Alex Arriolak gaur jaso du Cannes-en Financial Times taldeko Fdi Intelligence aldizkariaren aitortza, zeinak berriro adierazi baitu Euskadi lurralde erakargarria dela atzerriko inbertsioarentzat. Aldi honetan SPRI Taldeak eta Eusko Jaurlaritzak bultzatutako Invest in the Basque Country estrategiaren lau alderdi saritu dira, zehazki, hauek: instalatuta dauden enpresentzako laguntza, startup-entzako Bind 4.0 startupen azelerazio programa publiko-pribatua, pizgarri-sistemak eta atzerriko inbertsioa erakartzeko proiektu bat, Viralgen enpresa estatubatuarrarena hain zuzen.
Financial Times taldeko Fdi Intelligence aldizkariak berriro adierazi du Euskadi lurralde erakargarria dela atzerriko inbertsioarentzat, eta SPRI Taldearen eta Eusko Jaurlaritzaren “Invest in the Basque Country” estrategiaren lau alderdi saritu ditu: ezarrita dauden enpresentzako laguntza, Bind 4.0 startupen azelerazio programa publiko-pribatua, pizgarri-sistemak eta atzerriko inbertsioa erakartzeko proiektu bat, Viralgen enpresa estatubatuarrarena hain zuzen.
Argitalpen espezializatu eta ezagun horrek hirugarrenez jarraian aitortu du “Invest” estrategiak Euskadin egiten duen lana. Iaz esan zuen Euskadi Europa hegoaldeko 10 eskualde erakargarrienetako bat zela atzerriko inbertsioarentzat, eta aitortza egin zion orobat atzerriko inbertsioa erakartzeko “Invest in the Basque Country” estrategiari, Europako eskualde ertainetako 10 estrategia onenen artean sailkatu baitzuen. Duela bi urte, Financial Times-ek nabarmendu zuen Euskadi Europako seigarren eskualde onena zela atzerriko inbertsioarentzat, eta baita ere azpimarratu zuen Euskadi dela eskualde ertainen artetik logistika onena eskaintzen duena.
Hala, fDi Magazine aldizkariak, merkatuetako posizionamenduan eta nazioarteko inbertsio fluxuetan espezializatua dagoenak, Euskadi saritu du munduko beste 112 lokalizazioren artetik. Esan bezala, Strategy Awards sariketako txostenak Euskadi nabarmendu du bertan ezarrita dauden eta atzerriko kapitala duten enpresei laguntzeko abiatu duen estrategiagatik (“Aftercare”), ETE eta startupei zuzendutako estrategiagatik (bereziki azpimarratuz Bind 4.0 programa), ezarpenak egiteko eskaintzen dituen pizgarriengatik eta lortu dituen interes handiko proiektuengatik (esaterako, kapital estatubatuarra duen Viralgen enpresa, terapia genikoaren ekoizpenerako Europako zentro handiena).
Euskadin ezarrita dauden eta atzerriko kapitala duten enpresei laguntzeko estrategiaren (“Aftercare”) xedea da erabaki-zentroak Euskadin atxikitzea. Horretarako, SPRI Taldeko “Invest in the Basque Country” lantaldeak maiz bidaiatzen du enpresa horietara beren premiak ezagutzeko eta Euskadin errotzen laguntzeko, inguruko ekosistemarekin dituzten lankidetza-loturak sendotuz eta I+G-ko proiektuetan parte hartzeko aukerak eskainiz, azken helburua baita deslokalizazioak saihestea.
Gaur egun atzerriko kapitala duten 10 langile baino gehiagoko 1.000tik gora enpresa daude Euskadin, zientzuek enpresa guztien %10 ordezkatzen baitute eta 52.000 langileri ematen baitiete lana. Atzerriko inbertsiodun enpresen ia %46 industria sektorekoak dira eta batez bestekoa baino tamaina handiagoa izaten dute oro har. Enpresa horiek BPGaren %13tik gorako ekarpena egin zuten 2015ean, eta enpleguaren %9,9 sortu zuten 2008-2015 bitartean.
Bestalde, Euskadiko politika industrialak arreta berezia eskaintzen die ETEei eta startup-en sorkuntzari. Hartara, Eusko Jaurlaritzak duela hiru urte abiarazi zuen eta SPRIk kudeatzen duen Bind 4.0 azelerazio-programak sari bat jaso du proiektu interesgarria izateagatik eta atzerriko inbertsioa erakartzeko egiten duen lanagatik. Horren erakusgarri, aurtengo edizioan 64 herrialdetako 524 hautagaitza jaso dira. Hautagaitza horiek 40 euskal enpresa trakziogilek aztertu dituzte eta 32 startup aukeratu dituzte 44 proiektu garatzeko. 32 enpresa horietatik 13 Euskaditik kanpokoak dira eta 5 atzerrikoak.
Txostenak inbertsioak garatzeko pizgarri-sistema ere nabarmendu du eta, batik bat, azpimarratu ditu Euskadin gauzatu diren I+G-ko proiektuak. Pizgarri-sistema hori (pizgarri fiskalak barne) euskal enpresei eskaintzen zaien berbera da eta oso erakargarria da Euskadin kokatu nahi duten eta atzerriko kapitala duten enpresentzat ere.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.